Nje gə Galat 5 سے مشہور بائبلی آیات

شئیر

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə, kaw yururu, kuwa mə ngangə; neje gə nee le, torondu ila tar dɔ-ɛ gə ang.

Tar gə m-pa m-ar-si ɓa nee: Ḭya̰je Njil Njerɔsangə ar-je tɔji-si ɗəw, ɗaa a ɗaje mə njigi lə darɔ ndɔ kara ang.

To gə ɓo Njil ɓa ar-si j-isi kəm baa nama, j-a njaje gə go ɗəw lə-a.

Ɗaa nje kar Kirisi Jeju-je le ɓərə darɔ gə ɓo neje gə uwa-je ɓərə gə kagə dəsə gə.

Neje gə darɔ njigi le to ɗaga ɗang-ɗang. Neje le ɓa nee: Kaya, wə̰rə̰ neɗa gə kṵra̰y, bula jagəda, polo magəje, ɓar uma, njigi naa ang gə kɔrɔ, ko ta naa ang, nər mə, wungu mbə, kəji mə bo, tḭ naa, ngaɓa kay naa, ɗa kəm kə̰y, to mbə kodo, to ka guru, ngaɓa neje gə ɗangə gə ta gə je naa be. M-təl m-pa m-ar-si to gə m-ndəji-si ne kede le; dəwje gə nje ɗa neje gə to gə be le, d-a kandə ɓeko̰ gə lə Luba ang yom ja.

Sisəy ɗaa, ngan ko̰-mje, ꞌɓar-si kar dɔ-si to doy; ɗaa ne kara ɓa le, may kar unje dɔ to doy nee le ꞌnjaje ne ɗəw darɔ gə ang, ngaa go ɗəw njigi ɗaa, ꞌɗaje kula ar-je naa gə yo gə nee.

Mba neje gə kar darɔ tila kəm kar Njil, ngaɓa kar Njil kara tila kəm kar darɔ; neje lə darɔ gə neje lə Njil, ꞌtɔsə kəm naa ɓa gə mba kar ꞌɗaje neje gə mə-si njigi ang.

Be ɓa, torondu tɔ̰y le tɔl t-ɛ gə tar gə kara baa nee: ꞋI a njigi njemar-i to gə darɔ-i be.

J-undaje kar-si j-a tɔsə ne ta naa gə yo gə nee ang, ngaɓa j-a ꞌɗa kəm kə̰y dɔ naa gə yo gə ne ang tɔ.

Kirisi ɔr kula ɓərə lə torondu gɔbə-si gə mba kar dɔ-si to doy. Be ɗaa, ar-je dɔ gɔl si gə jang, ɓo ꞌtəlje ulaje gɔbə-si jugu ɓərə gə gugu ang.