Saŋ 13 سے مشہور بائبلی آیات

شئیر

Yɔɔ́sɔɔ́sɔ yí okotí eeye míɔ cɔba ɔ ɔ banɔ́ íínjíe : Énu lénékéne banɔ́ na banɔ́. Nu ŋá nɔ́ nyɛmána nú olénékéne banɔ́ na banɔ́ háyɛ ɛ ŋa mɛ́ banɔ́ lénéké. Mbɔ́kɔ nu ŋe nú lénéne banɔ́ na banɔ́, e nulénéne eénú baacɔ bekime ké bú ményi anyía nua nɔ́ŋa báámɛ *baákɔ́nɛ́na. »

Ɛ́ ma mɛ́ banɔ́ súáka akɔlɔ́, yaŋɔ́ awɔ́ nu ŋa nɔ́ mɛ lɔ́ŋɔ anyía uunú Otéŋí, muanɔ́ Muékúnyi. Énu búle súánana akɔlɔ́. Ɛ́ ma mɛ́ banɔ́ tóŋínyi hibílícínyínyí anyía núé búle bɛ́kɛ́lɛ́na háyɛ ɛ́ maá mɛ́ bɛ́kɛ́lákɛ́na náánɔ́.

Mbá Yésus ɔsɛ : « O ti ŋó menyi asana ayɛ́ ɛ ŋa mɛ́ kɛla aámbáya, mbá o kóó síke o yiíyi lɔ́kɔ́ma bɔmbányɛ e elime. »

Ɛ ŋa mɛ́ banɔ́ láana aá taaká : Munyiɔnɔ ta mumɔtɛ́ tɛ ŋáá hɔ́la ciayɛ́ síkíne ci buólí, ta anyía *ɔɔcɔ u ɛndɔ́ma tɛ ŋáá hɔ́la mu-wuúci-tɔ́ma.

Nú me nú ményi aáná aámbáya ; nua nɔ́ŋa bambányɛ mbɔ́kɔ nu ŋá nɔ́ bɛ́kɛ́lákɛ́na híáná.

U ŋa hátɔ́na ɔ ɔnyíá, yɔ́ bɛ́áŋia bɔlaka bɔ́ ɔmuaná, u ŋé hiite ekélékéti yɛ́ nyɛbata, u ŋé yiíyi bísúŋe a nɔsɛ́ŋá. E elime eécí, u ŋé hiíte menyífé, yó meéme súkune a atáásɛ, u ŋé túme o húle sua bááyɛ́ baákɔ́nɛ́na akɔlɔ́, u ceéce hónóko na nyɛbata a nyɛ́ ŋaá bá aáyá a nɔsɛ́ŋá.