มาร้ะกู 9 سے مشہور بائبلی آیات

شئیر

กแช่ เยซู ไคล้ ช๊า อ เว๊, “แบ เล้ ล ซี, โพล้ง ลู่ง อ นะ เท่อ นอ แม้ ซี กุ้ อ เม้ง ล้อ”

พืงแซ อ แพ่ นอ โล้ เอะ กแช่ เยซู ล ทีง ฆ่าง ไจ้ะ เว๊, “จ นะ แน้ เย้า, จ นะ เท่อ เมะ ล แอ ได้ะ แบ นอ แม้ แอ ทาง เอะ แย้ ไช้ะ”

ท่อง กแช่ เยซู นึ ฆ้าง เด้า พ้า, พี่ โพล้ง อ แฌ้แพ ล โอ น่าง แฌ้ แบ ฌ้อง นอ, อ พู อ ลี้ง ซีง ล มู๊ง นอ อางจ้ะ-อ้ะ ไจ้ะ เว๊ แด, “แบ ท เล้ ก เว๊ แด ก โฌ๊ ไจ ทาง ไฆวะ ท มื้งแฆ่ ล ดื้ง นอ ล นี่ แบ” กแช่ เยซู ไคล้ ช๊า อซื๊งเว๊ซีง ไจ้ะ เว๊, “น เมะ ล ชูแพ เท่อ แบ นอ, น โฌ๊ ไจ ทาง ไฆวะ ท มื้งแฆ่ ล เอ้า อี้ง ล นี่ แบ ล้อ”

ที๊งแล เก ท อ ฌี้, แบ เด้าะ ที๊งแล อ ฌ๊าง เมะ ล้างแบล้ ไฆวะ นอ ม แม้ ฌ๊าง ไท้-อ้ะ บี่ จะ เล้ น ซื๊ง กุ้ อ แฌ้ แบ โอ ดี๊ อ ฌ๊าง บี่ ซุ้ ที๊งแล, ดี๊ แบ โอ ฆู๊ง โอ พุ้ โละ น ซื๊ง ซ้ะ บี่ นอ ล้อ”

“โพล้ง แฌ้ ฌี้ แฌ้ ฌี้ พี่ อ ฮะ นี่ พืงแซ บี่ โย้ ล แฌ้, ลู่ง จ เม้ง จ แซ นอ, บี่ ซุ้ อ ฮะ นี่ แย้ ปะ, โพล้ง แฌ้ ฌี้ แฌ้ ฌี้ ลู่ง อ ฮะ นี่ แย้ นอ, ล ฮะ นี่ ที่ แย้ ล แฌ้ แบ, แบ เด้าะ ฮะ นี่ โพล้ง ลู่ง อ เกม๊า จ เฌ๊ ล้าง ล แฌ้ นอ ปะ ล้อ”

จ โล้ เอะ น ซื๊ง โต้ๆ, ล้อ, โพล้ง แฌ้ ฌี้ แฌ้ ฌี้ เมะ เกม๊า โอ้ น ที๊ง ลู่ง อ แด เว๊ น เก จ พู จ ลี้ง อ กย้อง นอ, โพล้ง ล แฌ้ นอ ม นี่ แบ ท อ บลึ้ เต้ๆ, ล้อ

โพล้ง แฌ้ ฌี้ แฌ้ ฌี้ เมะ ดึ้ เกม๊า โพล้ง ปี๊ ล แพ อี้ง ล แฌ้, ลู่ง อ ชู่ง แย้ นะ แย้ แม้ ท เด้บ้ะ นอ, เกิ้ง แม้ นี่ โล่ง พ้ะดู จ้าทะ โพล้ง ล แฌ้ นอ อ โคะ, ฌ้อง ไควะ ล้าง ไฆวะ-อ้ะ ลู่ง ปางเล พ้า บะจือ ล โค๊ ล้อ

น เมะคลี๊ง เมะ ดึ้ เกม๊า น แม้ ท เด้บ้ะ นอ, โอ้ง ทาง ไฆวะ-อ้ะ บะจือ ล โค๊ น เมะคลี๊ง โอก้ะ ล โพลง ฌี้ๆ, แบ เด้าะ น ม ลี้ นึ กแช่ แยว้ อ มื่ง อ บ้าง พ้า, อ นอ ฌี้ นี่ น เมะคลี๊ง โอ คี๊ง โพลง ได้ะ, แบ เด้าะ น ม แบ ท จึ้ ล้าง ลู่ง มแนโฮะ พ้า