होशे 4
4
इज़राईला लै बिधातो दोश
1इज़राईलीओ, बिधातो समाद शूणां! तम्हैं सोभै ज़ुंण एऊ देशै आसा बस्सै दै, बिधाता लाअ तम्हां लै दोश। सह बोला इहअ, “एऊ देशै निं कोह शुचअ-पाक्कअ आथी, नां कुंण झींण अर झ़ूरी करदअ अर नां कहा परमेशरो ज्ञैन आथी। 2तम्हैं दैआ एकी दुजै लै फिटक, तम्हैं दैआ तिन्नां लै धोखअ अर तम्हैं करा हत्या। तम्हैं आसा च़ोर अर कंज़रैई करनै आल़ै। तम्हैं हआ कबल्लै ज़ुल्मा प्रैंदै ज़ुल्म करदै लागै दै। 3तैही पल़णअ ऐहा ज़ैगा इहअ घोर शुक्कअ कि अह ज़ैगा हणीं रेगीस्ताना ज़ेही पठ शुन्नीं। एथ निं कोह ज़िऊंदअ बच़णअ। बणें ज़ीब, च़ेल्लू-पखीरू अर समुंदरे पाणीं जैंदरी म्हाछ़ली बी हणीं खतम।”
प्रोहता लै दोश
4बिधाता बोला इहअ बी, “पर तम्हैं निं आप्पू मांझ़ै एकी-दुजै लै दोश लांदै लागा। इना ज़ुल्म करने दोशी आसा तम्हैं प्रोहत। 5तम्हां लै दैणीं मुंह धैल़-राच सज़ा, तम्हां संघै थारै झ़ुठै गूरा लै बी करनअ मुंह इहअ ई। इज़राईल देश ज़ुंण थारी ईजा ज़ेही आसा, सह बी करनी मुंह खतम। 6मेरी परज़ा हणीं खतम किल्हैकि तिंयां निं मुंह ज़ाणदै ई आथी। तम्हैं प्रोहतै समझ़अ मेरअ ज्ञैन बृथा अर तम्हैं निं मेरी शिक्षा मनी आथी! तैही हेरै मंऐं तम्हैं बी छ़ाडी अर नां हुंह आजू थारै शोहरू माठै प्रोहत मंदअ।
7“ज़ेतरै तम्हैं प्रोहत खास्सै लागा हंदै, तम्हैं करा तेतरै खास्सै पाप, तैही करनै मुंह थारी शोभा-शान खतम करी तम्हैं बेइज़त। 8तम्हैं हुऐ मेरी परज़े पापा करै सेठ, तैही च़ाहा तम्हैं कि तिन्नैं लोल़ी होरी बी खास्सअ पाप किअ। 9तम्हां प्रोहते दशा बी हणीं तेही ई ज़ेही दशा लोगे हणीं! मुंह दैणीं तम्हां लै सज़ा अर ज़ुंण बूरअ तम्हैं किअ तेतो फल लागणअ तम्हां भुगतणअ। 10तम्हां खाणअ पर थारै पेट निं रज्ज़णै। तम्हां सुत्तणअ खास्सी बेटल़ी संघै पर तज़ी बी रहणैं तम्हैं लुआदा बाझ़ी एही। किल्हैकि तम्हैं छ़ाडअ हुंह बिधाता अर तम्हैं रहै कंज़रैई करदै अर होरी देअआ पूज़दै लागी।”
बिधाता करा मुहुर्ती पूज़ा का नफरत
11बिधाता बोला इहअ, “शराब नऊंईं होए च़ाऐ पराणीं तेता करै निं मणछा सोर समझ़ ई रहंदी। 12मेरी परज़ा हआ काठे मुहुर्ती का सलाह पुछ़दै लागै दै! तम्हैं हआ काठे शोठी का पुछ़दै लागै दै कि आजू किज़ै हणअ! तम्हैं हुऐ मुखा दूर अर तम्हैं आसा कबाता पेठै दै। हुंह आसा थारअ परमेशर पर तम्हैं निं मुल्है शुचै-पाक्कै आथी। तम्हैं आसा कंज़री बेटल़ी ज़िहै ज़ुंण आपणैं मर्धा लै धोखअ दैआ। 13तम्हैं करा धारे च़ुंडी होरी देअआ-देबी लै डागै-चैणैं बल़ीदान अर हूम। तम्हैं करा इना पूज़ा-गाज़ा बान-महरू, रऐ-तोस्सा अर बडै-बडै बूटा हेठै किल्हैकि तेते छ़ैल्ली दी लागा तम्हां मज़अ। तैही लागी थारी नुशा शोहरी कज़ोही संघै बरेल़्हदी। 14पर तिंयां निं ईंयां ज़ुआन बेटल़ी निं आथी ज़हा लै मुंह सज़ा दैणीं। तिंयां आसा तम्हैं मर्ध ज़हा लै मुंह सज़ा दैणीं। किल्हैकि ज़ेभै उझै धारा गान-स्तानै तम्हैं बल़ीदान करा, तेभै हआ कंज़री बेटल़ी तम्हां संघै खांदी बेठी दी अर तेखअ हआ तम्हैं सुत्तदै बी तिन्नां ई संघै पेठै दै। तम्हैं मेरी परज़ा निं भलअ-बूरअ समझ़दै ई आथी अर तैही हणअ थारअ बनाश ज़रूर।
15“तम्हैं मेरी इज़राईली परज़ा किअ मुंह बिधाता लै विश्वास घात। हुंह निं च़ाहंदअ कि मेरी परज़ा यहूदी बी इहअ ई पाप करे। गिलगाल अर बेताबेन गान-स्तानै पूज़ा करदै निं डेऊई! नां इहअ बोली, ‘मुंह करनी आपणीं ज़बान पूरी। मेरी ज़बान आसा एही शुची ज़िहअ बिधाता ज़िऊंदअ आसा।’ 16तम्हैं इज़राईली आसा छ़ुहाणा ज़िहै हठू ज़ुंण शुणदी ई निं आथी। तम्हैं आसा इहै हठू कि हुंह बिधाता निं तम्हां मिम्मूं ज़िहअ सऊंई बडी घैहणींए घाहा जैंदरी च़राऊई सकदअ। 17मेरी एप्रैमी परज़ा#4:17 एप्रैमी परज़ा इज़राईली परज़ा लागा मुहुर्तीए पूज़ा करना लै मज़अ। तिन्नां दैआ तेथ शाची रहणैं। 18ज़ांऊं तिंयां शराब झुटी मुक्का, तेखअ लागा तेभी तिंयां कंज़री लोल़ै कि तिन्नां संघै सुत्ते। 19तैही दैणीं मुंह तिन्नां सोभी लै सज़ा। तिंयां च़कणै ढिश-बागरी उझै च़ेल्लू ज़िहै संघा फर्लाऊंणैं दूर। तेखअ हणैं खिरी तिंयां शर्मिंदै कि तिन्नैं किऐ मुहुर्ती लै हूम अर बल़ीदान।
Seçili Olanlar:
होशे 4: OSJ
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
This work is licensed under Creative Commons Attribution-ShareAlike 4.0 License.
होशे 4
4
इज़राईला लै बिधातो दोश
1इज़राईलीओ, बिधातो समाद शूणां! तम्हैं सोभै ज़ुंण एऊ देशै आसा बस्सै दै, बिधाता लाअ तम्हां लै दोश। सह बोला इहअ, “एऊ देशै निं कोह शुचअ-पाक्कअ आथी, नां कुंण झींण अर झ़ूरी करदअ अर नां कहा परमेशरो ज्ञैन आथी। 2तम्हैं दैआ एकी दुजै लै फिटक, तम्हैं दैआ तिन्नां लै धोखअ अर तम्हैं करा हत्या। तम्हैं आसा च़ोर अर कंज़रैई करनै आल़ै। तम्हैं हआ कबल्लै ज़ुल्मा प्रैंदै ज़ुल्म करदै लागै दै। 3तैही पल़णअ ऐहा ज़ैगा इहअ घोर शुक्कअ कि अह ज़ैगा हणीं रेगीस्ताना ज़ेही पठ शुन्नीं। एथ निं कोह ज़िऊंदअ बच़णअ। बणें ज़ीब, च़ेल्लू-पखीरू अर समुंदरे पाणीं जैंदरी म्हाछ़ली बी हणीं खतम।”
प्रोहता लै दोश
4बिधाता बोला इहअ बी, “पर तम्हैं निं आप्पू मांझ़ै एकी-दुजै लै दोश लांदै लागा। इना ज़ुल्म करने दोशी आसा तम्हैं प्रोहत। 5तम्हां लै दैणीं मुंह धैल़-राच सज़ा, तम्हां संघै थारै झ़ुठै गूरा लै बी करनअ मुंह इहअ ई। इज़राईल देश ज़ुंण थारी ईजा ज़ेही आसा, सह बी करनी मुंह खतम। 6मेरी परज़ा हणीं खतम किल्हैकि तिंयां निं मुंह ज़ाणदै ई आथी। तम्हैं प्रोहतै समझ़अ मेरअ ज्ञैन बृथा अर तम्हैं निं मेरी शिक्षा मनी आथी! तैही हेरै मंऐं तम्हैं बी छ़ाडी अर नां हुंह आजू थारै शोहरू माठै प्रोहत मंदअ।
7“ज़ेतरै तम्हैं प्रोहत खास्सै लागा हंदै, तम्हैं करा तेतरै खास्सै पाप, तैही करनै मुंह थारी शोभा-शान खतम करी तम्हैं बेइज़त। 8तम्हैं हुऐ मेरी परज़े पापा करै सेठ, तैही च़ाहा तम्हैं कि तिन्नैं लोल़ी होरी बी खास्सअ पाप किअ। 9तम्हां प्रोहते दशा बी हणीं तेही ई ज़ेही दशा लोगे हणीं! मुंह दैणीं तम्हां लै सज़ा अर ज़ुंण बूरअ तम्हैं किअ तेतो फल लागणअ तम्हां भुगतणअ। 10तम्हां खाणअ पर थारै पेट निं रज्ज़णै। तम्हां सुत्तणअ खास्सी बेटल़ी संघै पर तज़ी बी रहणैं तम्हैं लुआदा बाझ़ी एही। किल्हैकि तम्हैं छ़ाडअ हुंह बिधाता अर तम्हैं रहै कंज़रैई करदै अर होरी देअआ पूज़दै लागी।”
बिधाता करा मुहुर्ती पूज़ा का नफरत
11बिधाता बोला इहअ, “शराब नऊंईं होए च़ाऐ पराणीं तेता करै निं मणछा सोर समझ़ ई रहंदी। 12मेरी परज़ा हआ काठे मुहुर्ती का सलाह पुछ़दै लागै दै! तम्हैं हआ काठे शोठी का पुछ़दै लागै दै कि आजू किज़ै हणअ! तम्हैं हुऐ मुखा दूर अर तम्हैं आसा कबाता पेठै दै। हुंह आसा थारअ परमेशर पर तम्हैं निं मुल्है शुचै-पाक्कै आथी। तम्हैं आसा कंज़री बेटल़ी ज़िहै ज़ुंण आपणैं मर्धा लै धोखअ दैआ। 13तम्हैं करा धारे च़ुंडी होरी देअआ-देबी लै डागै-चैणैं बल़ीदान अर हूम। तम्हैं करा इना पूज़ा-गाज़ा बान-महरू, रऐ-तोस्सा अर बडै-बडै बूटा हेठै किल्हैकि तेते छ़ैल्ली दी लागा तम्हां मज़अ। तैही लागी थारी नुशा शोहरी कज़ोही संघै बरेल़्हदी। 14पर तिंयां निं ईंयां ज़ुआन बेटल़ी निं आथी ज़हा लै मुंह सज़ा दैणीं। तिंयां आसा तम्हैं मर्ध ज़हा लै मुंह सज़ा दैणीं। किल्हैकि ज़ेभै उझै धारा गान-स्तानै तम्हैं बल़ीदान करा, तेभै हआ कंज़री बेटल़ी तम्हां संघै खांदी बेठी दी अर तेखअ हआ तम्हैं सुत्तदै बी तिन्नां ई संघै पेठै दै। तम्हैं मेरी परज़ा निं भलअ-बूरअ समझ़दै ई आथी अर तैही हणअ थारअ बनाश ज़रूर।
15“तम्हैं मेरी इज़राईली परज़ा किअ मुंह बिधाता लै विश्वास घात। हुंह निं च़ाहंदअ कि मेरी परज़ा यहूदी बी इहअ ई पाप करे। गिलगाल अर बेताबेन गान-स्तानै पूज़ा करदै निं डेऊई! नां इहअ बोली, ‘मुंह करनी आपणीं ज़बान पूरी। मेरी ज़बान आसा एही शुची ज़िहअ बिधाता ज़िऊंदअ आसा।’ 16तम्हैं इज़राईली आसा छ़ुहाणा ज़िहै हठू ज़ुंण शुणदी ई निं आथी। तम्हैं आसा इहै हठू कि हुंह बिधाता निं तम्हां मिम्मूं ज़िहअ सऊंई बडी घैहणींए घाहा जैंदरी च़राऊई सकदअ। 17मेरी एप्रैमी परज़ा#4:17 एप्रैमी परज़ा इज़राईली परज़ा लागा मुहुर्तीए पूज़ा करना लै मज़अ। तिन्नां दैआ तेथ शाची रहणैं। 18ज़ांऊं तिंयां शराब झुटी मुक्का, तेखअ लागा तेभी तिंयां कंज़री लोल़ै कि तिन्नां संघै सुत्ते। 19तैही दैणीं मुंह तिन्नां सोभी लै सज़ा। तिंयां च़कणै ढिश-बागरी उझै च़ेल्लू ज़िहै संघा फर्लाऊंणैं दूर। तेखअ हणैं खिरी तिंयां शर्मिंदै कि तिन्नैं किऐ मुहुर्ती लै हूम अर बल़ीदान।
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
This work is licensed under Creative Commons Attribution-ShareAlike 4.0 License.