होशे 7
7
1“ज़ेभै बी हुंह च़ाहा इहअ कि मेरी इज़राईली परज़ा लोल़ी भिई ताज़ी-नरोगी हुई, पर मुखा शुझिआ कि एप्रैमी लोग आसा पठी कदुष्ट हुऐ दै अर सामरी नगरीए लोग आसा खास्सै ज़ुल्म करदै लागै दै! तिंयां ठगा एकी-दुजै! तिंयां पाआ होरीए घअरा का च़िज़ा च़ोरी, तिन्नां डाकूए छ़ुंढ पल़ा बाता-बणैं लोगा लुटदै चुटी। 2तिंयां निं धख बी इहअ सोठदै कि हुंह बिधाता डाहा तिन्नें इना सोभी कदुष्ट कामां आद! तिन्नें पापा करै आसा तिंयां फेरा-फेर गोठुऐ दै। हर ज़ैगा हआ मुखा तिन्नें पाप शुझदै लागै दै।”
राज़ मैहलै द्रोह
3बिधाता बोला इहअ, “तिन्नें पापा करै हआ राज़ै बी खुश अर तिन्नें कार-करिंदै बी हआ ठगी करनै अर झ़ुठअ बोल़णा लै खुश। 4तिंयां सोभ करा मुल्है धोखअ। तिंयां आसा तात्ती तऊई ज़िहै, ज़ांऊं मल़ेगे मुछ़ी डाहअ द पिठअ सिज़ी जाआ, सह झमाऊंआं तेता आग फुकरी करै होर बी खास्सी। 5राज़े ज़ल्म धैल़ी झुटा कार-करिंदै अर राज़अ खास्सी शराब। राज़अ ज़ुल़ा तिन्नां संघै ज़ुंण तेऊ लै भरोस्सैमंद हणैंओ दखाअ करा। 6पर तिंयां कार-करिंदै हआ तेऊए हत्या करने बारै सोठदै लागै दै, भितरी हआ तिन्नां तऊई झमाऊंदी आगी ज़िहै रोश्श लागै दै! सह आग हआ भितरी तिन्नां सारी राची कोइलै ज़ेही अर दोत्ती भका तेता का आगीओ घैनअ। 7आपणैं तेऊ आगी ज़िहै तात्तै रोश्शा करै करा तिंयां आप्पू प्रैंदै राज़ करनै आल़ेए हत्या। तिन्नैं पाऐ आपणैं सोभ राज़ै एक-एक करी मारी। पर तिन्नैं निं कोही बी मुंह बिधाता सेटा लेर-पकार पाई मज़त मांगी।”
इज़राईल अर होर देश
8बिधाता बोला इहअ, “एप्रैम गोत्रे लोग रल़ै आप्पू फेर होरी देशा संघै। तिंयां आसा आधै काच़ै रोटा ज़िहै बृथा! 9तिंयां निं समझ़दै ई आथी कि परदेसी लोगै किअ तिन्नों ज़ोर ई खतम पर तज़ी बी निं तिंयां मुंह बिधाता बाखा बापस फिरदै ज़ुंण तिन्नों परमेशर आसा। 10इज़राईली आसा घमंडी, तिंयां निं बदल़णअ ई च़ाहंदै, अह घमंड आसा तिन्नों शाजत कि तिंयां आसा दोशी। तज़ी बी निं तिंयां मुंह बिधाता बाखा बापस फिरदै ज़ुंण तिन्नों परमेशर आसा अर नां मुंह लोल़ै लागदै। 11एप्रैम गोत्रे लोग आसा ऐडी पालल़ी ज़िहै, तिन्नां का निं थोघ ई आथी कि डैअ केथ बाखा दैणअ! पैहलै डेऊऐ तिंयां मिसर देशा का मज़त मांगदै अर तिधा का हटी डेओआ तिंयां अश्शूरी लोगा का मज़त मांगदै! 12पर मुंह फुआरनअ तिन्नां लै आपणअ ज़ज़ाल़ अर तिंयां ढाकणैं मुंह ज़िहै सरगै डैअ दैंदै च़ेल्लू ढाका। ज़ुंण तिंयां बूरै कामां लै साझ़ू हुऐ, तेता लै दैणीं मुंह तिन्नां लै सज़ा।
13“तिन्नां लै आसा आफ़त! तिन्नैं छ़ाडअ हुंह अर तिन्नैं किअ मुल्है द्रोह। तिन्नों हणअ बनाश! हुंह च़ाहा तिन्नां बच़ाऊंणअ पर तिंयां बोला मुखा झ़ुठअ ई! 14तिंयां निं तत्त दिला का मुंह सेटा अरज़ ई करदै! पर तिंयां रहा आपणैं च़ैनैं उटी बाखा सुत्ती ज़ोरै-ज़ोरै लेरदै लागी। तिंयां करा पराऐ देअआ सेटा आपणीं देही दी च़िरै पाई दाख अर नाज़े साल-फसल हणां लै अरज़ अर मुखा आसा तिंयां दूर हुऐ दै। 15सह त हुंह ज़ुंणीं तिन्नां लै भली शिक्षा दैनी। तिन्नां बलबान बणाणैं आल़अ आसा हुंह। पर तिन्नैं किअ मुल्है ई द्रोह। 16तिंयां भाल़ा फेर सारै दी पर उझै निं तिंयां मुंह बाखा भाल़दै कि मुखा मज़त मांगे! तिंयां आसा धोखै दैणैं आल़ै कबाणा ज़िहै। तिन्नें सैणैं आसा आपणैं ज़ोरा दी बडअ घमंड पर तिंयां मरनै जुधा दी। तेखअ लागणै मिसर देशे लोग तिन्नां लै हास्सदै।”
Seçili Olanlar:
होशे 7: OSJ
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
This work is licensed under Creative Commons Attribution-ShareAlike 4.0 License.
होशे 7
7
1“ज़ेभै बी हुंह च़ाहा इहअ कि मेरी इज़राईली परज़ा लोल़ी भिई ताज़ी-नरोगी हुई, पर मुखा शुझिआ कि एप्रैमी लोग आसा पठी कदुष्ट हुऐ दै अर सामरी नगरीए लोग आसा खास्सै ज़ुल्म करदै लागै दै! तिंयां ठगा एकी-दुजै! तिंयां पाआ होरीए घअरा का च़िज़ा च़ोरी, तिन्नां डाकूए छ़ुंढ पल़ा बाता-बणैं लोगा लुटदै चुटी। 2तिंयां निं धख बी इहअ सोठदै कि हुंह बिधाता डाहा तिन्नें इना सोभी कदुष्ट कामां आद! तिन्नें पापा करै आसा तिंयां फेरा-फेर गोठुऐ दै। हर ज़ैगा हआ मुखा तिन्नें पाप शुझदै लागै दै।”
राज़ मैहलै द्रोह
3बिधाता बोला इहअ, “तिन्नें पापा करै हआ राज़ै बी खुश अर तिन्नें कार-करिंदै बी हआ ठगी करनै अर झ़ुठअ बोल़णा लै खुश। 4तिंयां सोभ करा मुल्है धोखअ। तिंयां आसा तात्ती तऊई ज़िहै, ज़ांऊं मल़ेगे मुछ़ी डाहअ द पिठअ सिज़ी जाआ, सह झमाऊंआं तेता आग फुकरी करै होर बी खास्सी। 5राज़े ज़ल्म धैल़ी झुटा कार-करिंदै अर राज़अ खास्सी शराब। राज़अ ज़ुल़ा तिन्नां संघै ज़ुंण तेऊ लै भरोस्सैमंद हणैंओ दखाअ करा। 6पर तिंयां कार-करिंदै हआ तेऊए हत्या करने बारै सोठदै लागै दै, भितरी हआ तिन्नां तऊई झमाऊंदी आगी ज़िहै रोश्श लागै दै! सह आग हआ भितरी तिन्नां सारी राची कोइलै ज़ेही अर दोत्ती भका तेता का आगीओ घैनअ। 7आपणैं तेऊ आगी ज़िहै तात्तै रोश्शा करै करा तिंयां आप्पू प्रैंदै राज़ करनै आल़ेए हत्या। तिन्नैं पाऐ आपणैं सोभ राज़ै एक-एक करी मारी। पर तिन्नैं निं कोही बी मुंह बिधाता सेटा लेर-पकार पाई मज़त मांगी।”
इज़राईल अर होर देश
8बिधाता बोला इहअ, “एप्रैम गोत्रे लोग रल़ै आप्पू फेर होरी देशा संघै। तिंयां आसा आधै काच़ै रोटा ज़िहै बृथा! 9तिंयां निं समझ़दै ई आथी कि परदेसी लोगै किअ तिन्नों ज़ोर ई खतम पर तज़ी बी निं तिंयां मुंह बिधाता बाखा बापस फिरदै ज़ुंण तिन्नों परमेशर आसा। 10इज़राईली आसा घमंडी, तिंयां निं बदल़णअ ई च़ाहंदै, अह घमंड आसा तिन्नों शाजत कि तिंयां आसा दोशी। तज़ी बी निं तिंयां मुंह बिधाता बाखा बापस फिरदै ज़ुंण तिन्नों परमेशर आसा अर नां मुंह लोल़ै लागदै। 11एप्रैम गोत्रे लोग आसा ऐडी पालल़ी ज़िहै, तिन्नां का निं थोघ ई आथी कि डैअ केथ बाखा दैणअ! पैहलै डेऊऐ तिंयां मिसर देशा का मज़त मांगदै अर तिधा का हटी डेओआ तिंयां अश्शूरी लोगा का मज़त मांगदै! 12पर मुंह फुआरनअ तिन्नां लै आपणअ ज़ज़ाल़ अर तिंयां ढाकणैं मुंह ज़िहै सरगै डैअ दैंदै च़ेल्लू ढाका। ज़ुंण तिंयां बूरै कामां लै साझ़ू हुऐ, तेता लै दैणीं मुंह तिन्नां लै सज़ा।
13“तिन्नां लै आसा आफ़त! तिन्नैं छ़ाडअ हुंह अर तिन्नैं किअ मुल्है द्रोह। तिन्नों हणअ बनाश! हुंह च़ाहा तिन्नां बच़ाऊंणअ पर तिंयां बोला मुखा झ़ुठअ ई! 14तिंयां निं तत्त दिला का मुंह सेटा अरज़ ई करदै! पर तिंयां रहा आपणैं च़ैनैं उटी बाखा सुत्ती ज़ोरै-ज़ोरै लेरदै लागी। तिंयां करा पराऐ देअआ सेटा आपणीं देही दी च़िरै पाई दाख अर नाज़े साल-फसल हणां लै अरज़ अर मुखा आसा तिंयां दूर हुऐ दै। 15सह त हुंह ज़ुंणीं तिन्नां लै भली शिक्षा दैनी। तिन्नां बलबान बणाणैं आल़अ आसा हुंह। पर तिन्नैं किअ मुल्है ई द्रोह। 16तिंयां भाल़ा फेर सारै दी पर उझै निं तिंयां मुंह बाखा भाल़दै कि मुखा मज़त मांगे! तिंयां आसा धोखै दैणैं आल़ै कबाणा ज़िहै। तिन्नें सैणैं आसा आपणैं ज़ोरा दी बडअ घमंड पर तिंयां मरनै जुधा दी। तेखअ लागणै मिसर देशे लोग तिन्नां लै हास्सदै।”
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
This work is licensed under Creative Commons Attribution-ShareAlike 4.0 License.