इपिसुसतोर 1
1
मुनेताङ पोल्लोङ
1नना पोलुनन, देवुळता विचर मतपु, येसु किर्स्तुना बळयिनन आतन.#रोम सहरतोर 1:1; तीतुस 1:1-4 मीट इपिसुस सहरते मनवालोर देवुळता मन्कलोरिह्क इद सीटि रासलाह आतन. मीट किर्स्तु येसुन विस्वस कीसोर दायलाह आतिर. 2मावा देवुळबाबानाहि ओसो किर्स्तु येसुसामिनाहि मीक सुकमि, देय्वा दोर्कि.#रोम सहरतोर 1:6-7
किर्स्तुना मेटे माक दोर्कतद बर्कत
3देवुळतुह्क जोहर आयि! अद तना मग़ि किर्स्तुना मेटे, पोग़ोन देवुळदीपतगा मनदनव सबे देय्वान माक ईता.#2 कुरिंततोर 1:3 4इतेके ताना मुनेह माट पवित्र मनदना, बाताले कसुरलेवा मनदना इनजोर,#5:27; कुलुसितोर 1:22 इद बूमतुन पुटिह कीयनामुनेन, माक किर्स्तुना मेटे आचता.#2:10; 2 तिसलुनितोर 2:13-14; 2 तिमोति 1:9; 1 पत्रु 1:20
5माक जीवा कीसि, येसु किर्स्तुना मेटे तनाङ पिलाङ-पेकोर कीयलाहि,#रोम सहरतोर 8:14-15 माक मुनेन आचता.#रोम सहरतोर 8:29 इद्रम कीयलाहि मुनेन विचर कीस मता, अहे ताना गिर्दा मता. 6ताना जीवा कीतोग़ मग़ि#मत्याल 3:17; मार्कल 1:11; लूकाल 3:19-22; कुलुसितोर 1:13 किर्स्तुना लोकुरल माट आताह्कु, अद मावा पोग़ोन लेकालेवा दया कीता. माट तान मान ईसि जोहर कीयना इनजोर, माक अद्रम दया कीता. 7मावा पोग़ोन पका दया कीता,#रोम सहरतोर 2:4; इपिसुसतोर 2:4,7; 3:8 अदिनेनाह्क तना मग़ि नेतुर पोहच डोलताह्कु,#बळयिर 20:28; रोम सहरतोर 3:25-26 मावा पापमतुन मापि कीसि,#बळयिर 2:38 ओना मेटे माक पापमताहि विळ्सिह कीता.#रोम सहरतोर 3:24 8माक आलिस पिसनाह दया कीता, अदिनेनाह्क सबे रीतिना बुदि ओसो तेल्व ईता.
9देवुळि मुने मकिह कीस तासिस मतद पोल्लोतुन, इंजेके माक पुनाह कीता.#रोम सहरतोर 11:25; 16:25; इपिसुसतोर 3:5-6 इद्रम कीयलाहि ताना गिर्दा मता. मुनेन तना विचर कीस मतपु,#रोम सहरतोर 8:28 किर्स्तुना मेटे इंजेके अद पोल्लोतुन पेसिह कीता. 10अद पोल्लो इद्रम मन्ह्ता: देवुळि तना विचर कीतद कगो एवतस्के,#मार्कल 1:15; गलातितोर 4:4 पोग़ोटा बूमतगा मनदनव, ओसो इळ्ता बूमतगा मनदनव, सबेटविन जमा आनाह कीसि, येसु किर्स्तुना कयदे ईयनदु.#पिलिपितोर 2:10; कुलुसितोर 1:15-16,20
11ओना संगे माक जोळे कीसि, तना मन्कलोर कीयलाहि माक आचता.#व्यवस्थाविवरण 4:20; तीतुस 2:14 तना विचर कीस मतपु, माक मुनेन आचता.#रोम सहरतोर 8:29 अद तना बेद्रम विचर कीता, अद इसबते सबे कीता.#3:11 12इतेके मुनेन किर्स्तुना पोग़ोन आसा तासतोरल माटु, देवुळतुह्क मान ईसि जोहर कीयना इनजोर, अद्रम कीता.
13मीक पिसिह कीयनद बेसता कबुरता सेतेमतुन, मीट केंजिसि किर्स्तुन विस्वस कीतिर.#4:21; कुलुसितोर 1:3-5; याकुब 1:18 विस्वस कीताह्कु, देवुळि पोल्लो विळ्सिस मतपु, तना पवित्र जीवातुन मीवा पोग़ोन वने उदिह कीता.#लूकाल 24:49; बळयिर 1:4-5; गलातितोर 3:13-14 कीसि मीवा पोग़ोन किर्स्तुना मन्कलोर इनजोर, सीना तासतप लेह्का कीता.#4:30 14अद मयेनाह्क तासतव बेसताङ पोल्लोनु, पेग़्के माट दोर्किह कीकल इनजोर,#बळयिर 20:32 तना जीवातुन इंजेकेन इसर ईतप लेह्का माक ईता. देवुळि माक पूरा विळ्सिह कीयनद दिया एवनाह,#1 कुरिंततोर 1:30 अद इसर मन्ह्ता.#2 कुरिंततोर 1:22 माट तान्क मान ईसि जोहर कीयना इनजोर, देवुळि अद्रम कीता.
पोलु विस्वसिरेनाह्क पार्तना कीस्तोग़
15अदिनेनाह्क देवुळि माक इचोन कीसीताह्कु, मीट येसुसामिन विस्वस कीतदिन, ओसो देवुळता सबेटोर लोकुरिन मीट जीवा कीयनदिन, नना केंजताह्कु,#पिलेमोन 4-5 16नना पार्तना कीयह्पा, मियेनाह्क ऊक-ऊके पार्तना कीसोर मह्नन.#रोम सहरतोर 1:9-10; कुलुसितोर 1:9-10 ओसो देवुळतुन जोहर कीसोर मह्नन.#रोम सहरतोर 1:8 17नना इद्रम पार्तना कीय्ह्नन: मावा येसुसामि किर्स्तुना देवुळतुन, डीसातोग़ बाबान मीट पूरा पुनदना इन्जि,#4:13 ओग़ मीक तना बुदि ईयेग़, तनाङ विचर्किन मीक पुन्पिह कीयेग़.#1 कुरिंततोर 14:6 18बेचोक बेसताङ पोल्लोन आसा कीयलाहि तना माक केयता,#4:4; कुलुसितोर 1:25-27; 2:1-3 अचोकिन पुनदलाहि; ओसो मीट नावा पका मोलातोर मन्कलोरिर इन्जि, देवुळ मीक इन्ह्ता.#3:16 इदिन पुनदलाहि, देवुळि मीवा बुदतगा पुन्पिह कीयि.#कुलुसितोर 1:9-10 19-20ओसो हामुरतग्डाहि किर्स्तुन जीवा अर्हचि,#बळयिर 2:24 देवुळदीपतगा तना तिनळ बाजे राजेम ताकिह कीयलाहि उदिह कीयह्पा,#मार्कल 16:19; बळयिर 2:33; इपिसुसतोर 2:6 अद बेरा लाव तोहता. माट विस्वस कीतोरा तोळ आयलाह, तानगा अदे बेरा लाव मन्ह्ता, ताना लाव बेस्केन मारो,#3:7; पिलिपितोर 3:21; 1 पत्रु 4:11 इदिन मीक पुन्पिह कीयि इनजोर, पार्तना कीय्ह्नन.#3:7; 6:10; कुलुसितोर 1:29
21अदिकर ताकिह कीयनव देवतुल्कु, देयह्कु, इव सबेटविह्काय किर्स्तुय बेरोग़ आंदोग़.#3:10; 6:11-13 इंजेके वने, वायनद कालमते वने, अदिकरताङ पेदिर्क बेचोक मन्ह्ताङ, अव सबेटविह्काय ओनाय पेदिर बेरा आंदु.#मत्याल 28:18; इपिसुसतोर 4:10; कुलुसितोर 1:16; 2:10 22सबेटविन ओग़ ताकिह कीयेग़ इनजोर, देवुळि ओना कयदे ईता.#देवुळताङ पाटाङ 8:6; 1 कुरिंततोर 15:27 ओने सबेटविन ताकिह केवाल कीसि, विस्वसिरा मुडुन ताकिह कीयलाह वने, ओने निल्पिह कीता.#4:15; 5:23; कुलुसितोर 1:18; 2:19 23किर्स्तु विस्वसिरा मुडा तलाता लेह्काडोग़ु,#1 कुरिंततोर 11:3 विस्वसिर बार ओना मेंदुलता लेह्काडोरु.#1 कुरिंततोर 12:27 विस्वसिरा मुलु ओसो किर्स्तु, उंदिय मेंदुल आतोर. ओसो सबे पोल्लोन पूरा कीसेवाल किर्स्तुये.#3:18-19; 4:10; कुलुसितोर 3:11
Seçili Olanlar:
इपिसुसतोर 1: माडियाबाय्बल
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2021, Wycliffe Bible Translators, Inc. All rights reserved.