2 कुरिंततोर 5
5
1केंजाट! मावा मेंदुलि इद बूमतगा माट मनदनद गुळ्सेलेह्काडा मन्ह्ता. गुळ्सेतुन मुटिह कीयना लेह्कान, मावा मेंदुल वने बूळेम आयग़ा.#अय्यूब 4:19; 1 कुरिंततोर 15:47; 2 कुरिंततोर 4:7 मति अद्रम आतेक वने, माक मनदलाहि कयदे पंडवद, अमेसा मनदनद, पूना लोन देवुळि ईयग़ा इन्जि माट पुतल.#मार्कल 14:58; बळयिर 7:48; इब्रितोर 9:11,24 अद दिसवद लोन देवुळता जागातगा मन्ह्ता.#5:1देवुळ ईयनद लोन इतेके, माट डोलतापया, देवुळि माक ईयनद पूना मेंदुलि. 2माट इद मेंदुलते मनदह्पा, पूना गेंदे उहपिह कीयना लेह्कान, देवुळि पोग़ोटा तना जागाता पूना मेंदुलतुन, माक बेस्के उहपिह कीयग़ा इनजोर ऊल्गिह्नल#रोम सहरतोर 8:23; 1 कुरिंततोर 15:51-52 .#5:2किर्स्तु ओसोवने वातस्के, इद बूमते जीवात मनदनद मेंदुलि चट्ने बद्लेम आसि, पोग़ोटा मेंदुलतुन केग़नाह आयग़ा इनजोर, पोलुह्क विचर वायलाह आता. 3देवुळि माक तान उहपिह कीतस्के, मेंदुललेवा वेट जीवाये आस मनवल. 4इद मेंदुलते मनदह्पा, माट मोताते मन्जि ऊल्गिह्नल. इतेके डोलतस्के इद मेंदुलतुन विळ्सिस दाकल इनजोर ऊल्गवल. मति इद मेंदुलता बद्ला, पोग़ोटा पूना मेंदुल दोर्कि इनजोर, ऊल्गलाह आतल.#रोम सहरतोर 8:23; 1 कुरिंततोर 15:51-54 अस्के हामुरतुन पिसमुळ गेल्सता इतप लेह्का आस्ता. 5इद पोल्लोतेनाह्क माक तयर कीतद देवुळिये. अदे इसबते, इसर ईतप लेह्कान, तना जीवातुन माक मुनेन ईता.#रोम सहरतोर 8:23; 2 कुरिंततोर 1:22
6अदिनेनाह्क माट दीरा पोयसोर मह्नोम. ओसो इद बूमता मेंदुलते मनाह्कु, माट सामि मनदनगा मनदा पग़वल इनजोर पुह्नल.#इब्रितोर 11:13-14 7(बह इतेके ऊळनव पोल्लोना इसबते माट पिसवल, मति विस्वस कीयनव ऊळवव पोल्लोनाये इसबते पिसिह्नल.)#रोम सहरतोर 8:24; 2 कुरिंततोर 4:18 8अदिनेनाह्क दीरा पोस मह्नोमे, मति इद मेंदुलतुन विळ्सिसि, पोग़ोन किर्स्तुनगा मनदनदिन पका विचर कीय्ह्नोम, इद मेंदुलते मनदनदिन आयो!#योहन 12:26; पिलिपितोर 1:23 9अदिनेनाह्क माट इद मेंदुलते मतेकाय, मनवेकाय, सामिह्क विचर वानाह पिसना#रोम सहरतोर 14:18; कुलुसितोर 1:9-10; 1 तिसलुनितोर 4:1 इनजोर ऊळिह्नोम.#5:9इद वचनता अर्तम इद्रम वने आया पग़यह्ता: सामि ओसोवने वातस्के, माट जीवात मतेकाय, डोलिस मतेकाय, ओन्क विचर वानाह पिसना इनजोर ऊळिह्नोम. 10बाराह्क इतेके, किर्स्तु नेयम कीयनद जागाता मुनेह, माट सबेटोरल नितना मन्ह्ता.#इब्रितोर 9:27 इद बूमतगा मनदह्पा, माट कीतव कबस्क बेसताङ आयिङ, लाग्वव आयिङ, अविस्कना इसबते, माक ओर्विह्क-ओर्विह्क ओग़ बर्कत ईयनोग़, इलवेके सिक्सा ईयनोग़.#मत्याल 16:27; रोम सहरतोर 2:16; इपिसुसतोर 6:8
किर्स्तु डोलताह्कु, देवुळता संगे गूनमि
11अदिनेनाह्क सामिह्क रेयिस पिसनदिन पुतोम. पुताह्कु, मावा पोल्लोतुन विस्वस कीम्ह्टु इनजोर, मन्कलोरिन तेळियिह कीय्ह्नोम.#इब्रितोर 10:31; 12:29; यहुदाल 23 मावाङ विचर्क देवुळतुह्क पोळ्क्ने दिसिह्ताङ! मीवा जीवातुह्क वने, मावाङ विचर्क पोळ्क्ने दिसिस मनदनुङ इन्जि, नना आसा कीतन.#4:2 12माट बेसतोरोम इनजोर, ओसो उंद मल्का तोहतलाह, इद पोल्लो इनोम.#3:1 मति उच्वुर मन्ह्तोर, ओर उगस मन्कलोरिह्क दिसनव पोल्लोना इसबतेने वळ्ह्किह्तोर. मति तमा जीवालोप्पाडा पोल्लोतुन सीता केवोर. अद्रमतोर मन्कलोरा मुनेह, मावा लोप्पा मीट पोग़यलाह, मीक अग़ ईयलाह आतोम.#1:13-14; पिलिपितोर 1:26 13उच्वुर मन्कलोर माक ऊळिस पिसाङ आतोर इनजोर इतेके,#मार्कल 3:21; 2 कुरिंततोर 11:1,16-21; 12:6-7,11 देवुळतेनाह्क अद्रमलेह्काने मनि. उच्वुर माक बेस बुदतोर इनजोर इतेके, मीवा पाय्दातेनाह्क अद्रमलेह्काने मनि. 14माट बह मतेकाय, किर्स्तु माक जीवा कीतोग़, अदे पोल्लो माक पूरा ताकिह कीस्ता. अदिह्क इद्रम विचर कीतोम: ओग़ वग़ोग़ सबेटोर मन्कलोरा जागाते डोलिस मतोग़. अदिह्क ओना हामुरते माट सबेटोरल कलियतल, ओना संगे हातप आतल.#रोम सहरतोर 5:15; 6:6-8; गलातितोर 2:20; कुलुसितोर 3:2-3 15बेद्रम इतेके, पूना पिसमुळ दोर्किह कीतोर मन्कलोर, इंजेटाहि तमेनाह्क पिसमाकिर. मति किर्स्तु डोलिसि ओसोवने जीवा अरतोग़, ओनेनाह्क पिसिर इनजोर,#2 कुरिंततोर 12:10 ओग़ सबेटोरेनाह्क डोलिस मतोग़.#रोम सहरतोर 14:7-9
16अदिनेनाह्क इंजेटाहि मुनेह, बोने माट मन्कना विचर मतपु, ऊळनद आयो.#योहन 8:15; 2 कुरिंततोर 11:18; पिलिपितोर 3:4 इद्रम मुने माट किर्स्तुन वने, मन्कना विचर मतपु ऊळिस मतोम. मति इंजेके ओन माट अद्रम ऊळोम. 17बह इतेके, इंजेके बोर बोर किर्स्तुना संगे जोळेम आतोर, ओर पूना मन्कलोर आतोर. ओरगा मतव पाळ्नाङ पोल्लोङ मायताङ. इंजेके ओरा पूरा पिसमुळ पूना आता.#यशायाह 65:17; योहन 3:3; रोम सहरतोर 6:2-4; इब्रितोर 8:13; तोहचीतव पोल्लोङ 21:4-5 18इव सबे पोल्लोङ देवुळताहि वाताङ. किर्स्तुना हामुरता मेटे, अद माक तना संगे कलियिह कीता.#रोम सहरतोर 5:10; इपिसुसतोर 2:16 ओसो मन्कलोरिन तना संगे कलियिह कीयनद सेवातुन, माक ईता.#1 कुरिंततोर 3:5 19अद इद्रमि: देवुळि पूरा बूमतोर मन्कलोरा पापमता इसब तासवा,#देवुळताङ पाटाङ 32:1-2; रोम सहरतोर 4:8; 1 कुरिंततोर 13:5 ओरिन किर्स्तुना हामुरता मेटे, तना संगे कलियिह कीता.#रोम सहरतोर 11:15 कलियिह कीयनद कबुरतुन मन्कलोरगा ओयलाह, माक निल्पिह कीता.
20अदिनेनाह्क माट किर्स्तुनेनाह्क वळ्ह्कवालोर मन्कलोरोम आतोम.#इपिसुसतोर 6:19-20 देवुळि माक मियगा लोहचि, अर्ज कीयना लेह्का आता.#6:1 अदिनेनाह्क माट किर्स्तुनेनाह मीक अर्जि कीय्ह्नोम, देवुळता संगे गूनम आम्ह्टु.#रोम सहरतोर 5:10 21किर्स्तु पापमलेवा मतोग़.#बळयिर 3:14; इब्रितोर 4:14-15; 7:26; 1 पत्रु 2:22; 1 योहन 3:5 मतेक तेला माट ओना संगे जोळेम आसि, देवुळता मुनेह सेतेमतोर आयना इनजोर, देवुळि मावा पापमतुन ओना पोग़ोन वाटिसि, मावा बद्लाते ओन्क सिक्सा ईता.#रोम सहरतोर 3:21-23,25-26; 4:24-25; 8:3; 1 कुरिंततोर 1:30; गलातितोर 3:13-14
Seçili Olanlar:
2 कुरिंततोर 5: माडियाबाय्बल
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2021, Wycliffe Bible Translators, Inc. All rights reserved.