Matéo 10 سے مشہور بائبلی آیات

شئیر

Jesús chojningápome ore rĩ: –Boyo mu ajusópise uaqueo iji erámi jne uje a uásejna erámi unirisórone ore jne ujetiga ore pota sué uacabai ome uacáringáringo chucho. Uje a uacajnunie u áyasadie jne iji cuchiso chagúrigo ajénique. Uacarajáyo uje ugade edodie chojmára ome dejode. Jecute omi tu to ujetiga oyo ugade edodie to ome uaquejode. Oyópo cucujudaijnane to rĩ, uje pajnotácho enga que tagu dejórique go.

Jecute gosi ujetiga pota chapídome dáringárique pujuya ome yu, ujetiga ca cho daba yu, enga a chachia re jne. Jeque gosi ujetiga timiningara dacuecaringuei ome yu, a chise dacuecaringué gatérique jne rĩ.

Jesús chojningápome ore rĩ: –Ca atodóyo ayoréode uje ore yugode u yocúringane unojo ayorepíso. Chamáñaje que toque ujetiga udore ore chijocasipise yocáyipiedie gotique. Mu uacatódi upusurásu Dupade. Uje que gusu ujetiga ajéraso enga uñeque toi, mu ajepóraso enga chiroguirase uñéngaja gajño pioi.

Jé adi tu ujetiga ca uñeque chóji gaté ujetiga cho daba yu enga a ca togome uté gosi jne ujetiga chise dáringárique yanguresõre.

A yise yai Dupade idai dirome enga a yingongara ore aja yai Dupade jne. Uje que ore chise yunerotiguérique iji erámi uné, enga ore chingongara yu aja darasade. Jeque udore ore uje ore chotigase yu iji erámi uné, jé basa a jé yotigase ore to dirome iji Yai iquei iji gaté.

Aquetáyo ejnaretade ore to jnese jne, jé aja lépra isatígo to rĩ. Aringachopo totígo ore jne rĩ. Ajnichópo Satanás utocaidode ore iji ore pírigo jne rĩ. Enga jé ca atáyoi ore ome uacaquetatígo orérigui jne. Uacamóño uje bisideque yujopié ome uaque uje yẽrame uaque.

Jecute ca atodóyo go. Uje uacajnuéño chungúperenie gai ome Dupade. Enga que suseque uaque to. Jé chuságaja batererodie uje Dupade isecarané jnese. Mu que gusu batererodie uje chiraja, chirajápo badode to jnese rĩ.

A ajoso eti anguretáyorase yu enga tijode chorase jnángome uáguiji uacojode ayoréo ujade. Mu cachi uacajéo. Ujeta anguretáyo yu jne enga jogadi u jne ujetiga oyo jmíti, jmíti ome udore ore jne.