HABAKU 1 سے مشہور بائبلی آیات

شئیر

Ŋɩɩ nɛ La TƖƖNA fa bʋl, “Beŋ tinteyee tʋɔŋ, ŋ jaŋ na wɩaa dɩ ba kpere. Ŋ mɩɩsɩŋ deeŋ lɛ mɩ jaŋ ŋaa wɩɩ, dɩ ba nɛ bʋl wɩɩ-la pɩŋ ma, ŋ bɩ jaŋ laa dii.

“La TƖƖNA, ɛɛ nɛ mɩ yɩrɛ ŋ yɩrɩŋ diene ŋɩɩ dɩ ŋ pɛ la lɛ, ka ŋ bɩ jegile nɩɩ? Ɛɛ nɛ mɩ ŋmoo niiŋ pɩŋ ŋɩɩ, ka ŋ bɩ la laa ta ba sɩɩ dii doluŋ la lɛ?

Bɛɛ nɛ tɩɩ ŋ leŋ mɩ na wɩaa sɩ bɩ ba bʋa lɛ ŋaa? Bɛɛ nɛ tɩɩ ŋ sɛɩ wʋbɔŋŋɔɔ ŋaanɩŋ su leriŋ kala? Ŋ leŋ mɩ bibeŋ ka leriŋ chichei doluŋ didiila mɩ sɛmɛ na-kala ka yuosuŋ arɩ kaalɛrɛ ma pʋrɩgɛ.

Wɩalɩŋ ba fa sɩ ŋmʋnsa bil dɩ la tuto bɩra bɩ doluŋ kɛnɛ ba ŋaa wʋpɛɩ ba nɛ, wʋtɩtɩɩ bɩra tuo. Nɩbɔŋŋɔɔ nɛ laa leriŋ kala aŋ ŋmoo tʋɔpʋl tɩŋŋaa hɛ pɛgɛ lɛ a pɔ dɩ ba sɩ́ wʋtɩtɩɩ kaa tɩŋ.”