Ị́bũrũ 8 سے مشہور بائبلی آیات

شئیر

Má âꞌdô tã õnjí gólĩyíkâ rî ꞌbá yî âyéꞌá pı̣̃pı̣̂sı̣́lı̣́ tãndĩ ámákâ rî sĩ. Gõꞌdá tã õnjí rî ꞌdĩ ꞌbá yî tã lâ âgá má drı̣̃ı̣̂ kô ãlôwálâ.’ ” Yẽrẽmíyã 31.31-34

Nõô rĩꞌá tã-drı̣̃ lẽlẽ óꞌdí má drí ꞌẽꞌá ꞌẽlâ ı̣̃zạ́tú õjílã Ĩsĩrãꞌélẽ kâ bê rî ĩꞌdî. Má âꞌdô gólĩyî ꞌẽꞌá tã ꞌbãꞌbã gólĩyî má drí ꞌbãlé gólĩyî drí ꞌẽlé rî ꞌbá yî trõlé ꞌbãlé ĩyî pı̣̃pı̣̂sı̣́lı̣́ ꞌá rî ꞌbá yî nı̣̃lı̣́ dódó. Ĩtí rî, gólĩyî âꞌdô rĩꞌá tã lâ yî ꞌẽlé tãndí ró. Má âꞌdô âꞌdóꞌá ĩꞌdî Ôvârí gólĩyíkâ ró. Gõꞌdá gólĩyî âꞌdô âꞌdóꞌá õjílã ámákâ ró.

Ĩtí rî, âꞌdó kô îcâ-îcâ ró õjílã ãzãkã õjílã ámákâ rî ꞌbá yî lãfálé sĩ drí ꞌbã-tı̣̂-ꞌdı̣̃-ãzí ĩyíkâ ró rî ꞌbá yî ngãtá ậdrúpı̣̃ lâ yí bê lı̣̃fı̣́ lâ yî îmbázó Ôvârí Yãkóvã rî nı̣̃lı̣́, tãlâ gólĩyî ndrĩ âꞌdô ámâ nı̣̃ꞌá, îtõlé õjílã gólâ cú ĩtí ãmbã ãkó rî rú sĩ cãlé bũúũ õjílã gólâ ãmbã gólâkâ drí âꞌdólé gạ̃rạ̃ ndrĩ ãzí-ãzí lâ yí kâ drı̣̃ı̣̂ sĩ rî rú.

Gõꞌdá Ôvârí âꞌdâ tã ányâ yí drí ûsúlı̣́ õjílã íyíkâ tãsĩ tã-drı̣̃ lẽlẽ yí drí ꞌbãlé trá gólĩyí bê rî vó ró rî úlı̣́ nõ ꞌbá yî sĩ. “Ôvârí Yãkóvã âtâ tã trá kĩ nĩ rî, ‘Kậyı̣̂ ãâꞌdô âcáꞌá ı̣̃zạ́tú má drí tã-drı̣̃ lẽlẽ óꞌdí ꞌẽzó õjílã ámákâ Ĩsĩrãꞌélẽ kâ rî ꞌbá yí bê.

Tã má drí rĩꞌá âtálâ ãnî drí Yésũ rî tãsĩ nô rĩꞌá tã ạ́ngı̣́ ꞌî. Kúmú ãmákâ gólâ rĩꞌá tã êdé ꞌbá ró ãmâ lãfálé ꞌá Ôvârí bê rî, gólâ rĩꞌá õjílã lânjã ꞌî. Gólâ rî trá gõlé Ôvârí rî drı̣́-ágó drı̣̃ı̣̂ lésĩ ró, võ Ôvârí drí rĩzó drı̣́-ãcê bê ꞌbũû ꞌálâ rî ꞌá. Võ rî ꞌdĩ rĩꞌá võ ı̣̂njı̣̃lı̣́ ı̣̂njı̣̃ rõô rî ĩꞌdî.