1 तिमोति 2
2
मोळ्कनदिना लोप्पा अडोङ
1इह केंजा, नीक नना वेहतह्नन. सबेटोरेनाह्क पार्तना कीयना, सबेटोर पापमताहि पिसना इन्जि देवुळतुन ताल्ह्कना,#इपिसुसतोर 6:18 देवुळ माक बेस ऊळता इन्जि जोहर कीयना, इदे मोदुल पोल्लो आंदु.#पिलिपितोर 4:6 इदिन निमा काग़्हतना गावले. 2राजालोर ओसो अदिकरते मनवालोर सबेटोर, बेसता बुदते राजेमतुन काळ्ङना इन्जि, ओरेनाह्क वने पार्तना कीयना गावले.#एज्रा 6:10; रोम सहरतोर 13:1 अस्के माट रेयलेवा देवुळ वेहतव अडोने तिरिय पग़यकल, दुस्रोरिह्क विचर वानाह ताक पग़यकल, अह आसि मावा मनमुळ सुकमते दायग़ा. 3-4कतमतोरे देवुळता सेतेम पोल्लोतुन पुन्जि,#2 तिमोति 2:25; तीतुस 1:1-4; इब्रितोर 10:26 पापमताहि पिसलाह तनेके मिळ्न्दना इन्जि, देवुळता विचर मन्ह्ता.#यहेजकेल 18:23,32; योहन 3:17; 1 तिमोति 4:10; तीतुस 2:11; 2 पत्रु 3:9 अदिह्कु इद्रमलेह्का पार्तना कीयनदु, माक पिसिह कीयनद देवुळतुह्कु बेस विचर वास्ता.
5उंदिय देवुळ मन्ह्ता,#रोम सहरतोर 3:30; 1 कुरिंततोर 8:4 ओसो मन्कलोरिन देवुळतगा कलियिह केवाल, वग़ोग़े मन्कल मन्ह्तोग़, इतेके येसु किर्स्तु.#मत्याल 1:1; रोम सहरतोर 1:3-4; 5:15; 1 कुरिंततोर 8:6; गलातितोर 3:20; 1 योहन 2:1 6माट पापमते दोहतप मतल, मति वेग़ तना जीवाता कर्सा ईसि, माक विळ्सिह कीतोग़.#मत्याल 20:28; मार्कल 10:45; गलातितोर 1:4; तीतुस 2:14 (अदिनेनाह्क कतमतोर पापमताहि पिसना इन्जि, देवुळता विचर मन्ह्ता.) इद पोल्लो सबेटोर लोकुरिन पुन्पिह कीयनद कगो इंजेक एवता.#मार्कल 1:15; गलातितोर 4:4; 1 तिमोति 6:15; तीतुस 1:1-4 7अदिनेनाह्क इद सेतेम पोल्लोतुनु, यहुदि आयवोर वने नमना इन्जि, निमा ओरेके अन्जि वेहवाल-काग़्हवाल, नावा बळयिनिन आयकिन, इह इनजोरे देवुळ नाक लोहता;#बळयिर 9:15; 1 कुरिंततोर 9:1; 1 तिमोति 1:11 नना जोल वळ्ह्कोन, सेतेमे वेहतह्नन.#रोम सहरतोर 9:1-3
8पया बेगा बेगा मावोर विस्वसिर मोळ्कलाह कलियिह्तोर, मोळ्कनस्के कोय्तोर ओङ आयवा, वह्चळ आयवा, सेतेमता जीवाते, कय्किन तेहचि,#देवुळताङ पाटाङ 24:4; 63:4; लूकाल 24:50; याकुब 4:8 देवुळतुन पार्तना कीयना इन्जि, नावा विचर मन्ह्ता.
9अद्रमलेह्का आस्क बारा नना मलियकन इन्जि, गेंदेङ उहतनद आयो, सिंड्रिङ-पोह्ळेस्कना लेह्का उहतनद आयो. केल्किन एंडिसि सोनोङ-कूरोङ, मोतिङ केग़यना ओसो मिळ्स्कनव गेंदेङ उहतना, इद्रमता सोबाता पोमाडेङ केमाकिङ.#1 पत्रु 3:3-4 10अद्रम मलियवा, माट देवुळतुन नमिस ताकनविस्कनोम इन्जि, अवु नेह्नाङ कबस्क कीयनदु. इद्रमतेने अविस्किह्क सोबा आयग़ा. 11मीट मोळ्कलाह जमा आय्ह्निर अस्के, बोग़ाय देवुळता पोल्लो काग़्हतनस्के, आस्कु पूरा वग़्ङिसि, केमेन मन्जि कग़यिङ.#1 पत्रु 3:2 12मीटु कोय्तोरिन काग़्हमाटु, ओरा पोग़ोन अदिकर ताकिह केमाटु. कोय्तोर देवुळता पोल्लो काग़्हतनस्के, मीट केमेन उदिसि केंजाटु इन्जि, नना आस्किन वेहतह्नन.#1 कुरिंततोर 14:34; तीतुस 2:5 13नना इद बाराह्कु वेहतह्नन इतेके, आदमिन देवुळ मुने पंडटा, अवान बारा पया पंडटा.#2:13 पुटमुळि 2:18-23 ऊळाट.#पुटमुळि 2:7,22; 1 कुरिंततोर 11:7-9 14ओसो आदम कोनि नाळेम आयोग़, आंचाळ बारा नाळेम आसि कसुरतद आता#पुटमुळि 3:6,13; 2 कुरिंततोर 11:3.#2:14 आदम इतेके, पुन्जि-वेन्जि कसुर कीस मतोग़. 15मति आस्कु कुदताङ विचर्किन आव्रे कीसि, येसुसामिन नमसोरे, दुस्रोरिन गूनम तोहचोरे,#1:14 देवुळतुन रेयिस ताकसोर मतुङ इतेके, अविस्किह्क देवुळता पिसमुळ दोर्कग़ा. तमाङ पिलाङ-पेकोरिन बेस आयह्पा, (मुनेता आंचाह्क ईतद नोपता सरप दल्गतेक तेला,)#2:15 पुटमुळि 3:16 ऊळाट. अवु तमा विस्वसतेनाह्क पिसनुङ.
Seçili Olanlar:
1 तिमोति 2: माडियाबाय्बल
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2021, Wycliffe Bible Translators, Inc. All rights reserved.