Lumàns 12 سے مشہور بائبلی آیات

شئیر

Kə ghàn hi chyə te ghɨt a mbye afân. Ghàn bɨlà de ma Yènfù fo kwâktì yi fe ha ghàn ma fu kwuna təm ghana shyəma ghàn yen à khɨli gha ye Yènfù khɨŋa, a mô kə yi gha jwôfà mô chilichili Yènfù kôŋà.

Wana noma, mu chyate ghàn, kum kwohi seni ye a Yènfù chwùte ha ghàn na ghàn fo ngɨŋ sanisu ha Yènfù ma ghɨ hi mô yi fo ye yi chyə, yulê, nê na fu hi saŋlê. A ni kàntè yi kokhi ye a ghàn kəta hi tè kokhe Fùyèn.

Ghàn hi saŋle kum a gha ghe a ghàn khə na ghɨ mô hi bè gàn. Ngəksu ben ha ghàn, ghàn hi wunhe kə yi wunhî fê jə̂mà kə yû mù jɨ̀m.

Kə ghàn de na jyak a be, ta chya ghàn. Ghàn bɨlà tâ chya be nì gha a jûŋà ghe a ghàn nè.

Ghàn hi kôŋà ngɨŋ sanisu kə nâ te wana ne, fê mô yû mù jɨ̀m, ngumle ngɨŋ sanisu.

Ghàn hi kôŋà à ghɨ̂t, ghàn hi kôŋà kə nâ yi kôŋ, lehe wi yi lehî. Ghàn hi bânà be, fate khɨte gha a jûŋà.

Ghàn momhi nâ nì jyaka hi tè chyə nì yutìnì kə ghàn à ghɨt à jɨ̀m.

Kə ghàn bè fisè be a sun samsu. Ghàn bɨlà de kə ha Yènfù, fu chwùtè lâ baŋanu wunu kə yi ghəl te ghɨ tì nyak na Bâba jis na, “À mò luk wu mu hi fìsè gha ghe a ghɨta nè. Mu bè kaha lâkàlò gha a be a ghɨ̂tà.”

Kə ghàn hi yolê. Ghàn hi ghâblè, fêtà ha Bâba kə nâ nì təm ghana à jɨ̀m.

Yènfù ti khɨti təm a jûŋà ha mu fo fêt yi wuni na mu hi nê, mu wu hì jîsà ha ghàn nâ à jɨ̀m na, kə ghàn hi lyê ngɨŋ sanisu a shyə̀, kpene wi. Ghàn chwohi kwâktì tanitu ma ghàn lyi ngɨŋ sanisu kə nâ te ghàn mò. Ghàn hi ke ngɨŋ sanisu tohne yi bimî afa a fu fo ha ghàn.

Kə ghàn lak be nì be. Ghàn hi bɨlà mômhè kə hi tè nè gha ghe a jwôfà ha ghɨt à jɨ̀m.

Ghàn hi chyə kə ha shyə̀ à mòk. Kə ghàn hi ghaŋhe wunu. Ghàn hi bɨlà chîntè ghàn à ghɨt a bota. Kə ghàn hi lyê na ghàn khəlò gha à jɨ̀m.

Ghɨ nyak a ŋwàklù Fùyèn na, “Jìŋ hì yafa bànà yâ, wò fo shyə, wù yəlò, kuŋ à mòlû hì yima wûn, wo fo mòlû, wu nyulò. Wò shìki nî ni, ma wù nê wumi nâ haŋaŋ.”

Ghàn hi bɨlà jə̂mà na Yènfù bonhi ghɨt ghe a ghɨ chwoka wulu wanu. Kə ghàn hi jə̂mà na fu fo ngə̂k ha ghɨna. Ghɨta hì saŋlê, ghàn hi boŋa saŋlê ghàn à ghɨna, ghɨna hì jyê, ghàn hi kwohe seni ha ghɨna.

Ghàn hi jyâtè mwə̀ mânù, fo ghɨt a bimena ghe a ghɨ kəta wi. Ghàn yiki hi tè fye ghɨt a benana a ghàn a sù ndâ.

Ghàn khə na wun wu wûtù kəta wu bâh wu dô kə ni, nâbi ghɨ̀ni bâhà nê kə yi fêt hanɨ̂ŋ. Yi ni mò kəbi yi ghəl ha ghàhnà. Ghàhnà dò lò, biyani mô kə wu wun wù mòk beka yi bimî ye a ghàhnà chìntè kəta ha Klistù, nâbi ghɨ̀ni bâhà yikte kə ale.