1 Mga Taga-Corinto 2 سے مشہور بائبلی آیات

شئیر

Hinuon, sumala sa giingon sa kasulatan, “Ang wala makita ug madungog, ug ang wala gayod palandonga sa tawo, mao ang giandam sa Dios niadtong nahigugma kaniya.”

Apan ang tawo nga wala magbaton sa Espiritu sa Dios dili makadawat sa mga gasa nga gikan sa Espiritu sa Dios. Dili gayod siya makasabot niini ug binuang kini alang kaniya kay kini matugkad man lamang sa espirituhanong pamaagi.

Apan gipadayag kanato sa Dios ang iyang tinago pinaagi sa iyang Espiritu. Ang Espiritu nagsusi sa tanang mga butang, bisan pa niadtong labing natago nga mga katuyoan sa Dios.

Wala nato dawata ang espiritu niining kalibotana kondili ang Espiritu nga gipadala sa Dios aron atong mahibaw-an ang tanan nga gihatag sa Dios kanato.

Ang akong pagpanudlo ug pagwali dili pinaagi sa madanihong mga pulong sa tawhanong kaalam kondili pinaagi sa pagpasundayag sa gahom sa Espiritu sa Dios aron ang inyong pagtuo dili mag-agad diha sa kaalam sa tawo kondili sa gahom sa Dios.