1 Pétẽrõ 4 سے مشہور بائبلی آیات

شئیر

Gõꞌdá ĩtí rî, ngá tã lâ drí lậvũlı̣́ gạ̃rạ̃ ãnî drí ꞌẽlé rî ĩꞌdî nõ, nĩ lẽ ãnî ãzí-ãzí yî ãnî pı̣̃pı̣̂sı̣́lı̣́ ãlô sĩ, tãlâ õjílã lẽlẽ ꞌdî rî âꞌdô ãnî ꞌbãꞌá njãâ õjílã ãzí âyélé tã õnjí gólĩyíkâ ꞌẽlé ãnî drí rî ꞌbá yî ꞌásĩ.

Ôvârí fẽ mbârâkã lôsĩ íyíkâ ꞌẽ kâ trá ãnî drí ãlô-ãlô ndrĩ ngĩíngî. Ĩtí rî, nĩ ꞌê lôsĩ tíbê gólâ drí mbârâkã lâ fẽlé trá ãnî drí ꞌdĩ dódó õzõ rû ı̣̂ꞌbũ ꞌbá tãndí kâtí, ãꞌdô ró bê ãnî drí ãnî ãzí-ãzí yî pãzó ĩꞌdî sĩ lâ.

Ĩtí rî, nî ãzâ, õzõ Ôvârí õfẽ mbârâkã tã pẽpẽ kâ ĩꞌdî ní drí rî, gõꞌdá ní pẽ tã âtî-âtî gólâ drí tã nı̣̃nı̣̃ lâ fẽlé trá ní drí ꞌdĩ dódó. Nî ãzâ, õzõ Ôvârí õfẽ ní drí mbârâkã rû ı̣̂ꞌbũ kâ ĩꞌdî õjílã ãzí drí rî, ní ı̣̂ꞌbũ rû gólĩyî drí fãfã gólâ Ôvârí drí fẽlé trá ní drí ꞌdĩ sĩ ndrĩ. Ãnî ndrĩ nĩ ꞌê tã ꞌdî ꞌbá yî ĩtí, tãlâ úlûyı̣̂ ró Ôvârí Yésũ Krístõ rî tãsĩ, tã gólĩyî ãnî drí ꞌẽlé ꞌdĩ ꞌbá yî tãsĩ. Kúmú Yésũ mbârâkã bê ngá ndrĩ drı̣̃lı̣́ rî ãâꞌdô ı̣̂njı̣̃-ı̣̂njı̣̃ lâ ró zãâ gbạ́dú ạ̃dũkũ ãkó. Ãâꞌdô ĩtí.

Gõꞌdá õzõ nĩ ũûsû lâŋõ tãlâ ãnî krístõ ꞌbá ꞌî rî, ãnyĩ lâ õgâ ãnî drı̣̃ı̣̂ kô. Nĩ lûyı̣̂ Ôvârí kậyı̣̂ lâŋõ ꞌdî kâ ꞌá, tãlâ ãnî rĩꞌá õjílã gólĩyî Yésũ Krístõ rî rú bê rî ĩꞌdî.

Nĩ ndrê trá, kậyı̣̂ Ôvârí drí ꞌẽzó ngá ndrĩ ãngó ꞌá nõ ꞌbá yî ndẽlé rî âcâ trá. Ĩtí rî, nĩ rî lı̣̃fı̣́ lõmbâ bê, nĩ õrî ró bê zãâ rĩꞌá rãtáã ꞌẽlé Ôvârí drí kậyı̣̂ vósĩ cé.

Ámâ rû-lẽ-ãzí yî má drí lẽlé trá rõô rî ꞌbá yî, lâŋõ gólĩyî rĩ ꞌbá ãnî ꞌẽlé rî õlîjã ãnî drı̣̃ kô. ꞌDĩî âꞌdó kô ngá ꞌẽ ꞌbá ãnî drı̣̃ ꞌbãlé lîjãlé rî ĩꞌdî. Võ lâ ꞌá rî, nĩ âꞌdô ãyĩkõ ró, tãlâ nĩ rî ꞌdĩ lâŋõ Yésũ Krístõ rî ꞌẽ ꞌbá rî ậmúꞌá gólâ bê. Õzõ ãꞌdô trá ĩtí rî, gõꞌdá nĩ âꞌdô ꞌbãꞌá ãyĩkõ ró kpãkã ãlô Yésũ bê kậyı̣̂ gólâ drí ꞌẽzó âgõlé ꞌbãlé ı̣̂njı̣̃lı̣́ rõô kpá âꞌdólé mbârâkã bê ãngó nõ drı̣̃lı̣́ rî sĩ.

Nĩ rî õjílã ãzí lậgúlı̣́ ãnî drí ꞌbã ꞌá cú ĩtí tã ı̣̂sũ-ı̣̂sũ rı̣̃ rı̣̃ rî ãkó.

Õzõ Ôvârí õlẽ trá lâŋõ drí ãnî ꞌẽlé rî, ꞌdõvó nĩ ꞌbã ãnî nyãányâ nyé gólâ drı̣́gạ́, gólâ õndrê ró ãnî vó nĩ lâŋõ ꞌdî ꞌbá yî ꞌásĩ ndrĩ. Gólâ ĩꞌdî tíbê ãnî ꞌbã ꞌbá rî, gõꞌdá gólâ îcá kô ãnî âyélé ãnî drı̣̃ı̣̂ sĩ ĩtí.

Mã nı̣̃ trá ãní bê tãndí ró kĩ, Yésũ njı̣̃ lâŋõ trá rõô. Ĩtí rî, nĩ rî njãâ fĩî ậtũ-ậtũ sĩ lâŋõ njı̣̃lı̣́ õzõ Yésũ kâtí. Nĩ rî njãâ lâŋõ njı̣̃lı̣́, tãlâ õjílã gólâ tíbê lâŋõ njı̣̃ ꞌbá ꞌdĩ rî, gólâ lẽ trá lạ́tı̣̂ tã õnjí kâ rî yî âyélé. Gõꞌdá ĩtí rî, îtõlé nõngá sĩ bũúũ õdrã ãníkâ rî sĩ rî, nĩ âyê tã lôvó gólâ rúꞌbạ́ kâ rĩ ꞌbá ãnî ꞌbãlé tã õnjí ꞌẽlé ꞌdĩ. Nĩ ꞌê gõꞌdá tã gólĩyî Ôvârí rî ꞌbã ꞌbá ãyĩkõ ró rî ĩꞌdî.

Õzõ óõrî ãnî lôꞌdálé tãlâ ãnî krístõ ꞌbá ꞌî rî, ꞌé ngá kô, Ôvârí âꞌdô õrẽ fẽꞌá ãnî drí. Líndrí Tãndí Ôvârí kâ gólâ âꞌdó ꞌbá ãmbá lậvũlı̣́ gạ̃rạ̃ rî âꞌdô rĩꞌá ãní bê ãnî pãlé mbârâkã íyíkâ sĩ.