ᕈᒪᓇ 12 سے مشہور بائبلی آیات

شئیر

ᐊᑲᐎᔾ ᓂᔅᐱᑐᐛᐧᑯᒡ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ᙮ ᐃᔭᐱᒡ ᓂᑐᐛᔨᒥᐧᒄ ᒋᓴᒪᓂᑐᐤ ᐃᔭᒡ ᒐᒋ ᐃᑕᔨᑕᑯᐃᑕᒄ ᐊ ᐅᔅᒋᑕᑦ ᑕᓐ ᐊ ᐃᓯ ᒪᒥᑐᓇᔨᑎᒺᒄ᙮ ᐊᑯ ᒪᒃ ᒐ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᒋᑭ ᒋᔅᒐᔨᑕᓇᐛᐤ ᒐᒂᔪᐤ ᒪᔽᓯᔨᒡ ᑭᔭ ᒐᒂᔪᐤ ᓇᐊᔨᑎᒥᐃᑯᑦ ᒋᓴᒪᓂᑐᐤ, ᑭᔭ ᐊᓂᔭᔪᐛ ᒐᒂᔪᐛ ᓇᔅᒡ ᐊ ᑯᐃᔅᑯᓇᒂᒋ᙮

ᐊᓂᔭ ᐊ ᐃᔅᐱᔅ ᒥᓴᔨᒡ ᒋᓴᒪᓂᑐᐤ ᐅᒋᓴᐛᑎᓯᐅᓐ, ᒋ ᓂᑐᐛᔨᒥᑎᓇᐛᐤ, ᓂᐧᑲᓂᓯᑐᒄ, ᒐᒋ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᒧᔭᒻ ᐊ ᐱᒪᑎᓯᒥᑲᒋ ᒥᔨᐛᐅᓇ ᐊ ᐃᓯᓇᒂᒋ, ᐊ ᐸᔭᐧᑲᒋ ᑭᔭ ᐊ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒋᐸ ᐃᑎᓇᐛᐤ ᒋᒋᐛ ᒐᒋ ᐃᓯ ᐊᑐᔅᑯᐛᒄ ᒋᓴᒪᓂᑐᐤ᙮

ᒋᑦ ᐊᔅᐸᔨᒧᑐᑐᐛᐛᐤ ᒋᓴᒪᓂᑐᐤ ᒧᔅ ᒪᒃ ᒥᔽᔨᑎᒧᒄ᙮ ᓱᒃ ᐎ ᓱᒐᔨᒧᒄ ᓂᓇᐧᑲᑕᔨᒧᔭᑯ᙮ ᒧᔅ ᑭᔭ ᐊᔭᒥᐊᒄ᙮

ᐊᑲᐎᔾ ᒋᑭ ᓴᐧᑯᒋᐃᑯᓐ ᒐᒂᓐ ᐊ ᒪᔭᑎᒡ᙮ ᐎ ᓴᐧᑯᒋᑕ ᐃᔭᐱᒡ ᐊᓐ ᑲ ᒪᔭᑎᒡ ᐊ ᒥᔪᑐᑎᒪᒐᔨᓐ᙮

ᓴᒋᐃᑐᒄ ᐛᔅ ᒥᓯᐛ ᒋ ᐎᐧᑲᓂᓯᓂᑐᓇᐛᐤ᙮ ᒋᔅᑕᔨᒥᑐᒄ ᒋᑕᐃᐛᒡ᙮

ᒋᒋᐛ ᓴᒋᐊᐧᑯᒡ ᐊᐛᓐᒋ᙮ ᐛᐧᑲᑎᒧᒄ ᐊᓐ ᒐᒂᓐ ᑲ ᒪᔭᑎᒡ᙮ ᒥᒪᒋᑯᓂᒧᒄ ᐊᓐ ᒐᒂᓐ ᒪᔽᓯᒡ᙮

ᒥᒄ ᒐ ᐃᔅᐱᔅ ᒋ ᐃᑐᐅᓇ, ᑯᒋᑕ ᒥᓯᐛ ᐊᐛᓐ ᒐᒋ ᒥᔪ ᐎᒐᐅᑦ᙮

ᐊᑲᐎᔾ ᓂᑕ ᑎᐸᐊᒪᓱᒄ ᐊᐛᓐ ᐊ ᒥᒋᑐᑕᑕᒄ, ᓂᐎᒐᐛᑭᓂᑎᒄ᙮ ᐃᔭᐱᒡ ᐱᔅᑎᓂᒧᐛᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓂᔾ ᓂᑭ ᐅᐛᔅᑕᓐ ᐊ ᒥᒋᑐᑐᐛᑭᓄᐅᑦ ᐊᐛᓐ, ᐃᔅᒋᔄᐤ ᐅᑎᐸᔨᒋᒐᐤ᙮ ᓂᔾ ᓂᑭ ᐛᐛᓯᐊᐤ ᐊᐛᓐ᙮

ᓱᒃ ᐊᓯᒐᔨᑎᒧᒄ ᐊ ᐊᑐᔅᒐᔭᒄ᙮ ᐊᑲᐎᔾ ᒋᑭ ᐅᒋ ᒋᑎᒥᓇᐛᐤ᙮ ᓱᒃ ᐊᓯᒐᔨᑎᒧᒄ ᒋᑦ ᐊᒐᐧᑯᐛᒡ᙮ ᐊᑐᔅᑯᐛᐧᒄ ᐅᑎᐸᔨᒋᒐᐤ᙮

ᒋᓴᒪᓂᑐᐤ ᓂᒋ ᒋᓴᐛᑐᑕᒄ ᐊᒋ ᒥᔨᑦ ᒐᒋ ᐊᑐᔅᑯᐅᒄ᙮ ᐊᐅᒄ ᒪᒃ ᐛᒋ ᐃᑎᑎᑯᒡ ᒥᓯᐛ ᐊ ᑎᓯᔭᒄ ᐊᑲ ᐅᔅᑕ ᒐᒋ ᐃᑕᔨᒥᓱᔭᒄ ᑕᓐ ᒋᐸ ᐃᑕᔨᒥᓱᓇᐛᐤ᙮ ᑯᐃᔅᒄ ᐎᓯ ᒪᒥᑐᓇᔨᒥᓱᒄ᙮ ᒥᓯᐛ ᐊ ᑎᓯᔭᒄ ᒋᑭ ᐎᔭᔨᑕᓇᐛᐤ ᑕᓐ ᑕᑈ ᒐᒋ ᐃᑐᑎᒪᒄ᙮ ᐅ ᒪᒃ ᐊ ᐛᑕᔨᑎᒪᒄ ᒋᑭ ᐎ ᓂᓇᑭᑐᐛᔨᑕᓇᐛᐤ ᑕᓐ ᑲ ᐃᔅᐱᔅ ᒥᔨᑕᒄ ᒋᓴᒪᓂᑐᐤ ᑕᑈᑎᒧᐅᓂᔪᐤ᙮

ᐊᐧᑯᐃᔅᒐ ᐊᐛᓐ ᐊᑲᐎᔾ ᔭᐃᑕᔾ ᐎ ᑎᐸᐊᒪᓱᐤ ᑕᓐ ᑲ ᐃᓯ ᐊᐧᑯᐃᔅᒃ᙮ ᐃᔭᐱᒡ ᐎ ᒋᔅᒐᔨᑎᒥᔪᐛ ᑕᑈ ᐊ ᒥᔪᑐᑎᒥᓐ᙮

ᒥᓯᐛ ᐊ ᑎᓯᔭᒄ ᓱᒃ ᐎ ᒥᔪ ᐎᒐᐅᑐᒄ᙮ ᐊᑲᐎᔾ ᒋᑭ ᐅᒋ ᒋᔅᑕᔨᒥᑎᓱᓇᐛᐤ᙮ ᐊᑲᐎᔾ ᓇᑲᐎᒄ ᒐᒋ ᐎᒐᐛᑯᒡ ᐊᓐᒡ ᓇᔅᒡ ᐊᑲ ᐊᐱᑕᔨᒥᑯᒡ ᐊᐛᔪᐛ᙮ ᐊᑲᐎᔾ ᒋᑭ ᐅᒋ ᐃᑕᔨᒥᓱᓇᐛᐤ ᓇᔅᒡ ᐊ ᐃᑈᐧᑲᔭᒄ᙮

ᐃᔭᐱᒡ ᒪ ᐃᑐᑕ ᐅ ᑲ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊ ᓯᐛᔨᒂ ᐊᓐ ᐊᐛᓐ ᑲ ᐛᐧᑲᑎᔅᒃ, ᐊᓯᒻ᙮ ᐛ ᒥᓂᒂ, ᒥᓇᐃ᙮ ᐛᔅ ᐅᔭ ᐃᑐᑐᐅᑕ, ᓇᔅᒡ ᑕᑈ ᒋᑭ ᓴᒂᔨᒧᐊᐤ᙮

ᓱᐛᔨᒪᐧᑯᒡ ᐊᓐᒡ ᑲ ᐅᓂᑐᑕᑕᑯᒡ᙮ ᓱᐛᔨᒪᐧᑯᒡ, ᐊᑲᐎᔾ ᒥᒐᒋᒪᐧᑯᒡ᙮ ᐎᒋ ᒥᔽᔨᑎᒧᒪᐧᑯᒡ ᐊᓐᒡ ᑲ ᒥᔽᔨᑕᒡ᙮ ᐎᒋ ᒥᓯᒪᔨᑎᒧᒪᐧᑯᒡ ᐊᓐᒡ ᑲ ᒥᓯᒪᔨᑕᒡ᙮

ᐃᔅᐱᔅ ᓄᑕᐱᑥᐛ ᐊᓐᒡ ᑲ ᑕᑈᑕᒡ ᒐᒂᔪᐤ ᒥᔭᐧᑯᒡ ᑕᓐ ᐊ ᐃᓯ ᓄᑕᐱᔨᒡ᙮ ᒧᔅ ᒐ ᐎ ᐱᑎᑲᐊᑯᒡ ᐊᐛᓐᒋ ᐊᑲ ᐊ ᑎᑯᓂᔨᒡ ᐊᓐᑕ ᒐ ᑕᒡ᙮

ᐸᐃᑯᓂᔪᐤ ᐊᐛᓐ ᐎᔪᐤ᙮ ᓂᓇᐧᑯᐤ ᒥᒄ ᐃᓯ ᐱᔅᒐᓯᐅᓂᔪᐤ ᐊᓂᔭ ᐎᔪᐤ᙮ ᑭᔭ ᓂᓇᐧᑯᐤ ᐃᑕᐱᑎᓂᔪᐤ ᑕᓐ ᐊ ᐃᓯ ᐱᐱᔅᒐᓯᐅᓂᔨᒡ᙮ ᐊᐅᑯᓐ ᒪᒃ ᑕᑈ ᐊ ᐃᓯᓇᑯᓯᔭᐧᒄ᙮ ᒥᓯᐛ ᒋ ᐸᐃᑯᓇᓄᐤ ᒋᓴᔅ ᙭ ᐊ ᑕᑦ᙮ ᐊᑎ ᒪᒃ ᐊ ᒥᒐᑎᔭᐧᒄ ᐃᔭᐱᒡ ᐸᐃᒄ ᒥᔪᐤ ᒋᑦ ᐃᓯᓇᑯᓯᓇᓄᐤ᙮ ᒥᓯᐛ ᒪᒃ ᐊ ᑎᓯᔭᐧᒄ ᐊᑯᑕ ᐊ ᐃᓯ ᐎᒋᐃᐛᔭᐧᒄ ᐅ ᒥᔪᐤ᙮