1 Kawˊrinhtuˊ 2 سے مشہور بائبلی آیات

شئیر

Seunˊ kuˊ temˊ a ri nang htawm Seungaˊ naˊ, “Kuˊ unˊ duing nyu ri ngaiˊ ri naˊ, kuˊ unˊ duing mhawngˊ ri yhukˊ ri naˊ maeeˊ kuˊ unˊ duing kuit rot ri ka nang hpumˊ ri naˊ meuh a kuˊ Peucawoˊ rangraen Eun ri uinˊ pun peue kuˊ ce leumeusˊ Eun naˊ ce.”

Peue unˊ kueˊ Citˊ seungaˊ naˊ ce hkuinˊ cang rap ri ti kuˊ lih neum Citˊ seungaˊ Eun Peucawoˊ naˊ pun, kopti nyu ce a meuh kuˊ ngaˊ naˊ. Ce hkuinˊ cang leuceng ceu nang aenˊ ce pun, kopti punta kaw ce cang leuceng ceu nang aenˊ ce pun naˊ, a kah ri loˊ hk'aˊ hkvetˊ gvah hk'aˊ civit naˊ.

Daecti Peucawoˊ Eun tuhˊ eˊ nyu ceu nang aenˊ ce ri Citˊ seungaˊ ri naˊ. Citˊ seungaˊ naˊ eoˊ sok a ri nyu ku ceu naˊ. Saecˊ meuh kuˊ vangdohˊ ruiˊ Eun Peucawoˊ naˊ, a ku sok ri nyu a yeut.

Punta kaw eˊ leuceng pun kuˊ Peucawoˊ tuilˊ Eun ri eˊ a unˊ laee kueˊ vang sutˊ vang eucˊ naˊ, hpaw eˊ caˊ pun ri rap ri ti citˊ ka bhenˊ keuteˊ naˊ, daecti pun eˊ ri rap ri ti Citˊ seungaˊ lih neum Peucawoˊ Eun naˊ.

Leukahˊ uiˊ naˊ maeeˊ leukahˊ munˊ sangsawnˊ uiˊ naˊ hpaw a caˊ meuh leukahˊ olˊ ri ti hpumˊ peˊ naˊ ri cuˊyi naˊ, daecti meuh a kuˊ kaw yeuh tiˊca ka Citˊ seungaˊ chakˊ naˊ pucti lih. Aenˊ meuh a punta hk'aˊ yumˊ peˊ naˊ kaw a unˊ cu cuˊyi ce peue naˊ, daecti a kaw cu tiˊca Eun Peucawoˊ naˊ.