- मत्ती 10 سے مشہور بائبلی آیات

شئیر

हेरो, मैं तुम हां भेड़न जैसो बिगना के मजारें पठैत आंव, ई लाने सांपन की भांत चतुर और परेवा जैसो भोलो बनियो।

जौन अपनो प्राण बचात आय, बो ऊहां खो है; और जौन कोऊ मोरे काजें अपनो प्राण खोत आय, बो ऊहां पा है।

उन से न डरियो, जौन शरीर हां मार डारत आंय, बे आत्मा हां घात नईं कर सकत आंय, बल्कि उन से डरियो, जो आत्मा और सरीर दोई हां नरक में नास कर सकत आय।

और जौन अपनो क्रूस उठाके मोरे पाछें नईं निंगत, बो मोरे लायक नईंयां।

ई लाने जौन मान्सन के आंगू मोहां मान लै हैं, मैं भी ऊहां अपने बाप के आंगू जौन सरग में आय, मान लै हों। पर जौन मान्सन के आंगू मोय नईं मान है, मैं भी ऊहां अपने बाप के आंगू जौन सरग में आय नईं मान हों।

बीमारन हां साजो करियो: मरे भयन हां जिलाईयो: कोढ़ियन हां शुद्ध करियो: दुष्ट आत्मन हां काड़ियो: तुम ने सेंतमेंत पाओ आय, सेंतमेंत दईयो।

ई लाने न डरिया; तुम बिलात गौरईंयन से बढ़ के आव।

जौ न समझो, कि मैं धरती पे मेल कराबे आओ हों; मैं मेल कराबे नईं, बल्कि तलवार चलवाबे हां आओ हों।