Езэкилё 17 سے مشہور بائبلی آیات

شئیر

И ґалёна сарэ́ фэлды́тка кашта́, со Мэ, Рай Дэвэ́л, Дэвэ́л, вучо́ кашт тэлякирава, а навучо кашт Мэ кэра́ва упрэдыр; зэлэно кашт кэра́ва шукэ́ каштэса, а шуко кашт кэра́ва каштэса цвэтэнца. Мэ, Рай Дэвэ́л, Дэвэ́л, пхэндём и кэра́ва.”

Адя́кэ ракирэ́л Рай Дэвэ́л, Дэвэ́л: “Лава́ Мэ рандь (вэтка) вучэ́ кедроскирэ упралыпнастыр, Мэ чхува́ва ла дрэ пхув. Лэ́скирэ упратунэ вэткэндыр Мэ отчхинава тэрны́ вэтка, чхува́ва ла дрэ пхув пэ вучи́ и шука́р бэ́рга. Пэ вучи́ Израилёскири бэ́рга Мэ чхува́ва ла дрэ пхув, и Ёй мэкэ́ла вэ́тки, и янэ́ла барьякирдо́ (пло́до), и кэрлапэ барэ́ кедроскирэ каштэса; явэ́на тэ дживэ́н тэл лэ́стэ чирикля́; чирикля́ порэнца явэ́на тэ дживэ́н тэл лэ́скирэ вэ́тки.