GYƆNI 2 سے مشہور بائبلی آیات

شئیر

Dinŋɔ n nyɛ alahazibu tunseelli Yisa ŋɔn daa daŋŋi n‑tum n‑wulisi u yiiko ŋɔn daa nyɛ seem la. Galilii tingbaŋŋu tinkpanseelli kan boonni Kanna ka u daa tum alahazibu tumni maa. Ka u nyaandɔliba daa ti niŋi u yɛdda di zugu.

Ka Yisa daa labsi n‑yɛli u, ni, “M ma, n nuu bɛ la i yɛttɔ'a wa ni? Ay! - n saha na bu paai.”

Di saha ka Yisa daa ti yɛli yiri maa biisi, ni, ba gbeaama koom na m‑paali sinsi maa. Ka ba daa gbeaai na m‑paali a zaa. Ka u yɛli ba, ni, “Tɔ, pampaŋŋɔ ya gbeaam m‑mari n‑kyaŋŋi n‑ti ŋɔn su kyuu yɛla maa.” Ka ba daa niŋi lala.

Ka Yisa daa labsi n‑yɛli ba, ni, “Tɔ, ya wurimma Yiri wa m‑basi, ka n nin laa n‑labi m‑mɛ ka n‑zaali, daba ata saha.”

Di saha ka u daa zaŋŋi miisi m‑mili a taaba ka mari n‑feebri ba zaa n‑katti n‑yiisiri Gyeeŋŋu Yiri maa ni. Ka laa n‑kari ba bunkɔbri, ka daai la'atakkriba teebulidima ka kyɛ ka ba ligri maa zaa kpaai m‑basi. Ka daa yɛli ŋmankoosiriba, ni, ba mari anŋɔ zaa n‑kyaŋŋi, ni, “Ya di kyɛ ka m Ba Naawunni Yiri leebi daa!”