རོ་མི། 13

དབང་ཚད་ཙུང༌ཁཱན༌བ༌ཀ་ གུས༌ཞབས་ཨ༌ལེ་ཁེ༌ལེ།

1གཞུང་ཀ་ཆ་གནས་ཐ་ལེ་ཁེ༌ལེ། ཧང་ཡ་དག་ནེ་ལ་ དཀོན་མཆོག་གི་ ཀེ་བ་ཨ་དེན་གེ་ གཞུང་ཚོགས་པེ་རེ་ཅ་གི༌ལ། གཞུང་ཀ་དབང་ཚད་ ཐམས་ཅན་རང་ དཀོན་མཆོག་གི་ ཀེ་བ་གི༌ལ། 2ཨོ་ཉི་ཨ་དེན་གེ་ ཨོ་ཉ་དབང་ཚད་ག་ ཆ་གནས་མ་ཐ་ཁཱན་བ་ཀི་ དཀོན་མཆོག་ག་ ཆ་གནས་མ་ཐཱན་ཅ་གི༌ལ། ཨུ་ཉུ་ད་བུ་ ཨ་ཁཱན་སོ་ངོ་བ་ཀི་ ཁྲིམས་ཉོང༌པེ། 3ཧང་ཡ་དག་ནེ་ལ་ ལའི་ལེག་པུ་ཨ་ཁཱན་བ་ དབང་ཚད་ཙུང་ཁཱན་བ་ཀེ་ ཡོང་ཁེ་ལུ་མཱན༌ཅ། དག་པ་ཀབ་ཉི་ ལའི་མ་ལེག་པ་ ཨ་ཁཱན་བ་ཤ་ དབང་ཚད་ཙུང་ཁཱན་བ་ཀེ་ ཡོང་ཁེན༌ཅ། ཨོ་ཉི་ཨ་དེན་གེ་ ལའི་ལེག་པུ་ཤ་ཨའི། ཉི་ན་ཤི་ རོག་ཏེ་བ་ཀེ་བསྟོད་པ་ཉོང༌པེ། 4ཧང་ཡ་དག་ནེ་ལ་ རོག་ཤོ་ ན་ཧ་ལེག་པུ་ཨ་ལེ་དེན་གེ་ དཀོན་མཆོག་ག་ གཡོག་པ་གི༌ལ། དག་པ་ཀབ་ཉི་ ན་ཤི་ལའི་མ་ལེག་པ་ཨ་ནེ་ལ་ ཡོང་ཁེ་ལེ་ཁེ༌ལེ། ཧང་ཡ་དག་ནེ་ལ་ རོག་ཏེ་བ་ཀི་ དེན་ཐ་མ་ཝ་ དབང་ཚད་ཉོང་པ་མང་གི། ལའི་མ་ལེག་པ་ཨ་ཁཱན་བ་ཀ་ ཁྲིམས་ཀེ་བེ་དེན་གེ་ དཀོན་མཆོག་གི་ རོག་ཏེ་བ་ ཀེ་བ་གི༌ལ། 5ཨོ་ཉི་ཨ་དེན་གེ་ དཀོན་མཆོག་གེ་ ཁྲིམས་མ་ཉོང་པེ་དེན་གེ་ ཐུར་ཤ་མང་གི་ཝ་ རང་ཏེན་ག་སེམས་ཀི་བུ་ ན་ཝ་ཨ་ཉི་ཆོ་ལེ་དེན་གེ་ ན་ཤི་གཞུང་ཀ་ ཆ་གནས་ཐ་ལེ་ཁེ༌ལེ།

6ཨོ་ཉི་ཨ་དེན་གེ་ ན་ཤི་གཞུང་ཀ་ ཁྲལ་བུ་ཏབ་ཅ་གི༌ལ། ཧང་ཡ་དག་ནེ་ལ་ རོག་ཏེ་བ་ཀི་ ཨ་ལེ་ཁེ་ཁཱན་བ་ཨ་ཉི་ དཀོན་མཆོག་ག་ ཕྱག་ཞུན་ཅ་གི༌ལ། 7ན་ཤི་ཨི་བི་ག་ ཧང་བི་ལེ་ཆོ་ཝ་ཐུར་བི། རང་ཏེན་ག་ ཁྲལ་ཏ་པེ་ཆོ་ནེ་ལ་ རང་ཏེན་ག་ཁྲལ་ཏབ༌ཅོ། རྒྱུ་ཅ་ལ་ག་ཁྲལ་ཏ་པེ་ཆོ་ནེ་ལ་ རྒྱུ་ཅ་ལ་ག་ཁྲལ་ཏབ༌ཅོ། ཞེབ་ས་ཨ་ལེ་ཁེ་ནེ་ལ་ ཞེབ་ས་ཨའི། ཉི་གུས་ཞབས་ཨ་ལེ་ཁེ་ནེ་ལ་ གུས་ཞབས་ཨའི༎

དཀོན་མཆོག༌གི་གསུངས༌ཁཱན་ཁེ༌པ་ སྙིང༌རྗེ༌གི་འགྲུབ༌ཅ།

8ན་ཧ་ བུ་ལོན་ཐམས་ཅན་རང་ཏབ༌ཅོ། དག་པ་ཀབ་ཉི་ བཱརའ་སོ་ངོ་བ་ཀ་ སྙིང་རྗེ་ཨ་ལེ་ག་ འགན་འཁོར་ཐུར་ཤ་ ཐུབ་མ་ཐའི། ཧང་ཡ་དག་ནེ་ལ་ བཱརའ་སོ་ངོ་ག་ སྙིང་རྗེ་ཨ་ཁཱན་གི་ བཀའ་ཁྲིམས་གེ་ ཤོ་ཁཱན་ཁེ་པ་ འགྲུབ་ཅ་གི༌ལ། 9གཉེན་གྲོགས་གེ་ཕིས་ཀ་ ལུས་འབྲེལ་མ་ཨའི་ མ་ཤེ་ དྲོ་ཝཱན་མ་ཨའི་ ཉི་སེར་སྣ་མ་ཨའི་#13:9 ཤོན་དི་ཝ་ག་དཔེ་ཆ་ 20:13–15,17, ཁྲིམས་ལུགས་ག་དཔེ་ཆ་ 5:17–19; ཁྲིམས་ལུགས་ག་དཔེ་ཆ་ 5:21དག་ཉི་ བཀའ་རྒྱ་གེ་ཤོ་ཁཱན་བ་དང་ བཱརའ་བཀའ་རྒྱ་བ་ཀེ་ཤོ་ཁཱན་ ཐམས་ཅན་རང་ རང་ཏེན་ཕང་པ་ད་བུ་རང་ ན་ཧ་ནོག་མིན་བ་ ཕང་ཅོ་#13:9 ལེ་ཝི་ག་དཔེ་ཆ་ 19:18དག་ཉི་ཤོ་ཁཱན་ ཨོ་ཐ་བཀའ་རྒྱ་གི་ ཇུག་ཕག༌ཅ། 10སྙིང་རྗེ་གི་ནོག་མིན་ག་ ཧ་ལ་རང་མ་ལེག་པ་ མ་ཨ་ཝ་ཨ་དེན་གེ་ བཀའ་ཁྲིམས་འགྲུབ་ཅ་གི༌ལ།

11ན་ཧ་བ་ ཡི་ཕ་གེ་ཝུ་ལེ་ག་ དུས་ཙུན་རེན་པ་དག་ཉི་ ན་ཤི་སེ་ཝ་ཨ་དེན་གེ་ ན་ཤི་ཨོ་ཐེན་ཨ་ལེ་ཁེ༌ལེ། ཧང་ཡ་དག་ནེ་ལ་ ཨ་ཤི་གོ་མ་ དད་པ་ཨ་ལེ་གང་ཀ་ ཐར་པ་ཧབ་ཏུར་ ར་ག་ཏེམ་པ་ཆོ་ཝ་གི་ལ་སྨོ་ ཨོམ་གི་ནེ་ལ་ ཨོ་ཉ་གེ་བུ་ལག་ཉི་ ར་ག་ཏེམ་པ༌ཅ། 12བི་ནང་ཆུ་མེ་ཅམ་པ་ཨ་དེན་གེ་ མིང་ཏེག་པེ་ཅམ་པ༌ཅ། ཨོ་ཉི་ཨ་དེན་གེ་ ཨ་ཤི་མེར་བུ་ག་ལའི་ ཐམས་ཅན་རང་ ཐུབ་ཐ་ཉི་ འོད་ཟེར་ག་མཚོན་ཆ་བ་བང་ཁེ། 13ངབ་ཀ་འོད་ཟེར་ནང་ཀ་ཆོ་ཁཱན་ སོ་ངོ་བ་ད་བུ་ཨ་ཉི་ ཨ་ཤི་བུ་ ལེག་པུ་ཨ་ཉི་ཆོ་ཁེ། ངན་པ་ལའི་ག་ སྤྲོ་བ་ཙི་ལེ་ག་ཐུབ་ཐ་ཁེ་ ཞུ་སུང་མ་ཁུ་ཁེ་ ལུས་འབྲེལ་མ་ཙང་མ་ མ་ཨ་ཁེ་ མང་གི་ཝ་ལའི་ག་བ་ མ་ཨ་ཁེ་ ཁོ་ལོང་མ་ཕི་ཁེ་ ཉི་མིང་མ་ཤོག་ཁེ། 14དག་པ་ཀབ་ཉི་ ན་ཧ་ཚེ་ཁེ་པ་ གཙོ་བོ་ཡི་ཤུ་ཁིརིས་གི་ དབང་པེ་བི། ཉི་སྡིག་པ་གི་ རང་བཞིན་གེ་ ཨ་ལེ་གོད་ཁཱན་ངན་པ་བ་ ཨ་ལེ་མ་གོད༌ཅོ༎

Seçili Olanlar:

རོ་མི། 13: TNTB

Vurgu

Kopyala

Karşılaştır

Paylaş