Sal 98
98
SALMO 98
Alj wach' paxti yuj sb'eyc'ojlal Dios
1B'itn coyc 'a Jehová yet' junc 'ac' b'it, yujto caw satjub'tac yilx tas tzb'o'o. 'Ix yac' ganar owal, yujto caw 'ay spoder.
2'Ix yac' 'ojcaxc 'eli to Colwjum, 'ix sch'ox yil jun tzo'n̈ niwc nacion̈, to tojl tzyutj sb'onyaj junc tas.
3Caw wal 'ayn̈j 'ec' schamc'ojlal yet' stojlal 'a qui calc an̈ israel on̈c tic. Smasnil 'anma 'a yolyib'n̈q'uinal tic 'ix yil eb' scolwj qui Diosalec quet'oc.
4B'itn coyc 'a Jehová yet' qui tzaljc'ojlal. Jantc on̈c cajn on̈c 'a sat lum lum tic, ca'c wal tzaljoc qui c'ojl qui b'itnanec jun tzo'n̈ b'it tic.
5B'itn coyc 'a Jehová yet' arpa, b'itn coyc yet' jun tzo'n̈ son ch'an̈ 'aych 'a 'a.
6B'itn coyc yet' qui tzaljc'ojlal 'a yojltac qui Reyal. B'itn coyc yet' jun tzo'n̈ yamc'ab' tz'utz'xi, 'icha trompeta yet' no cacha.
7B'itn cab' chan̈ a mar yet' smasnil tas 'ay 'a yojl a', b'itn cab' chan̈ yolyib'n̈q'uinl tic yet' smasnil eb' cajn 'a 'a.
8A eb' a niwc a', q'ue cab' wan chel-loc eb' a'. Ax eb' lum niwc witz, jun lajnn̈ej cab' tzyutj eb' lum yawj chan̈ yuj tzaljc'ojlal 'a yojltac Jehová,
9yujto tzjaw wul yac' yajlil 'a sat lum lum tic. A 'oj yac' yajlil 'a yib'n̈ smasnil chon̈b' 'a yolyib'n̈q'uinl tic. 'Oj sb'oyaj eb' 'anma 'a stojlal yet' 'a swach'il.
Seçili Olanlar:
Sal 98: CSS
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Biblia Chuj San Sebastian © Sociedades Bíblicas Unidas, 1999.