EPIHU 6 سے مشہور بائبلی آیات

شئیر

Nadu nyuta ba ta-patarangu nda lawa-ndanja da angunda pataua tàka lawa-ndanja mbuu ndàbada da wàndi kambàliku da makuaha-ya nggubulu-na na hanggubu awangu.

Pahàra-nyawa nuna mbuu ndàbana ba dàngu hamayangu-mi la pakarai pa-ndulangu welingu lai Ala. La era ngia papeku-na, hamayangu-wa hama tuna ba nairu ngàndikai Ngahuna i Ala. Màtawa kai rimangu mànu dàngu àmbi tamaï-du. Hamayangu mànu ndumada mbuu ndàba banjaru-na i Ala.

Wànjawa mbuu ndàbada da madàka pa-pabera wàngu da mamàtu ndàba da pawua-na i Ala lai nyimi, ka pekuna bai pajàrungu la palawa-nya na akalu kahili-na i Kambàliku.

Jiaya ba tuna nu, nàhu, paki-hawa mbuu ndàbada da dàka pabera-na i Ala, ka peku màkami palawa-nya napa la lodu akatu ba nahada ngàndingu patungu na muhu. Dàngu ka jiapa-mayapa na kaborangu-mi bai hàlaka pa-patarangu lundu hupu njàpuna.

La nimbihu rehi wànyawa na pawaimi lai Ala ka temingu ma-patipangu; wànya na pawai nuna mimàka papàda-ha mbuu ndàbada da ana pana epi welingu lai ma-akatu. Pitiya na mànangu ka tubuku wajami dàngu na puluna i Ala ka hapanda welingu la Ngahuna i Alaya.

Màtawa nyimi kai màra mangga rimangu. Paki-yawa na tuturu-mi lai Ala hama tuna na ruhu bànggimi, dàngu na patutungu hama tuna na kalembi waja. Màtawa na wàngu etimi la pa-bobaru-ya na Lii Mànangu na mangàndi mànjaku, ka halapa wihi-minya.

La njàpuna, màtawa nyimi kai kapingatu, bai màka wànya na kapingatu pangala-mi welingu la kuaha-na i Miri, nadu bai pa-mbulungu dàngu Nyuna.

“Tembiha da amamu da inamu,” wàna na kawunga pareta-na i Ala na maningu njanjingu: “Ka peku mànjaku-mu dàngu ka namalai na lurimu la pinu tana,” wàna.

Ha dimi ana! Ba tau ma-kikungu lai Karitu-kai nyimi, patundungu-wa la amami la inami, nadu ba timi nu bàdi hi ràkana.