उत्पत्ति 35 سے مشہور بائبلی آیات

شئیر

फेर परमेसवर नै उसतै कह्या, “मै सर्वशक्तिमान परमेसवर सूं। तू फूल्‍लै-फळै अर बढ़ै; अर तेरे तै एक जात, बल्के जात्तां की एक मण्डळी भी पैदा होवैगी, अर तेरे वंश म्ह राजा पैदा होवैगें। अर जो देश मन्‍नै अब्राहम अर इसहाक ताहीं दिया सै, वोए देश तन्‍नै दियुँ सूं, अर तेरे बाद तेरी पीढ़ी नै भी दियुँगा।”

इस करकै आओ, हम उरै तै लिकड़कै बेतेल नगर म्ह जावां; ओड़ै मै परमेसवर कै खात्तर एक वेदी बणाऊँगा, जिसनै मुसीबत कै दिन मेरी सुण ली, अर जिस राह पै मै चाल्या करदा, उस म्ह मेरै गैल रह्या।”

अर परमेसवर नै उसतै कह्या, “इब ताहीं तो तेरा नाम याकूब रह्या सै; पर आग्गै तै तेरा नाम याकूब न्ही रहवैगा, तू इस्राएल कुह्वावैगा।” इस तरियां उसनै उसका नाम इस्राएल धरया।

फेर याकूब नै अपणे कुण्बे तै, अर उन सबतै भी जो उसकै गैल थे कह्या, “थारै बिचाळै जो पराए देवता सैं, उननै लिकाड़ फेंक्‍को; अर अपणे-आपनै शुद्ध करो, अर अपणे कपड़यां नै बदल द्यो

फेर परमेसवर नै याकूब तै कह्या, “उरै तै लिकड़कै बेतेल नगर म्ह जा, अर उड़ैए रह; अर ओड़ै परमेसवर कै खात्तर वेदी बणा, जिसनै तेरे ताहीं उस बखत दर्शन दिया, जिब तू अपणे भाई एसाव कै डर तै भाज्या जावै था।”

फेर इसा होया के जी लिकड़दे-लिकड़दे उसनै उस बेट्टे का नाम बेनोनी धरया, फेर वा मरगी; पर उसकै पिता नै उसका नाम बिन्‍यामीन धरया।