Башталыш 39 سے مشہور بائبلی آیات

شئیر

Жараткан Эге Жусуп менен бирге болуп, аны ийгилик коштоду. Ал мисирлик кожоюнунун үйүндө жашады.

Потифар колунда болгондун баарын Жусупка табыштап, жеген тамагынан башка нерсе менен иши болбоду. Жусуп келбети келишкен жигит эле.

Зындан башчы болсо камактагы туткундардын баарын Жусуптун кол алдына берди. Жусуп ал жердеги бардык ишке жоопкер болду.

Ал Жусупту карматып, падышанын туткундары камалган зынданга салдырды. Жусуп зынданда болгондо да, Жараткан Эге аны колдоп, ырайым кылып, зындан башчынын көңүлүн ага бургузду.

Арадан убакыт өтүп, Потифардын аялынын Жусупка көзү түшүп, «мени менен жат» деди. Бирок Жусуп баш тартып, кожоюнунун аялына мындай деди: – Мына, кожоюнум мен турганда үйүндөгү эч бир ишке аралашпайт, ал болгон чарбасын мага тапшырган. Бул үйдө менден чоң эч ким жок. Ал сизден башка эч нерсеге тыюу салган жок, себеби сиз аялысыз. Анан кантип ушундай чоң жамандык жасап, Кудай алдында күнөө кылам?

Бир күнү Жусуп өз иштерин жасоо үчүн үйгө кирди. Үйдө кызматчылардан эч ким жок эле. Ошондо Потифардын аялы Жусуптун чапанынан шап кармап: «Мени менен жат!» – деди. Бирок Жусуп чапанын аялдын колунда калтырып, сыртка качып чыкты.