Mateus A'ti pũrí a'tîro weéro ohâ no'opã niisé niî'

A'ti pũrí a'tîro weéro ohâ no'opã niisé niî'
Ã'rí romano masa wiôgɨre wapa seé basagɨ niîkɨ niîwĩ. Kɨ̃ɨ̂re Jesu Cafarnaupɨ niigɨ́re kɨ̃ɨ̂ bu'esére siru tuú dutigɨ pihîkɨ niîwĩ.
A'té ãyusé kitire ohâgɨ, kɨ̃ɨ̂ tɨ'ó yã'aro noho, kɨ̃ɨ̂ ohâ sĩ'riro noho ohâkɨ niîwĩ. Kɨ̃ɨ̂ keoró nɨ'ká'ke me'ra ohâ nɨ'ka, tɨ'otá basióro, keoró ohâ yapá da'reokɨ niîwĩ.
Õ'âkɨ̃hɨ dɨporókãharãpɨre “Ni'kɨ́ masaré yɨ'rɨoákɨhɨre o'ôo'gɨti”, niîkɨ niîwĩ. A'ti pũrí me'ra kɨ̃ɨ̂ tohô niî'kere diakɨ̃hɨ́ta weepĩ́, niî masî no'o'.
Tohô weégɨ Mateu a'tîro ohâpĩ. Neê waro dɨporókãharãpɨre ohâ nɨ'ka mɨhatipĩ. Be'ró Jesu kɨ̃ɨ̂ bahuá'kere ohâpĩ. Jesu trinta kɨ'mari kɨorí kura João wamê yeegɨ yeekãhásere uúkũpĩ. Jesu wamê yee no'osere, be'ró Galiléiapɨ werê kusia'kere, kɨ̃ɨ̂ masaré yɨ'rɨó mɨha'kere teê Jerusalẽ́pɨ wẽrîgɨ wa'â tɨo'kere ohâpĩ. Be'ró Jesu masáka be'ro kɨ̃ɨ̂ bu'erã́ kɨ̃ɨ̂re siru tuú'kãrãre “Niî pe'tiro a'ti ɨmɨ́kohopɨ bu'ê kusiarã wa'âya” kɨ̃ɨ̂ niî'kere ohâ yapatípĩ.
A'ti pũrí Jesu masaré bu'ê me'ri yɨ'rɨapĩ niisére, Õ'âkɨ̃hɨ kɨ̃ɨ̂ dutisé kũû'kere a'tîro niî sĩ'riro weé', niî werêpĩ. Tohô niikã́ Jesu wiôgɨ sãhaátehere werêpĩ, niî ohâ no'o'.

Vurgu

Paylaş

Kopyala

None

Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın

YouVersion, deneyiminizi kişiselleştirmek için tanımlama bilgileri kullanır. Web sitemizi kullanarak, Gizlilik Politikamızda açıklandığı şekilde çerez kullanımımızı kabul etmiş olursunuz