ᓇᒼᐸᕒᐢ 32
32
1ᕒᐅᐱᐣ ᒫᑲ ᐅᐟ ᐊᐋᐧᓯᒥᓴ ᒥᓇ ᑳᐟ ᐅᐟ ᐊᐋᐧᓯᒥᓴ ᓈᐢᐱᐨ ᑭ ᐅᓵᒣᔭᑎᔨᐊᐧ ᐅ ᐱᓯᐢᑭᒥᐋᐧᐊᐧ; ᐃᐢᐱ ᒫᑲ ᐃᐧᔮᐸᐦᑕᑭᐠ ᒉᓴᕒ ᐊᐢᑭ, ᒥᓇ ᑭᓬᐃᔭᐟ ᐊᐢᑭ, ᐳᑎ ᒥᑐᓂ ᐁ ᒥᔮᐧᓯᐠ ᐱᓯᐢᑭᐊᐧᐠ ᐃᑕ ᑭᑕ ᐊᔮᒋᐠ; 2ᐁᑯᓯ ᐅᐟ ᐊᐋᐧᓯᒥᓴ ᑳᐟ ᒥᓇ ᐅᐟ ᐊᐋᐧᓯᒥᓴ ᕒᐅᐱᐣ ᑭ ᐯ ᓇᑕᐃᐧ ᐊᔭᒥᐦᐁᐊᐧᐠ ᒧᓯᓴ ᒥᓇ ᐁᓬᐃᐁᓴᕒᐊ ᐊᔭᒥᐦᐁᐃᐧᔨᓂᐊᐧ, ᒥᓇ ᐅᑭᒫᒥᐋᐧᐊᐧ ᑳ ᒫᒪᐁᐧᔭᑎᒋᐠ, ᐁ ᐃᑌᐧᒋᐠ; 3ᐋᑕᕒᐋᐦᐟ, ᒥᓇ ᑕᐃᐸᐣ, ᒥᓇ ᒉᓴᕒ ᒥᓇ ᓂᒪᕒᐊ, ᒥᓇ ᐦᐁᐢᐸᐣ, ᒥᓇ ᐁᓬᐃᓬᐊ, ᒥᓇ ᓯᐹᒼ, ᒥᓇ ᓂᐹ, ᒥᓇ ᐱᐊᐣ, 4ᐊᓂᒪ ᐅᑎ ᐊᐢᑭ ᑳ ᑎᐯᔨᐦᒋᑫᐟ ᑳ ᑭ ᓵᑯᒋᐦᑖᐟ ᐅ ᓂᑳᓂᒥᔨᕽ ᑳ ᒫᒪᐁᐧᔭᑎᔨᐟ ᐃᐢᕒᐁᐃᓬ, ᒥᔮᐧᓯᐣ ᑭᑕ ᐊᔮᒋᐠ ᐱᓯᐢᑭᐊᐧᐠ ᐁᑯᓯ ᑭᐟ ᐊᑐᐢᑫᔮᑲᓇᐠ ᐅ ᐱᓯᐢᑭᒥᐊᐧᐠ. 5ᑭ ᐃᑌᐧᐊᐧᐠ ᒫᑲ, ᑭᐢᐱᐣ ᑭ ᒥᔪᑲᓇᐋᐧᐸᒥᓈᐣ, ᑭᔮᒼ ᐅᒪ ᐊᐢᑭ ᑭᑕ ᒥᔮᐊᐧᐠ ᑭᐟ ᐊᑐᐢᑫᔮᑲᓇᐠ ᑭᑕ ᑎᐯᔨᐦᑕᒫᕽ, ᐁᑳᐃᐧᔭ ᒫᑲ ᐊᑳᒥᕽ ᒑᕒᑕᓂᕽ ᐃᑐᐦᑕᐦᐃᓈᐣ.
6ᒧᓯᐢ ᒫᑲ ᑭ ᐃᑌᐤ ᐊᓂᐦᐃ ᑳᐟ ᐅᐟ ᐊᐋᐧᓯᒥᓴ ᒥᓇ ᕒᐅᐱᐣ ᐅᐟ ᐊᐋᐧᓯᒥᓴ, ᑭᑕ ᓇᑕᐃᐧ ᓄᑎᓂᑫᐊᐧᐠ ᒋ ᑭᒋᐋᐧᒥᐋᐧᐊᐧᐠ ᐁᑯᓯ ᑭᔭᐋᐧᐤ ᐅᑕ ᑭᑕ ᑭᔮᒪᐱᔦᐠ? 7ᑫᑲᐧᐩ ᒫᑲ ᐅᐦᒋ ᑳ ᐃᐧ ᐳᒣᐦᐋᔦᑯᐠ ᐅᑌᐦᐃᐋᐧᕽ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁᑳ ᑭᑕ ᐋᓱᐊᐧᐊᑭᐠ ᑭᑕ ᐱᐦᑐᑫᒋᐠ ᐊᓂᒪ ᐊᐢᑭ ᑳ ᑎᐯᔨᐦᒋᑫᐟ ᑳ ᑭ ᒥᔨᑯᒋᐠ? 8#ᓇᒼᐸᕒᐢ 13:17-33ᐁᑯᓯ ᑳ ᑭ ᑐᑕᐦᑭᐠ ᑯᑖᐃᐧᐋᐧᐊᐧᐠ, ᐃᐢᐱ ᑳ ᓯᐯᐧᑎᓴᐦᐊᐧᑭᐠ ᑫᑎᐢ ᐹᕒᓂᔭ ᐅᐦᒋ ᑭᑕ ᐋᐧᐸᐦᑕᐦᑭᐠ ᐊᐢᑭ. 9ᒋᑫᒫ ᐃᐢᐱ ᑳ ᑭ ᐃᑐᐦᑌᒋᐠ ᐁᐢᑲᓬ ᐋᐧᔮᒪᑎᓈᕽ, ᒥᓇ ᑳ ᐋᐧᐸᐦᑕᐦᑭᐠ ᐊᐢᑭ, ᑭ ᐳᒣᒣᐊᐧᐠ ᐅᑌᐦᐃᔨᕽ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁᑳ ᑭᑕ ᐃᑐᐦᑌᔨᐟ ᐁᑯᑕ ᐊᐢᑭᕽ ᑳ ᑎᐯᔨᐦᒋᑫᔨᐟ ᑳ ᑭ ᒥᔨᑯᒋᐠ. 10#ᓇᒼᐸᕒᐢ 14:26-35ᐁᑯᓯ ᑳ ᑎᐯᔨᐦᒋᑫᔨᐟ, ᑭ ᑭᓯᐋᐧᐁᐊᐧᐠ ᐁᑯᐢᐱ, ᑭ ᑭᐦᒋᐃᑌᐧᐤ ᒫᑲ, ᐁ ᐃᑌᐧᐟ, 11ᑫᐦᒋᓈ ᓇᒪᐋᐧᐨ ᐯᔭᐠ ᐊᓂᑭ ᐊᔨᓯᔨᓂᐊᐧᐠ ᐃᒋᑊᑎᕽ ᑳ ᑭ ᐯ ᐅᐦᑐᑌᒋᐠ, ᐁ ᓂᓯᑕᓇᐁᐧᐱᐳᓀᐧᒋᐠ ᐅᐦᒋ ᒥᓇ ᐊᔨᐋᐧᐠ, ᑭᑕ ᐋᐧᐸᐦᑕᒪᐧᐠ ᐊᓂᒪ ᐊᐢᑭ ᑳ ᑭ ᑭᐦᒋᐃᑕᑭᐠ ᐁᑊᕒᐁᐋᒼ, ᐋᐃᓴᐠ, ᒥᓇ ᒉᑲᑊ; ᒋᑫᒫ ᓇᒪᐃᐧᔭ ᒥᑐᓂ ᓂᐱᒥᑎᓴᐅᑲᐧᐠ. 12ᐱᑯ ᑫᓬᐃᑊ ᐅᑯᓯᓴ ᒉᐸᓂ ᐊᓇ ᑫᓀᓴᐃᐟ, ᒥᓇ ᒑᐢᔪᐊ ᐅᑯᓯᓴ ᓇᐣ; ᒋᑫᒫ ᒥᑐᓂ ᑭ ᐱᒥᑎᓴᐁᐧᐊᐧᐠ ᑳ ᑎᐯᔨᐦᒋᑫᔨᐟ. 13ᑳ ᑎᐯᔨᐦᒋᑫᐟ ᒫᑲ ᑭ ᑭᓯᐋᐧᐃᐠ ᐃᐢᕒᐁᐃᓬᐊ, ᐁᑯᓯ ᑳᑭᐧᑯᐢᐠ ᑭ ᐸᐹᒧᑕᐁᐤ ᐱᑲᐧᑕᐢᑭᕽ ᓀᒥᑕᓇᐤ ᑕᐦᑐ ᐊᐢᑭ, ᐱᔨᐢ ᑲᐦᑭᔭᐤ ᐊᓂᑭ ᒣᑳᐧᐨ ᑳ ᐱᒫᑎᓯᒋᐠ, ᑳ ᑭ ᒫᔨᑐᑕᑭᐠ ᐁ ᐃᓯ ᐋᐧᐸᐦᑕᕽ ᑳ ᑎᐯᔨᐦᒋᑫᐟ, ᐁ ᑭ ᓂᓯᐊᐧᓈᑎᓯᒋᐠ. 14ᐁᑯᓯ ᒫᑎᑲ ᑭ ᒥᐢᑯᒋᑲᐸᐃᐧᐢᑕᒪᐋᐧᐋᐧᐊᐧᐠ ᑯᑖᐃᐧᐋᐧᐊᐧᐠ, ᐁ ᔭᑭᐊᔮᔦᐠ ᒪᒑᔨᐃᐧ ᐊᔨᓯᔨᓂᐊᐧᐠ, ᑭᑕ ᔭᑭᑕᒪᐋᐧᔦᑯᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅ ᑭᐦᒋᑭᓯᐋᐧᓯᐃᐧᐣ ᑳ ᑎᐯᔨᐦᒋᑫᐟ. 15ᒋᑫᒫ ᑭᐢᐱᐣ ᑭᐟ ᐊᑎᒥᑳᐸᐃᐧᐢᑕᐋᐧᐋᐧᐤ ᑫᔮᐱᐨ ᑭᑕ ᓇᑲᑌᐤ ᐱᑲᐧᑕᐢᑭᕽ; ᐁᑯᓯ ᑭ ᑲ ᓂᓯᐊᐧᓈᒋᐦᐋᐋᐧᐊᐧᐠ ᑲᐦᑭᔭᐤ ᐅᑭ ᐊᔨᓯᔨᓂᐊᐧᐠ.
16ᐁᑯᓯ ᑭᓯᐋᐧᐠ ᑭ ᐯ ᓈᑎᐠ, ᒥᓇ ᑭ ᐃᑎᐠ, ᓂ ᑲ ᐅᓯᐦᑕᒪᐋᐧᓈᓇᐠ ᒫᔭᑎᐦᑯᑲᒥᑲᐧ ᐅᑕ ᓂ ᐱᓯᐢᑭᒥᓈᓇᐠ, ᒥᓇ ᐅᑌᓇᐊᐧ ᐃᑕ ᑭᑕ ᐊᔮᒋᐠ ᓂᐟ ᐊᐋᐧᓯᒥᓯᓈᓇᐠ. 17ᒫᑲ ᐃᐧᔭ ᓂᔭᓈᐣ ᓂ ᑲ ᐊᐧᐁᐧᔨᓈᐣ ᐁ ᑭᑭᔮᕽ ᐊᓱᐃᐧᓇ, ᑭᑕ ᓂᑳᓂᐢᑕᒪᐋᐧᔮᐦᑭᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐱᔨᐢ ᐃᔨᑯᕽ ᑭᑕ ᐃᑐᑕᐋᔮᑭᐠ ᐃᑕ ᑫ ᐊᔮᒋᐠ; ᐁᑯᓯ ᓂᐟ ᐊᐋᐧᓯᒥᓯᓈᓇᐠ ᑭᑕ ᐊᔮᐊᐧᐠ ᐁ ᒣᓂᑭᑲᑌᑭ ᐅᑌᓇᐊᐧ ᐊᔨᓯᔨᓂᐊᐧᐠ ᐅᐦᒋ ᐅᑕ ᑳ ᐅᐟ ᐊᐢᑭᒋᐠ. 18ᓇᒪᐃᐧᔭ ᓂᑭᓈᕽ ᓂ ᑲ ᐃᓯ ᑭᐋᐧᓈᐣ, ᐸᑎᒫ ᐃᔨᑯᕽ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᑎᐯᔨᐦᑕᑳᐧᐃᐧ ᑲᐦᑭᔭᐤ ᐊᔨᓯᔨᓂᐤ ᐅ ᑎᐯᔨᒋᑲᐣ. 19ᒋᑫᒫ ᓇᒪᐃᐧᔭ ᓂ ᑲ ᐃᐧᒋᑎᐯᔨᐦᑕᒧᒫᓈᓇᐠ ᐊᑳᒥᕽ ᐃᑌᐦᑫ ᒑᕒᑕᓂᕽ, ᐊᐦᐳ ᐊᐊᐧᓯᑌ; ᒋᑫᒫ ᓂ ᑎᐯᔨᒋᑲᓂᓈᐣ ᓂᐟ ᐃᐢᐸᔨᐃᑯᓈᐣ ᐅᑌ ᐃᑌᐦᑫ ᒑᕒᑕᓂᕽ ᐋᐧᐸᓄᑖᕽ.
20ᒧᓯᐢ ᒫᑲ ᑭ ᐃᑌᐤ, ᑭᐢᐱᐣ ᐅᒪ ᐃᐧ ᐃᑐᑕᒣᑯ; ᑭᐢᐱᐣ ᐊᐧᐁᐧᔨᔦᑯ ᑭᑕ ᐃᑐᐦᑌᔦᐠ ᓇᑐᐸᔨᐃᐧᓂᕽ ᐅᐦᑎᐢᑲᐤ ᑳ ᑎᐯᔨᐦᒋᑫᐟ, 21ᒥᓇ ᑲᐦᑭᔭᐤ ᑕᐦᑐ ᑳ ᐊᐧᐁᐧᔨᔦᐠ ᐋᓱᐊᐧᐦᐊᒣᑯ ᒑᕒᑕᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ, ᐱᔨᐢ ᐃᐢᑯ ᑭᑕ ᐊᐧᔭᐃᐧᑎᓴᐊᐧᐟ ᐅ ᓄᑎᓈᑲᓇ ᐅ ᓂᑳᓂᒥᕽ, 22ᒥᓇ ᐊᐢᑭ ᓵᑯᑖᑭ ᐅᐦᑎᐢᑲᐤ ᑳ ᑎᐯᔨᐦᒋᑫᐟ; ᐁᑲᐧ ᒣᐧᐢᑕᐢ ᐃᔨᑯᕽ ᑭ ᑲ ᑭᐋᐧᓈᐋᐧᐤ, ᐁᑯᓯ ᓇᒪᐃᐧᔭ ᑭ ᑲ ᐊᑖᒣᔨᑖᑯᓯᓈᐋᐧᐤ ᑳ ᑎᐯᔨᐦᒋᑫᐟ ᐃᓯ ᒥᓇ ᐃᐢᕒᐁᐃᓬ ᐃᓯ; ᐅᒪ ᒫᑲ ᐊᐢᑭ ᑭ ᑲ ᑎᐯᔨᑌᓈᐋᐧᐤ ᐅᐦᑎᐢᑲᐤ ᑳ ᑎᐯᔨᐦᒋᑫᐟ. 23ᒫᑲ ᑭᐢᐱᐣ ᐁᑳ ᐁᑯᓯ ᐃᐧ ᑐᑕᒣᑯ, ᒫᑎᑲ, ᑭ ᑭ ᐊᐧᓂᑐᑕᐋᐧᐋᐧᐤ ᑳ ᑎᐯᔨᐦᒋᑫᐟ, ᒥᓇ ᑫᐦᒋᓈ ᑭ ᐊᐧᓂᑐᑕᒧᐃᐧᓂᐋᐧᐤ ᑭ ᑲ ᒥᐢᑳᑯᓈᐋᐧᐤ. 24ᐅᓯᐦᑕᒫᑯᐠ ᐅᑌᓇᐊᐧ ᑭᐟ ᐊᐋᐧᓯᒥᓯᐋᐧᐊᐧᐠ, ᒥᓇ ᒫᔭᑎᐦᑯᑲᒥᑲᐧ ᑭ ᒫᔭᑎᐦᑯᒥᐋᐧᐊᐧᐠ; ᐃᑐᑕᒧᐠ ᒫᑲ ᐊᓂᒪ ᑭᑐᓂᐋᐧᕽ ᑳ ᑭ ᐅᐦᒋᐸᔨᐠ. 25ᐁᑯᓯ ᐅᐟ ᐊᐋᐧᓯᒥᓴ ᑳᐟ ᒥᓇ ᐅᐟ ᐊᐋᐧᓯᒥᓴ ᕒᐅᐱᐣ ᑭ ᐊᔭᒥᐦᐁᐊᐧᐠ ᒧᓯᓴ ᐁ ᐃᑌᐧᒋᐠ, ᑭᐟ ᐊᑐᐢᑫᔮᑲᓇᐠ ᑭᑕ ᐃᑐᑕᒪᐧᐠ ᓄᑭᒫᒥᓈᐣ ᑳ ᑭ ᐃᑕᓱᐁᐧᐟ. 26ᓂᐟ ᐊᐋᐧᓯᒥᓯᓈᓇᐠ, ᓂᐃᐧᐃᐧᓈᓇᐠ, ᓂ ᒫᔭᑎᐦᑯᒥᓈᓇᐠ, ᒥᓇ ᑲᐦᑭᔭᐤ ᓂ ᐱᓯᐢᑭᒥᓈᓇᐠ ᐁᑯᑕ ᑭᑕ ᐊᔮᐊᐧᐠ ᑭᓬᐃᔭᐟ ᐅᑌᓈᕽ. 27ᒫᑲ ᑭᐟ ᐊᑐᐢᑫᔮᑲᓇᐠ ᑭᑕ ᐋᓱᐊᐧᐊᒪᐧᐠ, ᑲᐦᑭᔭᐤ ᐊᐃᐧᔭᐠ ᑳ ᐊᐁᐧᔨᐟ ᑭᑕ ᓇᑐᐸᔨᐟ, ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭᑕ ᓄᑎᓂᑫᐟ, ᓂᐟ ᐅᑭᒫᒼ ᑳ ᑭ ᐃᑌᐧᐟ.
28 #
ᒑᐢᔪᐊ 1:12-15
ᐁᐊᐧᑯᓂ ᒫᑲ ᐅᐦᒋ ᒧᓯᐢ ᑭ ᐊᔮᑳᐧᒥᒣᐤ ᐁᓬᐃᐁᓴᕒ ᐊᔭᒥᐦᐁᐃᐧᔨᓂᐊᐧ, ᒥᓇ ᒑᐢᔪᐊ ᐅᑯᓯᓴ ᓇᐣ, ᒥᓇ ᑳ ᓂᑳᓀᔨᑖᑯᓯᔨᐟ ᐅᑖᐃᐧᐋᐧᐊᐧ ᐃᐧᑭᔨᕽ ᐁ ᐃᑕᐦᑐᑌᐃᐧᓯᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 29ᒧᓯᐢ ᒫᑲ ᑭ ᐃᑌᐤ, ᑭᐢᐱᐣ ᐅᐟ ᐊᐋᐧᓯᒥᓴ ᑳᐟ ᒥᓇ ᐅᐟ ᐊᐋᐧᓯᒥᓴ ᕒᐅᐱᐣ ᐃᐧᒉᐃᐧᑯᔦᑳᐧᐃᐧ ᐊᑳᒥᕽ ᒑᕒᑕᓂᕽ, ᑲᐦᑭᔭᐤ ᐊᔨᓯᔨᓂᐤ ᐁ ᐊᐧᐁᐧᔨᐟ ᑭᑕ ᓄᑎᓂᑫᐟ, ᐅᐦᑎᐢᑲᐤ ᑳ ᑎᐯᔨᐦᒋᑫᐟ, ᐊᓂᒪ ᒫᑲ ᐊᐢᑭ ᓵᑯᑕᒪᑲᐃᐧᔦᑯ; ᑭ ᑲ ᒥᔮᐊᐧᐠ ᐊᓂᒪ ᑭᓬᐃᔭᐟ ᐊᐢᑭ ᑭᑕ ᑎᐯᔨᐦᑕᑭᐠ. 30ᒫᑲ ᑭᐢᐱᐣ ᐁᑳ ᐃᐧᒉᐃᐧᑯᔦᑳᐧᐃᐧ ᐋᓱᐊᐧᐦᐊᒣᑯ ᐁ ᓂᒫᐢᑫᐧᒋᐠ, ᐃᐧᐢᑕᐋᐧᐤ ᑭᑕ ᐅ ᑎᐯᔨᒋᑲᓂᐊᐧᐠ ᐊᓯᒋ ᑭᔭᐋᐧᐤ ᑫᓇᐣ ᐊᐢᑭᕽ. 31ᐁᑯᓯ ᐅᐟ ᐊᐋᐧᓯᒥᓴ ᑳᐟ, ᒥᓇ ᐅᐟ ᐊᐋᐧᓯᒥᓴ ᕒᐅᐱᐣ, ᑭ ᓇᐢᑫᐧᐊᐧᓯᒣᐊᐧᐠ ᐁ ᐃᑌᐧᒋᐠ, ᑳ ᑎᐯᔨᐦᒋᑫᐟ ᑳ ᑭ ᐃᑖᐟ ᑭᐟ ᐊᑐᐢᑫᔮᑲᓇ ᐁᑯᓯ ᑫ ᑐᑕᒫᕽ. 32ᓂ ᑲ ᐋᓱᐊᐁᓈᐣ ᐁ ᓂᒫᐢᑫᐧᔮᕽ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑫᓇᐣ ᐊᐢᑭᕽ, ᐁᑯᓯ ᓂ ᑲ ᐊᔮᓈᐣ ᓂ ᑎᐯᔨᒋᑲᓂᓈᐣ ᑫᐧᐢᑲᑳᒼ ᒑᕒᑕᓂᕽ. 33ᒧᓯᐢ ᒫᑲ ᑭ ᒥᔦᐤ, ᐊᓂᐦᐃ ᐅᑎ ᐅᐟ ᐊᐋᐧᓯᒥᓴ ᑳᐟ ᒥᓇ ᐅᐟ ᐊᐋᐧᓯᒥᓴ ᕒᐅᐱᐣ, ᒥᓇ ᐋᐱᑕᐤ ᑳ ᐱᐢᑭᑐᑌᐃᐧᓯᐟ ᒪᓈᓯ ᐅᑯᓯᓴ ᒍᓯᑊ ᐊᐢᑭ ᑳ ᑭ ᑭᐦᒋ ᐅᑭᒫᑲᑕᕽ ᓯᐦᐋᐣ ᐋᒪᕒᐊᐃᑕᐠ ᐅ ᑭᐦᒋ ᐅᑭᒫᒥᐋᐧᐊᐧ ᒥᓇ ᐊᐢᑭ ᑳ ᑭ ᑭᐦᒋ ᐅᑭᒫᑲᑕᕽ ᐋᐠ ᑭᐦᒋ ᐅᑭᒫᐤ ᐯᓵᓂᕽ, ᐊᓂᒪ ᐊᐢᑭ, ᐁ ᐃᑕᐢᑌᑭ ᐅᑌᓇᐊᐧ ᐁᑯᑕ ᐊᓯᒋ ᐋᐧᓴᑳᒼ ᐊᐢᑭ, ᐊᓂᐦᐃ ᐅᑎ ᐅᑌᓇᐊᐧ ᐊᐢᑭᕽ ᒥᓯᐁᐧ ᐋᐧᐢᑳ.
34ᐁᑯᓯ ᐅᐟ ᐊᐋᐧᓯᒥᓴ ᑳᐟ ᑭ ᐅᓯᐦᑖᐊᐧᐠ ᑕᐃᐸᐣ ᒥᓇ ᐋᑕᕒᐋᐦᐟ, ᒥᓇ ᐋᕒᐅᐊᕒ, 35ᒥᓇ ᐋᑕᕒᐋᐦᐟ ᓵᐦᐹᐣ, ᒥᓇ ᒉᓴᕒ, ᒥᓇ ᒑᐠ ᐱᐦᐋ; 36ᒥᓇ ᐯᐦᐟ ᓂᒪᕒᐊ, ᒥᓇ ᐯᐦᐟ ᐦᐁᕒᐊᐣ; ᐁ ᒣᓂᐢᑭᑲᑌᑭ ᐅᑌᓇᐊᐧ, ᒥᓇ ᒫᔭᑎᐦᑯᑲᒥᑲᐧ. 37ᐁᑯᓯ ᐅᐟ ᐊᐋᐧᓯᒥᓴ ᕒᐅᐱᐣ ᑭ ᐅᓯᐦᑖᐊᐧᐠ ᐦᐁᐢᐸᐣ, ᒥᓇ ᐁᓬᐃᓬᐊ, ᒥᓇ ᑭᕒᐃᔭᑌᐃᒼ; 38ᒥᓇ ᓂᐹ, ᒥᓇ ᐯᐊᓬᒥᐊᐣ, (ᐱᑐᐢ ᐁ ᑭ ᐃᓯᔨᐦᑳᑌᑭ), ᒥᓇ ᓯᑊᒪ, ᐁᑯᓯ ᐱᑐᐢ ᑭ ᐊᐃᓯᔨᐦᑳᑕᒪᐧᐠ ᐅᑌᓇᐊᐧ ᑳ ᑭ ᐅᓯᐦᑖᒋᐠ. 39ᐁᑯᓯ ᐅᐟ ᐊᐋᐧᓯᒥᓴ ᒫᑲᕒ ᐅᑯᓯᓴ ᒪᓈᓯ ᑭ ᐃᑐᐦᑌᐊᐧᐠ ᑭᓬᐃᔭᐟ, ᒥᓇ ᑭ ᐅᑎᓇᒪᐧᐠ ᐁᑯᓯ ᑭ ᒪᐢᑲᒣᐊᐧᐠ ᐋᒪᕒᐊᐃᑕ ᐁᑯᑕ ᑳ ᑭ ᐅᐟ ᐊᐢᑭᔨᐟ. 40ᒧᓯᐢ ᒫᑲ ᑭ ᒥᔦᐤ ᑭᓬᐃᔭᐟ ᑭᑕ ᐊᔮᔨᐟ ᐊᓂᐦᐃ ᒫᑲᕒ ᐅᑯᓯᓴ ᒪᓈᓯ ᐁᑯᑕ ᒫᑲ ᑭ ᐅᐟ ᐃᐦᑖᐃᐧᓂᐤ. 41ᒉᐊᕒ ᒫᑲ ᐅᑯᓯᓴ ᒪᓈᓯ ᑭ ᓇᑕᐃᐧ ᐅᑎᓇᒼ ᐅᑌᓇᐊᐧ ᐁᑯᑕ, ᐁᑯᓯ ᑭ ᐃᓯᔨᐦᑳᑕᒼ ᐦᐋᐹᐦᐟ ᒉᐊᕒ. 42ᓄᐸ ᒫᑲ ᑭ ᓇᑕᐃᐧ ᐅᑎᓇᒼ ᑭᓈᐦᐟ, ᒥᓇ ᑭᐢᑕᐱᓈᓇ ᐁᑯᑕ ᐁ ᐊᔮᑭ, ᐁᑯᓯ ᓄᐸ ᑭ ᐃᓯᔨᐦᑳᑕᒼ ᐃᐧᔭ ᐁ ᐃᓯᔨᐦᑳᓱᐟ.
Seçili Olanlar:
ᓇᒼᐸᕒᐢ 32: KKMs
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
This Bible text is a corrected edition of the 1908 Western Cree Bible; it is in the public domain.