Sal 15
15
SALMO 15
A snib'b'en Dios 'a eb' yiclum
Sb'it David jun tic
1Mamin Jehová, ¿mach eb' 'oj stac' yaj cajn 'a yol a cajnub'? ¿mach eb' 'oj stac' yaj 'a lum tzaln ecn̈ej yaji?
2Atn eb' tic: Eb' yiclum 'ayach, eb' to wach' tas tzb'o'o, eb' tzaln tas yel yet' smasnil sc'ojol.
3Eb' matz pitzn chan̈ paxti 'a spatc junc xo mach, eb' matz yixtj yit 'anma'il, eb' may tas tu tzb'o 'a eb' cajn 'a stz'ey.
4Eb' tzpatquiln can 'el eb' patcab'il can 'el o'oj, palta yiclum tzyutj sb'a eb' 'a eb' 'ay xiwc'ojlal 'ayach. Matz jel eb' tas tzyala, palta tzyac' 'el'choc eb' sti', wach'xam tzcan eb' 'a yaln̈ yu'uj.
5Eb' tzya' stumn majnil, palta matz c'an eb' yune stumn cha. Eb' matz ya'ch sb'a schan q'uen c'ultac tumn 'a junc mach yic tzyixtn junc may smul.
A eb' tzb'eylb'an jun tzo'n̈ tic, caw may b'a'n̈ 'oj 'em eb'.
Seçili Olanlar:
Sal 15: CSS
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Biblia Chuj San Sebastian © Sociedades Bíblicas Unidas, 1999.