Ruuka 16 سے مشہور بائبلی آیات

شئیر

“Ömöntö wowonswe igho uwa heene ku ukwimererra engʼana enke, nkobha arë uwa heene, kora ku-bhwimërërri ubhwa amangʼana amanene. Ni-ighoigho ono atarëngë omoheene ku ukwimererra engʼana enke, te-moheene ku-bhwimërërri ubhwa amangʼana amanene hë.

“Taaho omoghorwa ono araatore okokorra emeremo abhanene bhabhërë, ko-nkaagha ëmwë. Hano araakore igho, naraareghe ömwë, ahanshe uwöndë. Handë aghootane na ömwë, asere uwöndë. Ighoigho na kö-bhëënyu bhonswe, timwikarre ubhutuni ubhwa ëbhëntö, na eno moratuna okokorra Waryobha emeremo.”

Hano motaabhe abhantö abha heene kö-bhëntö ibhyënyu ibhya ko-kebhara kono, nawë araabhahaane ëbhëntö ibhya heene ibhya mu-ryobha? Hano motaabhe abhantö abha heene ku ukwimererra ëbhëntö ibhya uwöndë, nawë araabhahaane ibhyënyu abheene?

“Ibhurahimu akamohonshora igha, ‘Hano oraanyoore igha bhamura abhëënyu bhayö, tebhakoghoota amaandeko agha Mosa na agha abharööti, kora ömöntö nakaaryoka mo-bhaku, tebhaikërri hë.’ ”

“Hano umushaasha araabhorre mokaaye, amare atete uwöndë, uyö no-bhosooraare oraanyoore akörrë. Na umushaasha ono araatete omokari ono yaabhorrwa, uyö wonswe, no-bhosooraare oraanyoore akörrë.”