Yaasawey 12 سے مشہور بائبلی آیات

شئیر

Alhuzun kaŋ goo bine ra ga boro haŋ, šenni henna ga boro ɲaalandi.

Boro kaŋ ga baa hoyrayyan ga baa bayray, boro kaŋ ga konna tejeyan ga saama.

Šenni kaŋ sii nda addalil harkaw ga boro maray sanda takuba, amma lakkalkoyney šenney ga boro noo baani.

Saama ga hongu nga fondaa ga šerre, boro kaŋ ga maa hoyray se goo nda lakkal.

Saama ga nga dooraa cebe dogoo din da, boro carma ga haawi daabu.

Woy alkadarante ti nga kurɲoo kokoy fuulaa, woy kaŋ ga boro haawandi ga hima nda dori kaŋ goo kurɲoo birey ra.

Mee kaŋ ga taari manʼti kala almuhal Abadantaa se, borey kaŋ ga dira laadirtaray ra ga kan a se.

Boro šerrante ga fondo hennaa cebe nga cinaa se, fondaa kaŋ boro futawey gʼa zaa no mʼi derandi.

Mee kaŋ ga cimi har ga tabati waati kul, amma deene taariharkaa si gay a ga bara.