Yaasawey 3 سے مشہور بائبلی آیات

شئیر

Ma ni binoo kul ka ni naanaa daŋ Abadantaa ra, masi felle ni fahamaa ga. Ma Abadantaa bay ni fondawey kul ra, nga no ma ni fondawey šerrandi.

Masi ni boŋ dii lakkalkoyni, hunbur Abadantaa, ni boŋ moorandi ifutu.

Abadantaa beerandi nda ni kabehayey, a beerandi nda ni hegawey kul ize jinawey. Nda woo teendi, ni taasu fanjidogey ga too ka mun, ni alaneb hari moora jinawey ga too ka mun.

Masi borohennataray nda laadirtaray naŋ, i haw ni jindoo ga, i hantum ni binoo walhaa ga.

Ay izʼaroo, masi wanji Abadantaa aladaboo kaŋ ni duu a a ga, masi konna kaŋ a ga ni daŋ fondaa ra. Zama boraa kaŋ Abadantaa ga bagʼa, nga no a gʼa daŋ fondaa ra sanda izʼaru kaŋ ga baaboo yadda.

Ay izʼaroo, masi dirɲa cawandoo kaŋ ni duu a ay ga, ni binoo mʼay yaamarey dii, zama i ga tonton ni zaarey hinnaa ga, nda ni aloomuroo ga, nda ni alaafiyaa ga.

Boraa kaŋ duu lakkal nda boraa kaŋ duu fahamay duu gomni. Zama albahaa kaŋ a ga duu a a ra baa nzorfu kaaray albahaa, albahaa kaŋ a ga kate a bisa wuraa. Nga hayoo bisa hiiri caadante, haya kul kaŋ nʼga bagʼa si toorʼa alkadar.

Boro kaŋ ga hima nda haya henna, masʼa wanji a se nda ni goo nda nga hinoo.

Lakkal nda Abadantaa na laboo gorandi, fahamay nda a na beenaa daaru.