Yòhánà 14 سے مشہور بائبلی آیات

شئیر

Báàyí#ɛ́, ká gbé ńtútùúrɔ̀ fòò. Tútùúrɔ̀ yèé wà fú òŋu#ɛ́ ní òŋu wà ń fú ŋa#á. Òŋu kò wà fú ŋa ńnɛ̀ kíbí ɔ̀nyà-ayé yèé ŋa náa fúu gbà#á. Ó ɖi, ɛ̀ɖɔ̃̀ kó máa ɖá ŋa, tsí ká máa wà tsodzo gbo.

Tsí Yèésù wà wí fúu ní: Ɔ̀nà#á, òŋu ká-òŋu gìɖì ni. Tsí òŋu dzɛ́ olí-òtítɔ́, tsí dzɛ́ olí-àyɛ̀ gbo. Ó ɖi, ɔ̀nyà-kã̀ kpókpó, bí kò gbà ńǹtá-òŋu tã́ná, kàkó nyáa lɔ ńɖi-Boba-òŋu.

Tsí Yèésù nyí, tsí wà wí fú àŋa kpó ní: Ɛ̀ɖɔ̃̀ kó máa ɖá ŋa. Ká karalé si ńǹtá-Ɔ̀ɖáyé, tsí ká karalé si ńǹtá-òŋu gbo.

Ó ɖi, bí òŋu kò wáa wà ńɖi-ŋa ró#ɛ́, Ɔ̀ɖáyé nákó bɛ lègbè#ɛ́ wá fú ŋa. Lègbè#ɛ́, Mímí-Ɔ̀ɖáyé ni. Nákó wá òŋu ɛ̀tsɛ-òŋu, tsí nákó kɔ́ ŋa ńŋɛ́ ɔ̀kã̀lɔ́ɔ̀kã̀ kpó, tsí nákó tédzú ŋa ńŋɛ́ yèé ŋa kpó òŋu wí fú ŋa wáa lɔ#ɛ́.

Ó ɖi, bí ɔ̀nyà-kã̀ mú iŋɛ́ yèé òŋu wà fɔ̀ fú ŋa ní ká tse#ɛ́, tsí ń si néwo si, tsí wà ń tsitsɛ́ tse, ɛnɛ nyɛ̀ŋɛ̀ ní nɛ́ àmúɖɔ̃̀ fú òŋu#ɛ́. Tsí bí ɔ̀nyà-kã̀ nɛ́ àmúɖɔ̃̀ fú òŋu#ɛ́, Boba-òŋu gbo nákó nɛ́ àmúɖɔ̃̀ fú ɛnɛ nyɛ̀ŋɛ̀. Tsí òŋu ká-òŋu gbo, òŋu nákó nɛ́ àmúɖɔ̃̀ fúu, tsí òŋu nákó ɖíre ara-òŋu fúu.

Tsí òŋu nákó wí fú Ɔ̀ɖáyé Boba, tsí nákó fú ŋa ńlègbè òmírɛ̃̀-kã̀, tsí lègbè#ɛ́ nákó wà náànyì-ŋa si títí lɔ. Lègbè#ɛ́, Mímí-Ɔ̀ɖáyé† ni. Òŋu ké ní dzɛ́ olí-òtítɔ́#ɛ́. Ɔ̀nyà-ayé yèé ŋa kàkó nyáa gbàá, tsí kó wà náànyì-ŋa si. Iŋɛ́ yèé tse#ɛ́, à kò ríi, tsí à kò màá gbo. Ó ɖi àŋa òŋu, à màá. Nákó wà náànyì-ŋa si, tsí nákó wà ńǹtá-ŋa gbo si títí lɔ.

Tsí bí à kpe ɛ́kɔ-òŋu, tsí bere iŋɛ́ ɔ̀kã̀lɔ́ɔ̀kã̀ kpó, òŋu nákó tseé fú ŋa. Òŋu nákó tseé fú ŋa bɛ́ɛ̀, àtsùgbée ɔ̀nyà ŋa kó rí lílákṹ-Ɔ̀ɖáyé Boba gbà ńǹtá-òŋu yèé dzɛ́ ɔma‐ɛ̀#ɛ́. Bí à kpe ɛ́kɔ-òŋu, tsí bere òŋu ńŋɛ́-kã̀, òŋu nákó tseé fú ŋa.

Tsí Yèésù wà fɔ̀ ró ní: Bí à nɛ́ àmúɖɔ̃̀ fú òŋu, à nákó wà tse si ńǹtá-iŋɛ́ yèé òŋu wà fɔ̀ fú ŋa ní ká tse#ɛ́.

Kpáfɛ-Boba-òŋu tsédzú, tsí ilé kpíkpɔ̀ wà ńnɛ̀. Bí kò wà bɛ́ɛ̀#ɛ́, òŋu kàkó wà wíi fú ŋa. Ó ɖi, òŋu làkóò, tsí òŋu kó káà tɔ́tse ìɖì ńbí à nákó wáa gbé#ɛ́ si fú ŋa.

Tsí bí òŋu lɔ káà tɔ́tse ìɖì#ɛ́ si fú ŋa tã́, òŋu nákó sɛ̃̀ wá, tsí òŋu nákó gbɛ̃́ ŋa lɔ ńɖɔ-ara-òŋu. Ńbɛ̀ɛ́, ńbí òŋu nákó gbé#ɛ́, àŋa gbo, à nákó gbé ńbɛ̀.

Ńbɛ̀ɛ́, Tòmá wà wí fúu ní: Ɔlá-wa, àŋa kò ma ńbí ó làkóò#ɛ́ nɛ́! Bí àŋa nákó nyáa tse fáà, tsí ma ɔ̀nà yèé lɔ bɛ̀#ɛ́?