ᓇᒼᐸᕒᐢ 29
29
1ᑌᐸᑯᑊ ᒫᑲ ᐱᓯᒼ ᐁ ᒫᑕᑭᒥᐦᐟ ᐱᓯᒼ, ᑭ ᑲ ᐊᔮᓈᐋᐧᐤ ᑲᓈᒋ ᒫᐊᐧᒋᐦᐃᑐᐃᐧᐣ; ᓇᒪ ᑫᑲᐧᐩ ᐱᑯᓇᑕ ᐊᑐᐢᑫᐃᐧᐣ ᑭ ᑲ ᐃᑐᑌᓈᐋᐧᐤ; ᐁᐊᐧᑯ ᐊᓂᒪ ᑭᓯᑳᐤ ᑭᑕ ᐳᑖᑕᒣᐠ ᐱᐱᑲᐧᓇ. 2ᑭ ᑲ ᐸᑭᑎᓇᒪᐋᐋᐧᐤ ᒫᑲ ᑳ ᑎᐯᔨᐦᒋᑫᐟ ᒪᒍᐢᑌᐦᐊᒫᑫᐃᐧᐣ ᑭᑕ ᐃᐧᐦᑭᒫᓴᒪᐋᐧᔦᐠ; ᐯᔭᐠ ᐅᐢᑭ ᔮᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᑌᐸᑯᑊ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ ᐁᑳ ᐁ ᒫᐢᑭᓯᒋᐠ. 3ᐁᑯᓯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᐁ ᑭᑭᓂᑳᑌᐠ, ᐁ ᒥᔪᓯᐟ ᐸᑫᓯᑲᐣ ᐱᒥ ᐁ ᐊᓯᑎᓂᑳᑌᐠ, ᑫᑳᐟ ᒥᑖᑕᐦᐟ ᑭᐦᒋᒥᓂᑳᐧᑲᐣ ᐯᔭᐠ ᔮᐯᒧᐢᑐᐢ, ᓂᑯᑖᐧᓯᐠ ᑭᐦᒋᒥᓂᑳᐧᑲᐣ ᐊᓇ ᔮᐯᒫᔭᑎᕽ, 4ᐁᑯᓯ ᓂᐢᑐ ᑭᐦᒋᒥᓂᑳᐧᑲᐣ ᐯᔭᐠ ᒫᔭᑎᐦᑯᓯᐢ ᐊᓂᑭ ᑌᐸᑯᑊ ᒫᔭᑎᐦᑯᓯᓴᐠ. 5ᒥᓇ ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᐯᔭᑯᐃᑐᐃᐧᐣ ᑭᑕ ᐅᓯᐦᑕᒫᑲᐃᐧᔦᐠ. 6ᑕᐦᑯᐨ ᒫᑲ ᐃᐧᔭ ᐊᓂᒪ ᒪᒍᐢᑌᐦᐊᒫᑫᐃᐧᐣ ᐁ ᐅᐢᑲᑯᒋᕽ ᐱᓯᒼ, ᒥᓇ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᐸᔨᐠ, ᒥᓇ ᐊᓂᒪ ᑕᐦᑭᓀ ᒪᒍᐢᑌᐦᐊᒫᑫᐃᐧᐣ ᐊᓯᒋ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᐸᔨᐠ, ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ ᑳ ᑭᑭᐸᔨᑭ, ᐁ ᐃᑕᑭᒋᑳᑌᑭ, ᐁᐊᐧᑯ ᐃᐧᐦᑭᒫᓯᑲᐣ, ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ ᐁ ᐸᑭᑎᓇᒫᐦᐟ ᑳ ᑎᐯᔨᐦᒋᑫᐟ.
7 #
ᓬᐃᐱᑎᑲᐢ 16:29-34
ᐁᑯᓯ ᒥᑖᑕᐦᐟ ᐁ ᐃᑕᑭᒥᐦᐟ ᐁᐊᐧᑯ ᐊᐊᐧ ᑌᐸᑯᑊ ᐱᓯᒼ ᑭ ᑲ ᐊᔮᓈᐋᐧᐤ ᑲᓈᒋ ᒫᐊᐧᒋᐦᐃᑐᐃᐧᐣ ᑭ ᑲ ᑯᑕᑭᐦᐋᐋᐧᐊᐧᐠ ᒫᑲ ᑭᐟ ᐊᐦᒑᐦᑯᐋᐧᐊᐧᐠ; ᓇᒪ ᑫᑲᐧᐩ ᐊᑐᐢᑫᐃᐧᐣ ᑭ ᑲ ᐃᑐᑌᓈᐋᐧᐤ ᐁᑯᐢᐱ. 8ᒫᑲ ᑭ ᑲ ᐸᑭᑎᓇᒪᐊᐧᐋᐧᐤ ᒪᒍᐢᑌᐦᐊᒫᑫᐃᐧᐣ ᑳ ᑎᐯᔨᐦᒋᑫᐟ ᑭᑕ ᐃᐧᐦᑭᒫᓴᒫᐦᐟ; ᐯᔭᐠ ᐅᐢᑭ ᔮᐯᒧᐢᑐᓴᐧ, ᐯᔭᐠ ᔮᐯᒫᔭᑎᑲᐧ, ᑌᐸᑯᑊ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᑭ ᑲ ᓈᑲᑌᔨᑌᓈᐋᐧᐤ ᐁᑳ ᑭᑕ ᒫᐢᑭᓯᒋᐠ. 9ᐁᑯᓯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᐸᔨᐠ, ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᑭᑭᓂᑳᑌᐠ, ᑫᑳᐟ ᒥᑖᑕᐦᐟ ᑭᐦᒋᒥᓂᑳᐧᑲᐣ ᒧᐢᑐᐢ ᑭᑭ, ᒥᓇ ᓂᑯᑖᐧᓯᐠ ᑭᐦᒋᒥᓂᑳᐧᑲᐣ ᑭᑭ ᔮᐯᒫᔭᑎᕽ, 10ᓈᓂᐢᑐ ᑭᐦᒋ ᒥᓂᑳᐧᑲᐣ ᐯᔭᐠ ᒫᔭᑎᐦᑯᓯᐢ ᐊᓂᑭ ᑌᐸᑯᑊ ᒫᔭᑎᐦᑯᓯᓴᐠ. 11ᐯᔮᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; ᐋᑕᐃᐧᔭ ᒥᓇ ᐊᓂᒪ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ ᐯᔭᑯᐦᐃᑐᐃᐧᐣ, ᒥᓇ ᐊᓂᒪ ᑕᐦᑭᓀ ᒪᒍᐢᑌᐋᒫᑫᐃᐧᐣ, ᒥᓇ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ, ᐊᓯᒋ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ.
12 #
ᓬᐃᐱᑎᑲᐢ 23:34; ᑎᔪᑕᕒᐊᓇᒥ 16:13-15 ᒥᑖᑕᐦᐟ ᓂᔮᓇᓄᓵᑊ ᒫᑲ ᐃᑕᑭᒥᐦᒋ ᐊᓇ ᑌᐸᑯᑊ ᐱᓯᒼ ᑭ ᑲ ᐊᔮᓈᐋᐧᐤ ᑲᓈᒋ ᒫᐊᐧᒋᐦᐃᑐᐃᐧᐣ; ᓇᒪ ᑫᑲᐧᐩ ᐱᑯᓇᑕ ᐊᑐᐢᑫᐃᐧᐣ ᑭ ᑲ ᐃᑐᑌᓈᐋᐧᐤ, ᒥᓇ ᑭ ᑲ ᐃᐧᑯᑫᐢᑕᐊᐧᐋᐧᐤ ᑳ ᑎᐯᔨᐦᒋᑫᐟ ᑌᐸᑯᑊ ᑭᓯᑳᐤ. 13ᐁᑯᓯ ᑭ ᑲ ᐸᑭᑎᓀᓈᐋᐧᐤ ᒪᒍᐢᑌᐦᐊᒫᑫᐃᐧᐣ, ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ ᐁ ᐃᐧᐦᑭᒫᓴᒫᐦᐟ ᑳ ᑎᐯᔨᐦᒋᑫᐟ; ᒥᑖᑕᐦᐟ ᓂᐢᑐᓵᑊ ᐅᐢᑭ ᔮᐯᒧᐢᑐᓴᐧᐠ, ᓂᓱ ᔮᐯᒫᔭᑎᑲᐧᐠ, ᒥᑖᑕᐦᐟ ᐯᔭᑯᓵᑊ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᑳ ᐁ ᒫᐢᑭᓯᒋᐠ. 14ᐁᑯᓯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ, ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᑭᑭᓂᑳᑌᐠ, ᑫᑳᐟ ᒥᑖᑕᐦᐟ ᑭᐦᒋᒥᓂᑳᐧᑲᐣ ᑭᑭ ᐯᔭᐠ ᒧᐢᑐᐢ ᐊᓂᑭ ᒥᑖᑕᐦᐟ ᓂᐢᑐᓵᑊ ᒧᐢᑐᓴᐧᐠ, ᓈᓂᑯᑖᐧᓯᐠ ᑭᐦᒋᒥᓂᑳᐧᑲᐣ ᐯᔭᐠ ᔮᐯᒫᔭᑎᕽ ᐁ ᐃᓯ ᓂᓯᒋᐠ ᔮᐯᒫᔭᑎᑲᐧᐠ, 15ᐁᑯᓯ ᓈᓂᐢᑐ ᑭᐦᒋᒥᓂᑳᐧᑲᐣ ᐯᔭᐠ ᒫᔭᑎᐦᑯᓯᐢ ᐊᓂᑭ ᒥᑖᑕᐦᐟ ᓀᐅᓵᑊ ᒫᔭᑎᐦᑯᓯᓴᐠ. 16ᐁᑯᓯ ᐯᔭᐠ ᔮᐯᐋᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; ᐋᑕᐃᐧᔭ ᒥᓇ ᐊᓂᒪ ᑕᐦᑭᓀ ᒪᒍᐢᑌᐦᐊᒫᑫᐃᐧᐣ, ᒥᓇ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᐸᔨᐠ, ᐊᓯᒋ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ.
17ᐁᑯᓯ ᑭᐦᑖᐧᒼ ᐁ ᑭᓯᑳᐠ ᑭ ᑲ ᐸᑭᑎᓂᑳᓈᐋᐧᐤ ᒥᑖᑕᐦᐟ ᓂᓱᓵᑊ ᐅᐢᑭ ᔮᐯᒧᐢᑐᓴᐧᐠ, ᓂᓱ ᔮᐯᒫᔭᑎᑲᐧᐠ, ᒥᑖᑕᐦᐟ ᓀᐅᓵᑊ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᑳ ᐁ ᒫᐢᑭᓯᒋᐠ. 18ᐁᑯᓯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ ᑭᑭ ᐊᓂᑭ ᒧᐢᑐᓴᐧᐠ ᑭᑭ ᐊᓂᑭ ᔮᐯᒫᔭᑎᑲᐧᐠ, ᑭᑭ ᐊᓂᑭ ᒫᔭᑎᐦᑯᓯᓴᐠ, ᐁ ᐋᐃᐦᑕᓯᒋᐠ, ᑳ ᐃᓯ ᐅᔭᑭᒋᑳᑌᐠ. 19ᐁᑯᓯ ᐯᔭᐠ ᔮᐯᐋᐧᐸᑎᕽ, ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; ᑕᐦᑯᐨ ᒫᑲ ᐃᐧᔭ ᐊᓂᒪ ᑕᐦᑭᓀ ᒪᒍᐢᑌᐦᐊᒫᑫᐃᐧᐣ, ᒥᓇ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ, ᐊᓯᒋ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ.
20ᐊᑎ ᓂᐢᑐ ᑭᓯᑳᑭ ᒫᑲ ᒥᑖᑕᐦᐟ ᐯᔭᑯᓵᑊ ᔮᐯᒧᐢᑐᓴᐧᐠ, ᓂᓱ ᔮᐯᒫᔭᑎᑲᐧᐠ, ᒥᑖᑕᐦᐟ ᓀᐅᓵᑊ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᑳ ᐁ ᒫᐢᑭᓯᒋᐠ. 21ᐁᑯᓯ ᐸᐦᑫᐧᓯᑲᓂ ᐸᑭᑎᓈᓱᐃᐧᓇ ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ ᑳ ᑭᑭᓂᑳᑌᑭ ᑭᑭ ᐊᓂᑭ ᒧᐢᑐᓴᐧᐠ, ᑭᑭ ᐊᓂᑭ ᔮᐯᒫᔭᑎᑲᐧᐠ, ᒥᓇ ᐊᓂᑭ ᒫᔭᑎᐦᑯᓯᓴᐠ ᐁ ᐋᐃᐦᑕᓯᒋᐠ, ᑳ ᐃᓯ ᐅᔭᑭᒋᑳᑌᐠ. 22ᐁᑯᓯ ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; ᑕᐦᑯᐨ ᐃᐧᔭ ᐊᓂᒪ ᑕᐦᑭᓀ ᒪᒍᐢᑌᐦᐊᒫᑫᐃᐧᐣ, ᒥᓇ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ, ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᐣ.
23ᐁᑯᓯ ᐁ ᐊᑎ ᓀᐅᑭᓯᑳᐠ ᒥᑖᑕᐦᐟ ᔮᐯᒧᐢᑐᓴᐧᐠ, ᓂᓱ ᔮᐯᒫᔭᑎᑲᐧᐠ, ᒥᑖᑕᐦᐟ ᓀᐅᓵᑊ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ ᐁᑳ ᐁ ᒫᐢᑭᓯᒋᐠ. 24ᐸᑫᐧᓯᑲᓂ ᐸᑭᑎᓈᓱᐃᐧᓇ ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ ᑳ ᑭᑭᓂᑳᑌᑭ ᑭᑭ ᐊᓂᑭ ᒧᐢᑐᓴᐧᐠ, ᑭᑭ ᐊᓂᑭ ᔮᐯᒫᔭᑎᑲᐧᐠ, ᒥᓇ ᑭᑭ ᐊᓂᑭ ᒫᔭᑎᐦᑯᓯᓴᐠ ᐁ ᐋᐃᐦᑕᓯᒋᐠ, ᑳ ᐃᓯ ᐅᔭᑭᒋᑲᑌᐠ. 25ᐁᑯᓯ ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; ᑕᐦᑯᐨ ᒫᑲ ᐃᐧᔭ ᐊᓂᒪ ᑕᐦᑭᓀ ᒪᒍᐢᑌᐦᐊᒫᑫᐃᐧᐣ, ᐊᓯᒋ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ, ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᐣ.
26ᐁ ᐊᑎ ᓂᔮᓇᓄᑭᓯᑳᐠ ᒫᑲ ᑫᑳᐟ ᒥᑖᑕᐦᐟ ᔮᐯᒧᐢᑐᓴᐧᐠ, ᓂᓱ ᔮᐯᒫᔭᑎᑲᐧᐠ, ᒥᑖᑕᐦᐟ ᓀᐅᓵᑊ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ ᐁᑳ ᐁ ᒫᐢᑭᓯᒋᐠ. 27ᐁᑯᓯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ ᑭᑭ ᐊᓂᑭ ᒧᐢᑐᓴᐧᐠ, ᑭᑭ ᐊᓂᑭ ᔮᐯᒫᔭᑎᑲᐧᐠ, ᒥᓇ ᑭᑭ ᐊᓂᑭ ᒫᔭᑎᐦᑯᓯᓴᐠ, ᐁ ᐋᐃᐦᑕᓯᒋᐠ, ᑳ ᐃᓯ ᐅᔭᑭᒋᑲᑌᐠ. 28ᐁᑯᓯ ᐯᔭᐠ ᔮᐯᐋᐧᐸᑎᕽ, ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; ᐋᑕᐃᐧᔭ ᒥᓇ ᑕᐦᑯᐨ ᐊᓂᒪ ᑕᐦᑭᓀ ᒪᒍᐢᑌᐊᒪᑫᐃᐧᐣ, ᒥᓇ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ.
29ᐁᑯᓯ ᐁ ᓂᑯᑖᐧᓱᑭᓯᑳᐠ ᐊᔨᓈᓀᐤ ᔮᐯᒧᐢᑐᓴᐧᐠ, ᓂᓱ ᔮᐯᒫᔭᑎᑲᐧᐠ, ᒥᑖᑕᐦᐟ ᓀᐅᓵᑊ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒉᒋᐠ ᐁᑳ ᐁ ᒫᐢᑭᓯᒋᐠ. 30ᐁᑯᓯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ ᑭᑭ ᐊᓂᑭ ᒧᐢᑐᓴᐧᐠ, ᒥᓇ ᐊᓂᑭ ᔮᐯᒫᔭᑎᑲᐧᐠ, ᒥᓇ ᒫᔭᑎᐦᑯᓯᓴᐠ, ᐁ ᐋᐃᐦᑕᓯᒋᐠ, ᑳ ᐃᓯ ᐅᔭᑭᒋᑳᑌᐠ. 31ᐁᑯᓯ ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; ᐋᑕᐃᐧᔭ ᒥᓇ ᑕᐦᑯᐨ ᐊᓂᒪ ᑕᐦᑭᓀ ᒪᒍᐢᑌᐦᐊᒫᑫᐃᐧᐣ, ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ, ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ.
32ᑌᐸᑯᑊ ᒫᑲ ᐁ ᐊᑎ ᐃᑕᐦᑐᑭᓯᑳᐠ ᑌᐸᑯᑊ ᔮᐯᒧᐢᑐᓴᐧᐠ, ᓂᓱ ᔮᐯᒫᔭᑎᑲᐧᐠ, ᒥᑖᑕᐦᐠ ᓀᐅᓵᑊ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ ᐁᑳ ᐁ ᒫᐢᑭᓯᒋᐠ. 33ᐁᑯᓯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ, ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ ᑭᑭ ᐊᓂᑭ ᔮᐯᒧᐢᑐᓴᐧᐠ, ᒥᓇ ᑭᑭ ᐊᓂᑭ ᔮᐯᒫᔭᑎᑲᐧᐠ, ᒥᓇ ᑭᑭ ᐊᓂᑭ ᒫᔭᑎᐦᑯᓯᓴᐠ ᐁ ᐋᐃᐦᑕᓯᒋᐠ, ᑳ ᐃᓯ ᐅᔭᑭᒋᑳᑌᐠ. 34ᒥᓇ ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓴᐃᐧᐣ; ᐊᑕᐃᐧᔭ ᒥᓇ ᑕᐦᑯᐨ ᐊᓂᒪ ᑕᐦᑭᓀ ᒪᒍᐢᑌᐦᐊᒫᑫᐃᐧᐣ, ᐊᓂᒪ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᐣ.
35ᐊᑎ ᐊᔨᓈᓀᐅ ᑭᓯᑳᑭ ᑭ ᑲ ᐊᔮᓈᐋᐧᐤ ᑲᓈᒋ ᒫᐊᐧᒋᐦᐃᑐᐃᐧᐣ; ᓇᒪᐃᐧᔭ ᐱᑯᓇᑕ ᐊᑐᐢᑫᐃᐧᐣ ᑭ ᑲ ᐃᑐᑌᓈᐋᐧᐤ. 36ᒫᑲ ᑭ ᑲ ᐸᑭᑎᓀᓈᐋᐧᐤ ᒪᒍᐢᑌᐦᐊᒫᑫᐃᐧᐣ, ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ, ᐁ ᐃᐧᐦᑭᒫᓴᒫᐦᐠ ᑳ ᑎᐯᔨᐦᒋᑫᐟ; ᐯᔭᐠ ᔮᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᑌᐸᑯᑊ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ. 37ᐁᑯᓯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ ᑭᑭ ᐊᓂᑭ ᒧᐢᑐᓴᐧᐠ, ᑭᑭ ᐊᓇ ᔮᐯᒫᔭᑎᕽ, ᒥᓇ ᑭᑭ ᐊᓂᑭ ᒫᔭᑎᐦᑯᓯᓴᐠ, ᐊᓂᒪ ᑳ ᐋᐃᐦᑕᓯᒋᐠ, ᑳ ᐃᓯ ᐅᔭᑭᒋᑳᑌᐠ. 38ᒥᓇ ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; ᐋᑕᐃᐧᔭ ᒥᓇ ᑕᐦᑯᐨ ᐊᓂᒪ ᑕᐦᑭᓀ ᒪᒍᐢᑌᐦᐊᒫᑫᐃᐧᐣ, ᒥᓇ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᓂᑳᑌᐠ ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᐣ.
39ᐅᐦᐃ ᑭ ᑲ ᐸᑭᑎᓇᒪᐋᐧᐋᐧᐤ ᑳ ᑎᐯᔨᐦᒋᑫᐟ ᐃᑕ ᑳ ᐅᔭᑭᒋᑳᑌᑭ ᑭ ᐃᐧᐦᑯᐦᑐᐃᐧᓂᐋᐧᐊᐧ, ᑕᐦᑯᐨ ᐃᐧᔭ ᒥᓇ ᑭ ᑭᐦᒋᐃᑌᐧᐃᐧᓂᐋᐧᐊᐧ, ᒥᓇ ᑭ ᑌᐯᔨᒧᐃᐧ ᐸᑭᑎᓈᓱᐃᐧᓂᐋᐧᐊᐧ, ᑭ ᒪᒍᐢᑌᐦᐊᒫᑫᐃᐧᓂᐋᐧᐊᐧ ᐅᐦᒋ, ᒥᓇ ᑭ ᐸᐦᑫᐧᓯᑲᓂ ᐸᑭᑎᓈᓱᐃᐧᓂᐋᐧᐊᐧ ᐅᐦᒋ, ᒥᓇ ᑭ ᒥᓂᐦᑫᐧᐃᐧ ᐸᑭᑎᓈᓱᐃᐧᓂᐋᐧᐊᐧ ᐅᐦᒋ, ᒥᓇ ᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓂᐋᐧᐊᐧ ᐅᐦᒋ. 40ᒧᓯᐢ ᒫᑲ ᑭ ᐃᐧᐦᑕᒪᐁᐧᐤ ᐊᓂᐦᐃ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁ ᐃᑕᐢᑌᐠ ᑲᐦᑭᔭᐤ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ.
Seçili Olanlar:
ᓇᒼᐸᕒᐢ 29: KKMs
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
This Bible text is a corrected edition of the 1908 Western Cree Bible; it is in the public domain.