Sal 13
13
SALMO 13
Tzc'anx scolwal Dios yuj somc'ojlal
Sb'it David jun tic tzc'an junc mach tzjucb'tzan b'it
1Mamin Jehová, ¿b'a'n̈ wal 'oj in a na coti? ¿Toc wal 'oj in 'atcn satc'ojlal oj 'a smasnil tiempo? ¿B'a'n̈ wal 'oj a ch'ox a b'a 'ayin?
2¿Jantcto wal tiempo 'oj wac' cus in c'ojl 'a junjn c'u? ¿Jantcto wal tiempo 'ayn 'ec' 'a yol sc'ab' eb' 'ajc'ojl yajch 'ayin?
3Ach in Diosal, 'ochn̈ wal q'ueln 'ayin. 'Ac' a wach'c'ojlal 'a wib'an̈, sec matz in comn cham muc'uc.
4Comnoc matz yal eb' 'ajc'ojl chi wuj 'ixtic: Caw xcac' ganar stelwi; man̈ xchic cab' eb'. A eb' 'ajc'ojl cha, caw 'oj tzaljoc eb', toto tzin somchji.
5A 'a chamc'ojlal Mamin, a tzwa'ch yipc in c'ojol, caw tzalj in c'ojol, yujto ach tzin a colo.
6Mamin Jehová, yuj a wach'c'ojlal xac' 'ayin, ax in b'itn 'ayach.
Seçili Olanlar:
Sal 13: CSS
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Biblia Chuj San Sebastian © Sociedades Bíblicas Unidas, 1999.