गलातितोर 3

विस्वस कीतेकेने मन्कलोर सेतेमतोर आस्तोर

1ए गलातितोर बुदलेवोरिर! येसु किर्स्तुह्‌कु बेद्रम हव्कनागुटाता सिक्सा दोर्कता, अवटे माक बह अमेसाता पिसमुळ दोर्किह्‌ता,#1 कुरिंततोर 1:23; गलातितोर 5:11 इदिन मीकु नना पिङम-पङम वेहच मतन. इतेके बोरो मति (मीक अडोने ताकलाह काग़्हचि) मूसेङ कीतोरे, इद बेस आयो! 2इद उंदिय पोल्‍लो नाक मीट वेहाटु! देवुळि तना पवित्र जीवातुन मीक बह ईता, मीट अडोन माळताह्‌कु ईताया, बारा किर्स्तुनाङ केंजिसि, विस्वस तासताह्‌कु ईता?#रोम सहरतोर 10:17; इब्रितोर 4:2; 6:4-6 3मीवा लोप्पा देवुळता जीवा बेद कबळ सुरु कीता, अद कबळतुन इंजेक बह मीट मीवाय लावते मारिह कीय्ह्‌निरा? अचोन मीट बुदलेवोरिरा? 4(अडोन नोमिसि सेतेमतोरिर आयलाह ऊळिह्‌निर इतेके,) मीट किर्स्तुनगा आसा कीताह्‌कु, अचोन तिपल एतिर; अद पूरा उगसेन अताया?#1 कुरिंततोर 15:2 5इतेके देवुळि तना पवित्र जीवा मीक ईस्ता, मियेनाह्‌कु बामिह कीयनाङ कबस्क कीस्ता#1 कुरिंततोर 12:10; इब्रितोर 2:3-4 बहु? मीट अडोन माळताह्‌कु कीस्ताया, बार किर्स्तुनाङ केंजिसि, विस्वस तासताह्‌कु कीस्ताया?#रोम सहरतोर 10:17

6 ( अब्रहम मुय्तोग़ बाताल कीतोग़, ऊळविर?) अब्रहम देवुळता पोल्‍लोतुन नमतोग़. ओग़ नमनदिन ऊळिसि, देवुळि ओन सेतेमतोनिन इता, # पुटमुळि 15:6; रोम सहरतोर 4:3,22 इन्जि सास्त्रमते रासतद मन्ह्‌ता. 7इतेके देवुळता पोल्‍लोतुन नमवालोरु, विस्वस केवालोरु, वेर अब्रहमना कूळतोरे आंदुर,#लूकाल 19:9; रोम सहरतोर 4:16-17; 9:7-9; गलातितोर 6:16 इदिन सीताते तासाटु. 8इंजेके विस्वसतुह्‌के, सबे जातिनोर सेतेमतोर आयना इन्जि, मुनेताहि देवुळता विचर मता. मताह्‌कु, अद अब्रहम मुय्तोनु मुनेने इद बेसता कबुर वेहता, सबे जातिनोरिह्‌कु नीवा मेटे बर्कत दोर्कग़ा,#पुटमुळि 12:3; 18:18 इद्रम सास्त्रमते रासतद मन्ह्‌ता.#रोम सहरतोर 3:30 9इतेके अडोन नोमवालोरिह्‌क आयो, मति अब्रहम मुय्तोना लेह्‌का विस्वसते ताकवालोरिह्‌के, देवुळता बर्कत दोर्किह्‌ता. 10बोर अडोन नोमिसि सेतेमतोर आयलाह ऊळिह्‌तोर, ओर कतमतोरिह्‌क सरपे दल्गिह्‌ता. बाराह्‌क इतेके बोरु अडोना पुस्तकते रासतवु, कतम अडोनु नोमसोर मनोर, ओरिह्‌क सरप दल्गिह्‌ता,#व्यवस्थाविवरण 27:26 इन्जि सास्त्रमते रासतद मन्ह्‌ता.#रोम सहरतोर 4:14-15 इद्रमलेह्‌का विस्वसते ताकवालोरिह्‌क बर्कत दोर्किह्‌ता, अडोन नोमवालोरिह्‌क बार सरप दल्गिह्‌ता.#2 कुरिंततोर 3:7 11इंजेके बोर देवुळतुन नमिसि, सेतेमतोर आयलाह ऊळिह्‌तोर, ओरे पिसनुर,#हबक्‍कूक 2:4; रोम सहरतोर 1:17; इब्रितोर 10:38 इन्जि सास्त्रम वेहतह्‌ता. अदिनेनाह्‌कु अडोन नोमवालोरगा ओर्विन वने, देवुळि सेतेमतोग़ इनो, इद्रम सबेटोरिह्‌क दिसिह्‌ता.#2:16 12अडोन नोमवालोर इतेके, देवुळतगा विस्वस केवाये नोमिह्‌तोर; बोर अडोन नोमिह्‌तोर, अविस्कनेन ताकनुर,#लैव्यव्यवस्था 18:5; रोम सहरतोर 7:10 इद्रम सास्त्रम वेहतह्‌ता. 13-14मति दुस्राङ जातिनोरिह्‌क इंका, किर्स्तु येसुनगा विस्वस कीताह्‌कु, अब्रहमिह्‌क ईतद बर्कत दोर्कग़ा.#रोम सहरतोर 4:9-10,16-17 ओसो देवुळ मुने पोल्‍लो विळ्सतपे, ताना पवित्र जीवा माक विस्वसिरिह्‌क दोर्कग़ा,#बळयिर 2:33 इद्रमता विचरते, किर्स्तुये माकु अडोना संगे वातद सरपताहि पिसिह कीतोग़. माक सरपताहि पिसिह कीयलाहि, ओग़ तनाय पोग़ोन सरप एतोग़.#2 कुरिंततोर 5:21; गलातितोर 4:5 बह इतेके बोग़ाय मरातगा वेळ्हतोग़ु सरपतोग़ आस्तोग़#व्यवस्थाविवरण 21:23 इन्जि, सास्त्रमते रासतद मन्ह्‌ता.

मोसानाङ अडोङ ओसो देवुळता करल

15मावोरिर, पुन्पिह कीयनद उंद पोल्‍लो नना मीक वेहतकन. मन्कलोर कीतद करलतुन वने ताको इनदा वावो, अगा पूनाङ पोल्‍लोङ एक्‍वा वाटिसि ताकग़ा इनदा वन वावो.#इब्रितोर 6:16 16इंजेके अब्रहम मुय्तोह्‌कु, देवुळि पोल्‍लो विळ्सिस वेहन्दु, “नीकु ओसो नीवा कूळतोन्कु#3:16 कूळतोन्कु मोदुल कागिदते पेनेमतुह्‌क बर्कत ईकन” इन्जि.#पुटमुळि 22:18; लूकाल 1:54-55; रोम सहरतोर 4:13,16-17; 9:4 इतेके नीवाङ कूळतोरिह्‌कु#3:16 कूळतोरिह्‌कु मोदुल कागिदते पेनेह्‌किह्‌कु ईकन इन्जि, देवुळ वेल्‍लाटोरा लोप्पा वेहो, मति नीवा कूळतोन्कु#3:16 कूळतोन्कु मोदुल कागिदते पेनेमतुह्‌कु इन्जि, ओर्विनाये लोप्पा वेहचि. ओग़ कूळतोग़ बोग़ इतेके, येसु किर्स्तुये आंदोग़. 17बेस केंजाटु! अब्रहम मुय्तोह्‌कु देवुळ कीतद इद करलतुन इतेके, नालुङ नूह्‌कु डेडा वीसा (430) वर्साना पया#पुटमुळि 15:13; पेसमुळि 12:40; बळयिर 7:6 ईतव मोसानाङ अडोङ, बह माय्‍पिह कीस्ताङा? माय्‍पिह केवाह्‌कु, देवुळ विळ्सतद पोल्‍लो इंजेक वने ताकिह्‌ता.#इपिसुसतोर 2:12 18अडोन माळताह्‌कु देवुळता बर्कत दोर्कता इतेके, अद बर्कत देवुळ विळ्सतद पोल्‍लोतुह्‌क दोर्को आवालि.#रोम सहरतोर 4:14-15 अब्रहमिह्‌कु इतेके, देवुळि ओन पोल्‍लो विळ्सताह्‌के, ताना बर्कत दोर्कता,#इब्रितोर 6:13-14 बेद उंद अडोतुन माळताह्‌कु आयो.

19मोसानाङ अडोन पया देवुळि बाराह्‌कु ईता इतेके, अब्रहम मुय्तोना कूळतोन्क, इतेके किर्स्तुह्‌कु, देवुळि पोल्‍लो विळ्सिस मता, अयो? ओग़ वानाह्‌जोम, माट पापमतोरल आय्ह्‌नल इदिन पुनदलाहिये, देवुळि माक अडोङ वने ईता.#रोम सहरतोर 5:20 इव अडोनु देवुळ तनाङ देवतुल्कना मेटे ईता,#बळयिर 7:53 मोसा मुय्तोग़ अस्के कलियिह केवाल मतोग़.#पेसमुळि 20:19; व्यवस्थाविवरण 5:5 20कलियिह केवाना गर्ज इंजेके ईवुराये नडुम अरयह्‌ता.#1 तिमोति 2:5; इब्रितोर 8:6; 9:15; 12:24 देवुळ बारा वग़ये मन्जि, (बोग़े कलियिह केवाल लेवस्के, तनाय कुसिते अब्रहम मुय्तोह्‌कु पोल्‍लो विळ्सता).

मोसानाङ अडोङ ऊळेवाळे केवानलेह्‌काडाङ

21अह इतेके मोसानाङ अडोङ, देवुळ विळ्सतव पोल्‍लोना विरुद मन्ह्‌ताङा? अद्रम मुर्तिय आयो! माक पिसिह कीया पग़यह्‌ता, इद्रमता बेदाय अडो मतेके, निटमे अडोन नोमिसिये, माट सेतेमतोरल आवेरल.#2:21; इब्रितोर 7:18-19 22मति सास्त्रम वेहतपु, पूरा दुनिया पापमते दोहतद मन्ह्‌ता.#रोम सहरतोर 3:20 पोल्‍लो विळ्सिस मतद बर्कत येसु किर्स्तुनगा विस्वस तासतेकेने, माक विस्वसिरिह्‌क दोर्कना इन्जि,#रोम सहरतोर 3:21-23 इद्रम आता.

23मति विस्वसता कालम वायनामुने, माकु यहुदिराङ अडोङ राका कीतप आंदुङ. इतेके विस्वसता अग़ि पुनाह्‌जोमु, माट दोहतप लेह्‌का मंदल.#रोम सहरतोर 11:32 24इतेके किर्स्तुन नमिसिये माट सेतेमतोरल आयना#रोम सहरतोर 9:30; गलातितोर 2:16 इन्जि, ओग़ वानाह्‌जोम, अडोङ इतेके माक ओर्वोग़ ऊळेवाळे केवानलेह्‌काने आंदुङ#रोम सहरतोर 10:3-4.#3:24 रोमि साव्कर लोकुर तमाङ उड्लोर पिलाङ-पेकोरिह्‌क बुद तेळियनाह्‌जोम, ओरिन ऊळेवाळे कीयलाह, ओसो ओरिन बुद काग़्हतलाह ओर्युलतोरिन तासिंदुर. अद्रमलेह्‌काने सास्त्रमताङ अडोङ वने, येसु किर्स्तु वानाह्‌जोम, ऊळेवाळे केवाना लेह्‌का मताङ. 25पया विस्वसता कालम वातस्के, इंजेके ऊळेवाळे केवाना इळ्न माट इलवल. 26मीट कतमतोरिर इतेके, किर्स्तु येसुन नमताह्‌कु, देवुळताङ मग़्क-मयास्कनिर आय्ह्‌निर.#रोम सहरतोर 8:14; गलातितोर 4:5 27इतेके किर्स्तुना पेदिरते एतगा मुळ्न्दिस तेदतोर, ओर कतमतोर किर्स्तुना संगे जोळेम आसि, ओन केग़तप लेह्‌का आस्तोर.#रोम सहरतोर 6:2-4 28यहुदि जाततोग़ आयेग़, दुस्रा जाततोग़ आयेग़, ओर्युलतोग़ आयेग़, माल्काल आयेग़, आंचाळ आयि, कोय्तोग़ आयेग़, इद्रम उड्लोग़-बेरोग़ बातय इले; मीट सबेटोर विस्वसिरिर इतेके, किर्स्तु येसुना राजेमते उंदिय मह्‌निर, इदिन सीता कीम्ह्‌टु.#योहन 17:11; रोम सहरतोर 3:21-23,29; इपिसुसतोर 2:14-15; पिलेमोन 16 29मीट किर्स्तुना संगे जोळेम आतोरिर इतेके, मीट अब्रहम मुय्तोना कूळतोरिर आंदिर, अहे देवुळ अब्रहमिन पोल्‍लो विळ्सतपु, तानाङ मग़्क-मयास्किह्‌क तासतद बर्कत दोर्कतोरिर.#रोम सहरतोर 4:13; 8:17; गलातितोर 4:28; 6:16

Seçili Olanlar:

गलातितोर 3: माडियाबाय्बल

Vurgu

Paylaş

Kopyala

Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın

माडिया गोंड पवित्र सास्त्रम Hakkında Daha Fazlasını Öğrenin

गलातितोर 3