Ереме́ё 22 سے مشہور بائبلی آیات

شئیر

Адя́кэ ракира́ва Мэ, Рай Дэвэ́л: Кэрэ́н чачуно́ сэ́ндо и пир чачипэ́н, и ракхэ́н обчордэ манушэ́с вастэ́стыр, саво́ традэ́ла лэс: и на кэрэ́н намиштэс, на кэрэ́н нахратэс чужонэ́ манушэ́скэ, пиротоскэ (сиротаскэ), пивлякэ (удовакэ), и на прочхувэн бибангипнаскиро (набанго) рат пэ дава́ штэ́то.

Ци ту думинэса тэ явэс крали́са пир дова́, со Ту учхакирдян пэс кедроса? Дад тыро́ хая и пия, и ци на кэрдя́ ёв чачуно́ сэ́ндо и саро́ пир чачипэ́н? И ваш дава́ сыс мишто́ лэ́скэ. Ёв лыджия́ пэ сэ́ндо рэ́ндо чорорэскиро и кодолэскиро, саво́ сыс дрэ трэ́бима; тэды и палдава́ сыс мишто́ лэ́скэ. “Ци на дава́ саро́ сыкавэ́ла, со ту джинэ́са Ман?” – ракирэ́ла Рай Дэвэ́л.

Бида лэ́скэ, кон ґаздэ́ла лэ́скиро кхэр начачипнаса, и лэ́скирэ упратунэ кралитка коморы намиштэс, пэ конэ́стэ сусе́до (кота́ри) кэрэ́ла буты́ би ловэнгиро