Luka (Luk) 4 سے مشہور بائبلی آیات

شئیر

“Tool Mai Amunu si inepe yau, yesoo ye taunu ipootau bet akaua bingi dook mata pang di tooltool yo ballingadi tiap nga. Inbe iwangau bet si awete pang di tooltool yo tinepe rumu dook tiap kidi talnga dikidiki lono nga, ngan bet tipas a tisi tana; inbe akarata di tooltool mata kis nga, a bet nen ngan matadi rere mulu; inbe alon di tooltool yo diedi tiyei di dook tiap a tikaua urata moonoo dook tiap pang di nga, a bet nen ngan tisolo urata moonoo dook tiap tani in mulu be. Inbe iwangau bet si akaua bingi pang di tooltool nen, bet dookoot nga i lal ke Tool Mai yo bet si iyei urata dook mata pang di tooltool ye i.”

Bong ngan Yesu iraua betanga ki nen, “Rau ke Maro iwete nen, ‘Kusung pang Maro yo Tool Mai kiong i, inbe kuraua panga yetaleu.’ ”

Bong Yesu iraua betanga ki nen, “Rau ke Maro iwete nen, ‘Porong leu la bet itoko di tooltool ye nepongo kidi, in tiap.’ ”

Maro Amunu Silene ipapono Yesu, motong la igege ran Yodan, inbe imulu a ila. Ngan Maro Amunu Silene ipasongosonga bet ipa pang ye ni soorookoonoo atu.

Motong la Yesu iraua betanga ki nen, “Rau ke Maro iwete nen, ‘Ken kuyei dada dook tiap yo bet kutouo Maro yo Tool Mai kiong, in be.’ ”

Tool kuto mai kidi so sidi itouo Yesu ye dada matana matana, ngan tiap. Motong la ikoo ye Yesu, inbe inam ye kene san mulu.

Motong la tool kuto mai kidi so sidi tani in ikaua Yesu a yeru tilo kawal kutono lo ipitnai so matana matana ke tana i le imot nga, ngan panga. Motong la iwete pang Yesu nen, “Au i ole akaua gurana mai pong bet kuyei tool ene mai a matam kala so matana matana tina ke tana i le imot. So tina nga le imot, nga so kiau. Le sei tool lok bet akap panga nga, ngan ole akap panga. Ngan kumata bet kusung pau nga, ngan ole akap so tina nga le imot pong.” Bong ngan Yesu iraua betanga ki nen, “Rau ke Maro iwete nen, ‘Kusung pang Maro yo Tool Mai kiong i, inbe kuraua panga yetaleu.’ ”

Motong la tool kuto mai kidi so sidi tani in ikaua Yesu a yeru tilo pang Yerusalem, a lo ipatokode le ikodo bareme mai ke sungunu pono meneng ete ni, inbe iwete panga nen, “Bet ong i Maro natunu moolmool nga, ngan kupas ni le kudu tana ni, yesoo Rau ke Maro iwete nen, ‘Ole iwanga di bangabangana ki si matadi kalong dook mata. Ole tisipong ye bedi, a bet nen ngan pat isolo kem katene be.’ ” Motong la Yesu iraua betanga ki nen, “Rau ke Maro iwete nen, ‘Ken kuyei dada dook tiap yo bet kutouo Maro yo Tool Mai kiong, in be.’ ”