ŴaEfeso 2 سے مشہور بائبلی آیات

شئیر

Chifukwa te kachitidu kake, taŵakulengeke mwaku Kristu Yesu ku milimu yamampha, yeniyo wangurongosole limu Chiuta, kuti mwaku yo tendengemo.

chifukwa ndi wezi mwataskikiya mu chivwanu: ndipo chenicho kuti nchakutuwa kwaku mwaŵeni cha; ndi mpasku waku Chiuta; chakutuwa ku zinchitu cha, kuti wareke munthu kujikuzga.

kweni chiuta, pakuŵa msambasi mu lisungu, chifukwa cha chanju chake chikuru chenicho wangwanja nacho ifwe, teche ŵakufwa ifwe mu mamphuru, wangutichita ŵamoyo pamoza ndi Kristu iyo (ndi wezi mwataskika)

ndipo wangutiyuska pamoza nayo, ndi kutijarika pamoza nayo mu vyakuchanya vyo, mwaku Kristu Yesu.

Viyo na kuti mweche ŵalendo so cha ndi ŵakutandara, kweni mwe ŵaufumu, ŵanase ŵa ŵakupaturika wo, ndi ŵa ŵanambumba ŵaku Chiuta, pakuzengeka pa chiŵanja cho cha ŵakutumika ndi ŵamchimi, Kristu Yesu mweneko wakuŵa chikhozge-nyondo