PILIPI 1 سے مشہور بائبلی آیات

شئیر

I Ala wikima duna na ma-pakiri-nya nu na paràma mahàmu lai nyimi, dàngu kupi hàmu-manya duku ba na-pangala-manya duna lupa na-palundu-nya la lodu mai belina i Karitu Yehu.

Yiana-ya na hamaya-nggunggai ndumami: màla àruki ka na-parukangu na mbuha-minya i Ala dàngu na angumi dàngu ka naingu bonjangu-na na pingumi la ma-padeningu dàngu timbangu ma-pananjarungu. Nu ba tuna pingu-minyaka papindi-ya jàka nggàraya na mahàmu halawàla, hi nda ana nggàra nyurami jàka ndia nda ana nggàra pa-panjala wàngukai la lodu mai belina i Karitu.

Nadu nyungga duku jiaya i Karitu-ma na ngia pa-orangu-na na luringgu! Tàka na meti pamàngi wànguya wànggu.

Handàka pangàda - handàka pangàda-nggunggai ku-pamalangu-nya i Ala.

Nu ba tuna, na ma-papingi nàhu jiaya jàkai luri pa-namatungu la pa-karuhi-na na Lii Mànangu rukuna i Karitu. Nu ba timi nu, jàka era pa-hàmburu dànggunggai jàka ndiakai napa kurongu ba na-jorutu na kahaungu-mi dàngu ba handàka pa-ringgitungu-mi lumuna na pawuku na ma-mbulungu dàngu na parinju-mi na ma-mbulungu; nu lumuna na pawai na ma-patangangu la Lii Mànangu welingu lai Ala.

Na parinju halawàla-nggu dàngu na pamonu-manggu ka àmbu jia nda duluku-nggu la wai ngabanggu wànggu. Tàka kumonu-manya, ka nua nainguna, ri - rihi nàhuma, ka kutara uranggu la pa-pabokulu-ya i Karitu wàngu ndewa hamangu-nggu – ka luri-nggunya ka meti-nggunyakai –.

Nadu i Ala nawua-nggainyaka na pa-namungu-na nda mbulungu biana kai pawai lai Karitu, tàka jia-mbuya kai pàdangu mayila lumuna i Karitu.