प्रेरितां चे काम 11
11
पतरस चे यरुशलेम सनु आणे
1प्रेरित ते विश्वासी लौका ने जको यहूदिया मां हुते सुणले, कि नेरीया जातिया ने वी नरीकारा चा वचन मनती गेला। 2ते जिसे बेले पतरस यरुशलेम मां आला, तां खतना करले आले यहूदी लौक पतरस लारे बहस-बाजी करु लाग़ले, 3वाणे केहले, “तु सही कोनी करले जको बिना खतना आले लौका चे ओठे जती कर वांचे लारे खाले पिले।”
4तब पतरस ने वानु शुरु कनु लाती विस्तार लारे समझाणे शुरु करले कि, 5“मैं याफा शहरा मां प्राथना करे पलता, बेसोध हुती गेला ते हेक दर्शन ङेखला कि हेक ठां, बङी चादरी आलीकर चाहरी कूणा कनु लटकाले हुले, आसमाना कनु उतरती कर माये गोढु आले। 6जिसे बेले मैं ओचे उपर ध्यान करला, तां ओचे मां धरती चे चऊं पग़्ग़ा आले ते जंगली ढौरे ते घिसकणे आली जींये ते आसमाना ची पखीयें ङेखली, 7ते हा अवाज वी सुणली, ‘हे पतरस ऊठ, मार ते खा।’
8“मैं केहले, ‘ना प्रभु, ना, कांकि कुई अपवित्र या अशुद्ध चीज माये मुँहा मां कङी कोनी गेली।’
9“ऐचे उत्तर मां आसमाना महु ङुजी वारी अवाज आली, ‘जको कोच्छ नरीकारा ने शोद्ध ठहराले, ओनु अशुद्ध ना केह।’
10“तीन वारी इसड़े ही हुले, तब सब कोच्छ बल्ति आसमाना उपर चती गेहले गेले।
11“ते ङेखा, तुरन्त तीन इन्साने जको केसरिया कनु माये गोढु भेज़ली गेलती, ओ घरा मां जिसे मां अम्ही हुते, आती भिले रेहले। 12तब पवित्र आत्मा ने मनु वांचे लारे बेझिझक टुरती पड़ने महु केहले, ते ये छाऔ भऊ वी माये लारे टुरती पले, ते अम्ही ओ इन्साना चे घरे गेले।
13“अम्हानु ओणे बावड़ले कि हेक स्वर्ग़दूत आपणे घरे भिला ङेखला। जेह्णे ओनु केहले, ‘कानु याफा मां भेज़ती कर शमौन नु जको पतरस किहवावे, हकरवाती गे। 14ओ तनु इसड़ीया बाता किही, जाये जरिये तनु ते दुधे सारे घराणे नु उद्धार मिलती जई।’
15“जिसे बेले मैं बाता करु लाग़ला, तां पवित्र आत्मा वांचे उपर वेही रीति लारे उतरती आला, जिसी रीति लारे शुरु मां अम्चे उपर उतरला हुता। 16#प्रेरि 1:5तब मनु प्रभु चा हा वचन चैते आला, जको ओणे केहले हुते, ‘यूहन्ना ने तां पाणीया लारे बपतिस्मा ङिला, पर तम्ही पवित्र आत्मा लारे बपतिस्मा गिहा।’ 17ऐवास्ते जब नरीकारा ने वानु वी ओही दान ङिला, जको अम्हानु प्रभु ईशु मसीह चे उपर विश्वास करने लारे मिड़ला, तां मैं कूण हुता जको नरीकारा नु रोक सग़ीया?”
18ईं सुणती कर, वे चोप रेहले ते नरीकारा ची बढ़ाई करती किहुं लाग़ले, “बल्ति तां नरीकारा ने नेरीया जातिया नु वी जीवन वास्ते मन फिराव चा दान ङिला।”
अन्ताकिया मां शाऊल ते बरनबास
19 #
प्रेरि 8:1–4
जको विश्वासी लौक ओ क्लेशा चे मारले जको स्तिफनुस ची वजह कनु हुला हुता, वे खिंडती-पुंडती गेलते, वे फिरते-फिरते फीनीके ते साइप्रस ते अन्ताकिया मां पुज़ले, पर वे सेर्फ यहूदिया नु ही वचन ना सुणाते। 20पर वांचे महु कोच्छ साइप्रस ते कुरेनी वासी हुते, जको अन्ताकिया मां आती कर यूनानिया नु वी प्रभु ईशु चा सुसमाचार चीया बाता सुणाऊं लाग़ले। 21ते प्रभु चा हाथ वांचे उपर हुता, ते ब़ोहत लौक विश्वास करती प्रभु सनु फिरले।
22बल्ति वांची चर्चा यरुशलेम ची कलीसिया ने सुणली ते वाणे बरनबास नु अन्ताकिया भेज़ले। 23ओ ओठे पुज़ती कर, ते नरीकारा चे अनुग्रह नु ङेखती कर मगन हुला, ते सब नु उपदेश ङिला कि तन मन लाती कर प्रभु लारे मन लाली रिहा। 24कांकि ओ हेक भले इन्सान हुता, ते पवित्र आत्मा ते विश्वासा मां भरपूर हुता, ते ब़ोहत सारे लौका ने प्रभु चे उपर विश्वास करला।
25बल्ति बरनबास, शाऊल नु सोधणे वास्ते तरसुस नु चाह्ला गेला। 26ते जिसे बेले वानु मिड़ला तां ओनु अन्ताकिया मां आणले ते इसड़े हुले कि वे हेक साला तक कलीसिया चे लारे मिलते ते ब़ोहत सारे लौका नु उपदेश ङिते रेहले। ते चैले सारा कनु पेहले अन्ताकिया मां ही “मसीह” किहवाले।
27वां ङिहां मां कई भविष्यवक्ता यरुशलेम कनु अन्ताकिया मां आले। 28#प्रेरि 21:10वांचे महु अगबुस नांवा चे हेके ने खड़े हुते पवित्र आत्मा ची प्रेरणा लारे ईं बावड़ले कि सारे जग़त मां बङा अकाल पड़ी। ते ओ अकाल राजे क्लौदियुस चे समय मां पड़ला हुता। 29बल्ति चैला ने फैंसला करला कि हर हेक आपणी-आपणी पूंजी चे अनुसार यहूदिया प्रदेस मां रेहणे आले विश्वासी भावां ची मदत वास्ते कोच्छ भेज़ु। 30ते वाणे इसड़े ही करले, ते बरनबास ते शाऊल चे हाथे हर कलीसिया चे अग़ुवा चे गोढु कोच्छ भेज़ती ङिले।
Seçili Olanlar:
प्रेरितां चे काम 11: ODR
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
CC BY-NC-ND 4.0
प्रेरितां चे काम 11
11
पतरस चे यरुशलेम सनु आणे
1प्रेरित ते विश्वासी लौका ने जको यहूदिया मां हुते सुणले, कि नेरीया जातिया ने वी नरीकारा चा वचन मनती गेला। 2ते जिसे बेले पतरस यरुशलेम मां आला, तां खतना करले आले यहूदी लौक पतरस लारे बहस-बाजी करु लाग़ले, 3वाणे केहले, “तु सही कोनी करले जको बिना खतना आले लौका चे ओठे जती कर वांचे लारे खाले पिले।”
4तब पतरस ने वानु शुरु कनु लाती विस्तार लारे समझाणे शुरु करले कि, 5“मैं याफा शहरा मां प्राथना करे पलता, बेसोध हुती गेला ते हेक दर्शन ङेखला कि हेक ठां, बङी चादरी आलीकर चाहरी कूणा कनु लटकाले हुले, आसमाना कनु उतरती कर माये गोढु आले। 6जिसे बेले मैं ओचे उपर ध्यान करला, तां ओचे मां धरती चे चऊं पग़्ग़ा आले ते जंगली ढौरे ते घिसकणे आली जींये ते आसमाना ची पखीयें ङेखली, 7ते हा अवाज वी सुणली, ‘हे पतरस ऊठ, मार ते खा।’
8“मैं केहले, ‘ना प्रभु, ना, कांकि कुई अपवित्र या अशुद्ध चीज माये मुँहा मां कङी कोनी गेली।’
9“ऐचे उत्तर मां आसमाना महु ङुजी वारी अवाज आली, ‘जको कोच्छ नरीकारा ने शोद्ध ठहराले, ओनु अशुद्ध ना केह।’
10“तीन वारी इसड़े ही हुले, तब सब कोच्छ बल्ति आसमाना उपर चती गेहले गेले।
11“ते ङेखा, तुरन्त तीन इन्साने जको केसरिया कनु माये गोढु भेज़ली गेलती, ओ घरा मां जिसे मां अम्ही हुते, आती भिले रेहले। 12तब पवित्र आत्मा ने मनु वांचे लारे बेझिझक टुरती पड़ने महु केहले, ते ये छाऔ भऊ वी माये लारे टुरती पले, ते अम्ही ओ इन्साना चे घरे गेले।
13“अम्हानु ओणे बावड़ले कि हेक स्वर्ग़दूत आपणे घरे भिला ङेखला। जेह्णे ओनु केहले, ‘कानु याफा मां भेज़ती कर शमौन नु जको पतरस किहवावे, हकरवाती गे। 14ओ तनु इसड़ीया बाता किही, जाये जरिये तनु ते दुधे सारे घराणे नु उद्धार मिलती जई।’
15“जिसे बेले मैं बाता करु लाग़ला, तां पवित्र आत्मा वांचे उपर वेही रीति लारे उतरती आला, जिसी रीति लारे शुरु मां अम्चे उपर उतरला हुता। 16#प्रेरि 1:5तब मनु प्रभु चा हा वचन चैते आला, जको ओणे केहले हुते, ‘यूहन्ना ने तां पाणीया लारे बपतिस्मा ङिला, पर तम्ही पवित्र आत्मा लारे बपतिस्मा गिहा।’ 17ऐवास्ते जब नरीकारा ने वानु वी ओही दान ङिला, जको अम्हानु प्रभु ईशु मसीह चे उपर विश्वास करने लारे मिड़ला, तां मैं कूण हुता जको नरीकारा नु रोक सग़ीया?”
18ईं सुणती कर, वे चोप रेहले ते नरीकारा ची बढ़ाई करती किहुं लाग़ले, “बल्ति तां नरीकारा ने नेरीया जातिया नु वी जीवन वास्ते मन फिराव चा दान ङिला।”
अन्ताकिया मां शाऊल ते बरनबास
19 #
प्रेरि 8:1–4
जको विश्वासी लौक ओ क्लेशा चे मारले जको स्तिफनुस ची वजह कनु हुला हुता, वे खिंडती-पुंडती गेलते, वे फिरते-फिरते फीनीके ते साइप्रस ते अन्ताकिया मां पुज़ले, पर वे सेर्फ यहूदिया नु ही वचन ना सुणाते। 20पर वांचे महु कोच्छ साइप्रस ते कुरेनी वासी हुते, जको अन्ताकिया मां आती कर यूनानिया नु वी प्रभु ईशु चा सुसमाचार चीया बाता सुणाऊं लाग़ले। 21ते प्रभु चा हाथ वांचे उपर हुता, ते ब़ोहत लौक विश्वास करती प्रभु सनु फिरले।
22बल्ति वांची चर्चा यरुशलेम ची कलीसिया ने सुणली ते वाणे बरनबास नु अन्ताकिया भेज़ले। 23ओ ओठे पुज़ती कर, ते नरीकारा चे अनुग्रह नु ङेखती कर मगन हुला, ते सब नु उपदेश ङिला कि तन मन लाती कर प्रभु लारे मन लाली रिहा। 24कांकि ओ हेक भले इन्सान हुता, ते पवित्र आत्मा ते विश्वासा मां भरपूर हुता, ते ब़ोहत सारे लौका ने प्रभु चे उपर विश्वास करला।
25बल्ति बरनबास, शाऊल नु सोधणे वास्ते तरसुस नु चाह्ला गेला। 26ते जिसे बेले वानु मिड़ला तां ओनु अन्ताकिया मां आणले ते इसड़े हुले कि वे हेक साला तक कलीसिया चे लारे मिलते ते ब़ोहत सारे लौका नु उपदेश ङिते रेहले। ते चैले सारा कनु पेहले अन्ताकिया मां ही “मसीह” किहवाले।
27वां ङिहां मां कई भविष्यवक्ता यरुशलेम कनु अन्ताकिया मां आले। 28#प्रेरि 21:10वांचे महु अगबुस नांवा चे हेके ने खड़े हुते पवित्र आत्मा ची प्रेरणा लारे ईं बावड़ले कि सारे जग़त मां बङा अकाल पड़ी। ते ओ अकाल राजे क्लौदियुस चे समय मां पड़ला हुता। 29बल्ति चैला ने फैंसला करला कि हर हेक आपणी-आपणी पूंजी चे अनुसार यहूदिया प्रदेस मां रेहणे आले विश्वासी भावां ची मदत वास्ते कोच्छ भेज़ु। 30ते वाणे इसड़े ही करले, ते बरनबास ते शाऊल चे हाथे हर कलीसिया चे अग़ुवा चे गोढु कोच्छ भेज़ती ङिले।
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
CC BY-NC-ND 4.0