Sal 67
67
SALMO 67
Alj wach' paxti 'a Dios
A jun b'it tic tzc'anlb'ej junc mach tzjucb'tzan b'it yet' arpa.
1Ach Cajlil on̈, 'o'ch cab' a c'ojl 'ayn̈ on̈, 'a' cot a yaxilal 'a quib'n̈ on̈. Scha cab' a c'ojl on̈ eln coti,
2yic wach' a smasnil jun tzo'n̈ nacion̈ 'ay 'a sat lum lum tic, tzyojquej 'el eb' tas wal a nib'b'en, yet' pax colnb'il tzac'a.
3Ach qui Diosal on̈, alx cab' wach' paxti 'aych yuj eb' chon̈ab'. Smasnil 'anma', yal cab' eb' wach' paxti 'ayach.
4'El cab' yaw eb' 'a tzaljc'ojlal, yujto ach tza b'eyc'ojlej eb' chon̈b' 'a stojlal; ach tza jucb'tzej eb' nacion̈ 'ay 'a yolyib'n̈q'uinl tic.
5Ach qui Diosal on̈, alx cab' wach' paxti 'aych yuj eb' chon̈ab'. Smasnil 'anma', yal cab' eb' wach' paxti 'ayach.
6A lum lu'um xyac' lum sb'a'al, xac' a yaxilal 'a quib'n̈ on̈, yujto qui Diosal ach on̈.
7'A'n̈j a yaxilal 'a quib'n̈ on̈, niwn cab' el'ch 'a smasnil yolyib'n̈q'uinl tic.
Seçili Olanlar:
Sal 67: CSS
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Biblia Chuj San Sebastian © Sociedades Bíblicas Unidas, 1999.