Nje gə Epɛs 5 سے مشہور بائبلی آیات

شئیر

Sisəy le, ꞌtoje gə ngan njigije lə Luba, be ɗaa ꞌndəjije kəm-e, ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Be ɓa, undaje kəm karə dɔ pa nja-si gə gə maj-ɛ: ꞌnjaje ji mbəje ang, ngaa ji njekəmkarəje. Ḭya̰je dɔ kar ar-ɛje nday baa ang, mba j-isi dɔ ndoje gə kṵra̰y gə.

Ayje kodo mbə ang, na a kila-si dan kaya gə. Ngaa ar-je Njil ɓa ta lo mə-si gə ladə-ladə; Ulaje jingaw mə naa gə pa kɔsə, gə paje ɓədə-ɓədə, gə paje gə ɗəw njil gə, ɔsəje pa ꞌpoloje ne Mbayɓe gə dɔ ɓəngərə si tɔ̰y. Ɔji dɔ ne gə ɗa-ɗa kara, ꞌɗaje oyo Luba gə Bɔ dəwje gə dɔ kar tɔ̰y, gə ri Mbayɓe lə-sijee Jeju Kirisi.

Be ɓa, ꞌnjaje dɔ mbə gə baa ang, ngaa ꞌgərəje se ɗi ɓa to gə mə njigi lə Mbayɓe wa?

Jingawje, na-na kara njigi jene lə-a to gə Kirisi njigi ne mbo̰ naa lə njetakagəje ɓa, ye ja gə dɔ-ɛ, un rɔ-ɛ ar mba tar lə-a

Sisəy le ɗaa, kede ləw ꞌtoje gə cil ciməri, ngaa ɓisine ɗaa ꞌtoje gə lokarə gə mə Mbayɓe gə ngaa. ꞌNjaje to gə ngan lokarəje be

ꞌƁəəlje Kirisi, osoje kul no naa gə yo gə nee mba ɓəəl gə ꞌɓəəlje Kirisi.

Jeneje, na-na kara, oso kul no ngab-ɛje gə ngab-ɛje gə, to gə ꞌɗaje ne gə Mbayɓe be.

Ban-ban ja kara, kara kara lə-si tɔ̰y le, na-na ja kara ye gə ɔji dɔ-ɛ le, may kar njigi jene lə-a to gə darɔ-ɛ ye ja be, ngaɓa kar jene kara ila kuji dɔ ngab-ɛje gə tɔ.

To gə be ɓa, jingaw a kuba bɔ-ɛje je gə ko̰-eje kḭya̰-je gə mba nam rɔ-ɛ kar jene gə lə-a ɗaa joo kɛm d-a təl to gə darɔ gə kara baa.

ɓo undaje rɔ-si naa gə kara baa dɔ kula ɗaje gə lə cil ciməri gə aw kadə baa nee ang, ngaa ꞌceje gə gəl-je gə ɗaga.