Yaasawey 13 سے مشہور بائبلی آیات

شئیر

Boro kaŋ ga dira lakkalkoyney bande ga duu lakkal, boro kaŋ ga dira lakkal jaŋantey bande ga fara.

Boro kaŋ ga hin nga miɲoo ga hin nga boŋ, boro kaŋ ga hanse ka nga miɲoo feeri ga nga boŋ halaci.

Boro kaŋ si aladabu gobu zaa nga izoo se, boraa si baa nga izoo, boro kaŋ ga baa nga izoo si bine-bine kʼa daŋ fondaa ra.

Tammahã kaŋ gay a si tee ga bine maray, amma nda nga sakoo tee, tuuri no kaŋ ga hunayan noo.

Šerretaray ga boro laadirante dira takaa hawgay, goy futu no ma zunubante derandi.

Alman kaŋ duwandi taka šiira ra ga dere nda cahãyan, alman kaŋ margandi kayna-kayna ga gooru.

Bolsay si kate haya kul kala yenje, lakkal sii kala borey bande kaŋ ga maa hoyray.

Boro henna mma tubu naŋ nga haamawey se, zunubante kabehayaa si jisandi kala šerrante se.

Izʼaru lakkalkoyni mma haŋajer nga baaba hoyraa se, ɲooɲokaw si maa tejeyan.

Talkataray nda kayna ti boro kaŋ si baa hoyray bagaa, boro kaŋ ga yadda tejeyan ga, ga duu beeray.