Joroma 1 سے مشہور بائبلی آیات

شئیر

Kole ageno swa Wac Manyen Maber, rupiri obedo meni pa Were ma botho ji je ma joyeyo, marapena Joyuda, aka nyaka Jopath bende.

Kole Wac Manyen Maber nyutho paka Were ketho ji i tiro gine luwo kwoŋ yeyo, wok i cakirok tundo i gike. Ato randik waco ni, “Ŋat'okethi i tiro gi Were bino kwo gi yeyo.”

Wok cuka Were cwey piny, kada go won kinenere i meni pere ma cil gi cil kodi i kite ma nyawerewere, gima nyutho ni go nitie nenere i gigipiny ma go ocweyo. Am'omiyo dhano ongoye kodi gigoŋirok!

Ji joŋeyo Were, to jokimiy go dwoŋ pere, kendo kada temo foyo go ni walwa. Kucel, paro pajo olokere masisiri aka paro pajo ma kitiy m'odoŋ mudho otieko poŋ'iye.

Jowilo adieri kwoŋ Were gi twodo; jolamo aka jotiyo ri gima Were ocweyo kapa lamo Jacwec won, m'iripo pako cil gi cil. Ameno.

Were otieko nyutho ni keme pere bino wok i polo to lwenyo gi reco je kodi tim pa ji mareco ma royo pajo mareco geŋo adieri ŋeyirok.

Paka ji jotimo gime, Were ojala jo to weyo jo ri awanya ma kelo wickwot. Kiri mon bende jowiro or ma delkwoŋ gin munyo joweyo riwirok i del i yo m'otire to joriwere wegi kendi gin, m'obedo yo ma k'otire. Ameno, cwo bende joweyo riwirok gi mon paka ndir je, to joowere g'awanya kwoŋ cwo wadi gin. Cwo jotimo wickwot gi cwo wadi gin, am'omiyo Were miyo jo gir'acula ro ndir, ro tim pajo mareco no. Paka ji jokwero ketho i paro pajo rieko mar'adieri ma mako kwoŋ Were, go onyo ojala jo ri paro m'otop, ma miyo jo timo gim'oyido jokiripi timo.

Jowaco ni joriek, to kere jomiŋ ayin; kama di jolami Were makitho, jolamo rigin gim'othedhi i cal pa dhano ma tho, kosa apa winyin, kosa ap'ogwaŋe kosa apa thwole ayino.