ᓇᒼᐸᕒᐢ 25
25
1ᐃᐢᕒᐁᐃᓬ ᒫᑲ ᑭ ᐊᔮᐊᐧᐠ ᐊᓂᑕ ᓯᑎᒼ, ᐁᑯᓯ ᐊᓂᑭ ᐊᔨᓯᔨᓂᐊᐧᐠ ᑭ ᐃᐧᒋᐱᓯᑳᐧᑎᓯᒣᐊᐧᐠ ᒧᐋᑊ ᐅᑖᓂᓯᔨᐊᐧ. 2ᒋᑫᒫ ᑭ ᓇᑐᒥᑲᐧᐠ ᐊᔨᓯᔨᓂᐊᐧᐠ ᐁ ᐸᑭᑎᓈᓱᐢᑕᐋᐧᔨᐟ ᐅ ᒪᓂᑐᑳᓂᔨᐊᐧ; ᐁᑯᓯ ᐊᔨᓯᔨᓂᐊᐧᐠ ᑭ ᒥᒋᓱᐊᐧᐠ ᒥᓇ ᐁ ᑭ ᓇᐊᐧᑭᐢᑕᐋᐧᒋᐠ ᐅ ᒪᓂᑐᑳᓂᔨᐊᐧ. 3ᐃᐢᕒᐁᐃᓬ ᒫᑲ ᑭ ᐃᐧᒉᐁᐧᐊᐧᐠ ᐊᓂᐦᐃ ᐯᐊᓬ ᐱᐋᕒ; ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓯᐢᑕᐁᐧᐤ ᐃᐢᕒᐁᐃᓬᐊ. 4ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐅᑎᓂᐠ ᑲᐦᑭᔭᐤ ᑳ ᓂᑳᓇᑭᒥᐦᒋᐠ ᐊᔨᓯᔨᓂᐊᐧᐠ, ᐊᑯᑕᒫᐤ ᒫᑲ ᑳ ᑎᐯᔨᐦᒋᑫᐟ ᐋᐢᑕᒫᐢᑌᕽ, ᐅ ᑭᐦᒋ ᑭᓯᐋᐧᓯᐃᐧᐣ ᑳ ᑎᐯᔨᐦᒋᑫᐟ ᑭᑕ ᐳᓂᐃᑯᒋᐠ ᐃᐢᕒᐁᐃᓬ. 5ᒧᓯᐢ ᒫᑲ ᑭ ᐃᑌᐤ ᐊᓂᐦᐃ ᑳ ᐅᔭᓱᐋᐧᑖᔨᐟ ᐃᐢᕒᐁᐃᓬ, ᓂᐸᐦᐃᑯᐠ ᑳ ᐃᑕᓯᔦᐠ ᐅᐟ ᐊᔨᓯᔨᓂᒪ ᐊᓂᑭ ᑳ ᑭ ᐃᐧᒉᐋᐧᒋᐠ ᐯᐊᓬ ᐱᐋᕒ.
6ᐁᑯᓯ ᐳᑎ, ᐯᔭᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐯ ᐃᑐᐦᑌᐤ ᐁ ᐯᓯᐋᐧᐟ ᒣᑳᐧᐨ ᐃᑕ ᐁ ᐊᔭᔨᐟ ᐃᐧᒋᐊᔨᓯᔨᓂᐊᐧ ᒥᑎᔭᓇᐃᐟ ᐃᐢᑫᐧᐊᐧ ᐁ ᐋᐧᐸᒥᑯᐟ ᒧᓯᓴ, ᒥᓇ ᐁ ᐊᐧᐸᒥᑯᐟ ᑲᐦᑭᔭᐤ ᐁ ᒫᒪᐁᐧᔭᑎᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒣᑳᐧᐨ ᐁ ᒫᑐᔨᐟ ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ. 7ᐃᐢᐱ ᒫᑲ ᐱᓂᔮᐢ ᐅᑯᓯᓴ ᐁᓬᐃᐁᓴᕒ ᐅᑯᓯᓴ ᐁᕒᐊᐣ ᐊᔭᒥᐦᐁᐃᐧᓂᔨᓂᐤ, ᐃᐧᔮᐸᐦᑕᕽ, ᑭ ᐸᓯᑯ ᒫᒪᐃᐧᔭᑎᓈᓂᕽ ᐅᐦᒋ, ᐁᑯᓯ ᑭ ᐅᑎᓀᐤ ᒥᐦᒋᑭᐊᐧ; 8ᑭ ᐱᒥᑎᓴᐁᐧᐤ ᒫᑲ ᐊᓂᐦᐃ ᐃᐢᕒᐁᐃᓬ ᐊᔨᓯᔨᓂᐊᐧ ᒥᑭᐋᐧᐱᕽ ᐃᓯ, ᐁᑯᓯ ᑖᐱᐢᑯᐨ ᐁ ᑭ ᑕᐦᑲᒫᐟ ᐊᓂᐦᐃ ᐃᐢᕒᐁᐃᓬ ᐊᔨᓯᔨᓂᐊᐧ ᒥᓇ ᐊᓂᐦᐃ ᐃᐢᑫᐧᐊᐧ ᐊᐧᑖᔨᕽ. ᐁᑯᓯ ᒫᑲ ᐋᔨᒫᐢᐱᓀᐃᐧᐣ ᑭ ᐳᓂᐃᑲᐧᐠ ᐊᓂᑭ ᐃᐢᕒᐁᐃᓬ. 9ᐊᓂᑭ ᒫᑲ ᑳ ᑭ ᓂᐸᐦᐃᑯᒋᐠ ᐊᓂᒪ ᐋᔨᒫᐢᐱᓀᐃᐧᐣ ᓂᓯᑕᓇᐤ ᓀᐤ ᐊᔨᐋᐧᐠ ᑕᐦᑐ ᑭᐦᒋᒥᑖᐦᑐᒥᑕᓇᐤ ᑭ ᐃᑕᓯᐊᐧᐠ.
10ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑖᐟ, 11ᐱᓂᐋᐢ ᐅᑯᓯᓴ ᐁᓬᐃᐁᓴᕒ ᐅᑯᓯᓴ ᐁᕒᐊᐣ ᐊᔭᒥᐦᐁᐃᐧᔨᓂᐤ ᑭ ᐃᑲᑌᓇᒪᐁᐧᐤ ᓂᓯᐊᐧᓈᑎᓯᐃᐧᐣ ᐃᐢᕒᐁᐃᓬ ᐅᐟ ᐊᐋᐧᓯᒥᓯᔨᐊᐧ, ᐊᓂᒪ ᐁ ᑭ ᐅᐦᑌᔨᑕᕽ ᓄᐦᑌᔨᑕᒧᐃᐧᐣ ᐅᐦᒋ ᒣᑳᐧᐨ ᐃᑕ ᐁ ᐊᔮᔨᐟ, ᐁᑯᓯ ᒫᑲ ᓇᒪᐃᐧᔭ ᓄᐦᒋ ᓂᓯᐊᐧᓈᒋᐦᐋᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᓄᐦᑌᔨᑕᒧᐃᐧᓂᕽ. 12ᐁᐊᐧᑯ ᒫᑲ ᐅᐦᒋ ᐃᑌᐧ, ᒫᑎᑲ, ᓂ ᒥᔮᐤ ᓂᐟ ᐊᓱᑕᒫᑫᐃᐧᐣ ᐯᔭᐦᑕᑫᔨᒧᐃᐧᓂᕽ. 13ᐃᐧᔭ ᒫᑲ ᑭᑕ ᐊᔮᐤ ᒥᓇ ᐅᐟ ᐊᐋᐧᓯᒥᓴ ᑫ ᐋᓂᐢᑫᐢᑲᒫᑯᐟ, ᐁᐊᐧᑯ ᐊᓱᑕᒫᑫᐃᐧᐣ ᑳᑭᑫ ᐊᔭᒥᐦᐁᐃᐧᔨᓂᐃᐧᐃᐧᐣ; ᒋᑫᒫ ᑭ ᐅᐦᑌᔨᑕᒪᐁᐧᐤ ᐅ ᑭᓭᒪᓂᑐᒪ, ᒥᓇ ᐯᔭᑯᐃᑐᐃᐧᐣ ᑭ ᐅᓯᐦᑕᒪᐁᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 14ᐊᓇ ᒫᑲ ᐃᐢᕒᐁᐃᓬ ᐊᔨᓯᔨᓂᐤ ᑳ ᑭ ᓂᐸᐃᐦᐟ, ᑳ ᑭ ᓂᐸᐃᐦᐟ ᑭᑭ ᐊᓂᐦᐃ ᒥᑎᔭᓇᐃᐟ ᐃᐢᑫᐧᐊᐧ, ᓯᒪᕒᐊᐩ ᑭ ᐃᓯᔨᐦᑳᓱ, ᐅᑯᓯᓴ ᓵᓬᐅ, ᐁ ᐅᑭᒫᑲᑕᐠ ᐅᑖᐃᐧᒫᐊᐧ ᐃᐧᑭᔨᕽ ᓯᒥᔭᓇᐃᑕᐠ ᐅᐦᒋ. 15ᐊᓇ ᒫᑲ ᒥᑎᔭᐣ ᐃᐢᑫᐧᐤ ᑳ ᑭ ᓂᐸᐃᐦᐟ ᑭ ᐃᓯᔨᐦᑳᓱ ᑳᐢᐸᐩ, ᐅᑖᓂᓴ ᓴᕒ, ᑭ ᓂᑳᓇᑭᐦᒋᑳᓱ ᐯᔭᑲᐧᔭᐠ ᐅᑖᐃᐧᒫᐤ ᐃᐧᑭ ᒥᑎᔭᓂᕽ.
16ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐅᒥᓯ ᐁ ᐃᑖᐟ, 17ᐋᔨᒥᐃ ᒥᑎᔭᓇᐃᑕᐠ ᒥᓇ ᓂᐸᐦᐃᐠ; 18ᒋᑫᒫ ᑭᐟ ᐋᔨᒥᐃᑯᐋᐧᐊᐧᐠ ᐅ ᑲᑲᔦᔨᓯᐃᐧᓂᐋᐧᐊᐧ ᐅᐢᒋ, ᑳ ᑭ ᐃᓯ ᑲᔦᓯᐃᑯᔦᑳᐧᐤ ᐅᐟ ᐃᓯᐦᒋᑫᐃᐧᓂᕽ ᐱᐋᕒ, ᒥᓇ ᐅᐟ ᐃᓯᐦᒋᑫᐃᐧᓂᕽ ᑳᐢᐸᐩ, ᐅᑖᓂᓴ ᐅᑭᒫᐤ ᒥᑎᔭᐣ, ᐅᑕᐁᐧᒫᐋᐧᐊᐧ, ᑳ ᑭ ᓂᐸᐃᐦᐟ ᐊᓂᒪ ᐁ ᑭᓯᑳᐠ ᑳ ᑭ ᐊᔮᐠ ᐋᔨᒫᐢᐱᓀᐃᐧᐣ ᐱᐋᕒ ᐅᐦᒋ.
Seçili Olanlar:
ᓇᒼᐸᕒᐢ 25: KKMs
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
This Bible text is a corrected edition of the 1908 Western Cree Bible; it is in the public domain.
ᓇᒼᐸᕒᐢ 25
25
1ᐃᐢᕒᐁᐃᓬ ᒫᑲ ᑭ ᐊᔮᐊᐧᐠ ᐊᓂᑕ ᓯᑎᒼ, ᐁᑯᓯ ᐊᓂᑭ ᐊᔨᓯᔨᓂᐊᐧᐠ ᑭ ᐃᐧᒋᐱᓯᑳᐧᑎᓯᒣᐊᐧᐠ ᒧᐋᑊ ᐅᑖᓂᓯᔨᐊᐧ. 2ᒋᑫᒫ ᑭ ᓇᑐᒥᑲᐧᐠ ᐊᔨᓯᔨᓂᐊᐧᐠ ᐁ ᐸᑭᑎᓈᓱᐢᑕᐋᐧᔨᐟ ᐅ ᒪᓂᑐᑳᓂᔨᐊᐧ; ᐁᑯᓯ ᐊᔨᓯᔨᓂᐊᐧᐠ ᑭ ᒥᒋᓱᐊᐧᐠ ᒥᓇ ᐁ ᑭ ᓇᐊᐧᑭᐢᑕᐋᐧᒋᐠ ᐅ ᒪᓂᑐᑳᓂᔨᐊᐧ. 3ᐃᐢᕒᐁᐃᓬ ᒫᑲ ᑭ ᐃᐧᒉᐁᐧᐊᐧᐠ ᐊᓂᐦᐃ ᐯᐊᓬ ᐱᐋᕒ; ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓯᐢᑕᐁᐧᐤ ᐃᐢᕒᐁᐃᓬᐊ. 4ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐅᑎᓂᐠ ᑲᐦᑭᔭᐤ ᑳ ᓂᑳᓇᑭᒥᐦᒋᐠ ᐊᔨᓯᔨᓂᐊᐧᐠ, ᐊᑯᑕᒫᐤ ᒫᑲ ᑳ ᑎᐯᔨᐦᒋᑫᐟ ᐋᐢᑕᒫᐢᑌᕽ, ᐅ ᑭᐦᒋ ᑭᓯᐋᐧᓯᐃᐧᐣ ᑳ ᑎᐯᔨᐦᒋᑫᐟ ᑭᑕ ᐳᓂᐃᑯᒋᐠ ᐃᐢᕒᐁᐃᓬ. 5ᒧᓯᐢ ᒫᑲ ᑭ ᐃᑌᐤ ᐊᓂᐦᐃ ᑳ ᐅᔭᓱᐋᐧᑖᔨᐟ ᐃᐢᕒᐁᐃᓬ, ᓂᐸᐦᐃᑯᐠ ᑳ ᐃᑕᓯᔦᐠ ᐅᐟ ᐊᔨᓯᔨᓂᒪ ᐊᓂᑭ ᑳ ᑭ ᐃᐧᒉᐋᐧᒋᐠ ᐯᐊᓬ ᐱᐋᕒ.
6ᐁᑯᓯ ᐳᑎ, ᐯᔭᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐯ ᐃᑐᐦᑌᐤ ᐁ ᐯᓯᐋᐧᐟ ᒣᑳᐧᐨ ᐃᑕ ᐁ ᐊᔭᔨᐟ ᐃᐧᒋᐊᔨᓯᔨᓂᐊᐧ ᒥᑎᔭᓇᐃᐟ ᐃᐢᑫᐧᐊᐧ ᐁ ᐋᐧᐸᒥᑯᐟ ᒧᓯᓴ, ᒥᓇ ᐁ ᐊᐧᐸᒥᑯᐟ ᑲᐦᑭᔭᐤ ᐁ ᒫᒪᐁᐧᔭᑎᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒣᑳᐧᐨ ᐁ ᒫᑐᔨᐟ ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ. 7ᐃᐢᐱ ᒫᑲ ᐱᓂᔮᐢ ᐅᑯᓯᓴ ᐁᓬᐃᐁᓴᕒ ᐅᑯᓯᓴ ᐁᕒᐊᐣ ᐊᔭᒥᐦᐁᐃᐧᓂᔨᓂᐤ, ᐃᐧᔮᐸᐦᑕᕽ, ᑭ ᐸᓯᑯ ᒫᒪᐃᐧᔭᑎᓈᓂᕽ ᐅᐦᒋ, ᐁᑯᓯ ᑭ ᐅᑎᓀᐤ ᒥᐦᒋᑭᐊᐧ; 8ᑭ ᐱᒥᑎᓴᐁᐧᐤ ᒫᑲ ᐊᓂᐦᐃ ᐃᐢᕒᐁᐃᓬ ᐊᔨᓯᔨᓂᐊᐧ ᒥᑭᐋᐧᐱᕽ ᐃᓯ, ᐁᑯᓯ ᑖᐱᐢᑯᐨ ᐁ ᑭ ᑕᐦᑲᒫᐟ ᐊᓂᐦᐃ ᐃᐢᕒᐁᐃᓬ ᐊᔨᓯᔨᓂᐊᐧ ᒥᓇ ᐊᓂᐦᐃ ᐃᐢᑫᐧᐊᐧ ᐊᐧᑖᔨᕽ. ᐁᑯᓯ ᒫᑲ ᐋᔨᒫᐢᐱᓀᐃᐧᐣ ᑭ ᐳᓂᐃᑲᐧᐠ ᐊᓂᑭ ᐃᐢᕒᐁᐃᓬ. 9ᐊᓂᑭ ᒫᑲ ᑳ ᑭ ᓂᐸᐦᐃᑯᒋᐠ ᐊᓂᒪ ᐋᔨᒫᐢᐱᓀᐃᐧᐣ ᓂᓯᑕᓇᐤ ᓀᐤ ᐊᔨᐋᐧᐠ ᑕᐦᑐ ᑭᐦᒋᒥᑖᐦᑐᒥᑕᓇᐤ ᑭ ᐃᑕᓯᐊᐧᐠ.
10ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑖᐟ, 11ᐱᓂᐋᐢ ᐅᑯᓯᓴ ᐁᓬᐃᐁᓴᕒ ᐅᑯᓯᓴ ᐁᕒᐊᐣ ᐊᔭᒥᐦᐁᐃᐧᔨᓂᐤ ᑭ ᐃᑲᑌᓇᒪᐁᐧᐤ ᓂᓯᐊᐧᓈᑎᓯᐃᐧᐣ ᐃᐢᕒᐁᐃᓬ ᐅᐟ ᐊᐋᐧᓯᒥᓯᔨᐊᐧ, ᐊᓂᒪ ᐁ ᑭ ᐅᐦᑌᔨᑕᕽ ᓄᐦᑌᔨᑕᒧᐃᐧᐣ ᐅᐦᒋ ᒣᑳᐧᐨ ᐃᑕ ᐁ ᐊᔮᔨᐟ, ᐁᑯᓯ ᒫᑲ ᓇᒪᐃᐧᔭ ᓄᐦᒋ ᓂᓯᐊᐧᓈᒋᐦᐋᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᓄᐦᑌᔨᑕᒧᐃᐧᓂᕽ. 12ᐁᐊᐧᑯ ᒫᑲ ᐅᐦᒋ ᐃᑌᐧ, ᒫᑎᑲ, ᓂ ᒥᔮᐤ ᓂᐟ ᐊᓱᑕᒫᑫᐃᐧᐣ ᐯᔭᐦᑕᑫᔨᒧᐃᐧᓂᕽ. 13ᐃᐧᔭ ᒫᑲ ᑭᑕ ᐊᔮᐤ ᒥᓇ ᐅᐟ ᐊᐋᐧᓯᒥᓴ ᑫ ᐋᓂᐢᑫᐢᑲᒫᑯᐟ, ᐁᐊᐧᑯ ᐊᓱᑕᒫᑫᐃᐧᐣ ᑳᑭᑫ ᐊᔭᒥᐦᐁᐃᐧᔨᓂᐃᐧᐃᐧᐣ; ᒋᑫᒫ ᑭ ᐅᐦᑌᔨᑕᒪᐁᐧᐤ ᐅ ᑭᓭᒪᓂᑐᒪ, ᒥᓇ ᐯᔭᑯᐃᑐᐃᐧᐣ ᑭ ᐅᓯᐦᑕᒪᐁᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 14ᐊᓇ ᒫᑲ ᐃᐢᕒᐁᐃᓬ ᐊᔨᓯᔨᓂᐤ ᑳ ᑭ ᓂᐸᐃᐦᐟ, ᑳ ᑭ ᓂᐸᐃᐦᐟ ᑭᑭ ᐊᓂᐦᐃ ᒥᑎᔭᓇᐃᐟ ᐃᐢᑫᐧᐊᐧ, ᓯᒪᕒᐊᐩ ᑭ ᐃᓯᔨᐦᑳᓱ, ᐅᑯᓯᓴ ᓵᓬᐅ, ᐁ ᐅᑭᒫᑲᑕᐠ ᐅᑖᐃᐧᒫᐊᐧ ᐃᐧᑭᔨᕽ ᓯᒥᔭᓇᐃᑕᐠ ᐅᐦᒋ. 15ᐊᓇ ᒫᑲ ᒥᑎᔭᐣ ᐃᐢᑫᐧᐤ ᑳ ᑭ ᓂᐸᐃᐦᐟ ᑭ ᐃᓯᔨᐦᑳᓱ ᑳᐢᐸᐩ, ᐅᑖᓂᓴ ᓴᕒ, ᑭ ᓂᑳᓇᑭᐦᒋᑳᓱ ᐯᔭᑲᐧᔭᐠ ᐅᑖᐃᐧᒫᐤ ᐃᐧᑭ ᒥᑎᔭᓂᕽ.
16ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐅᒥᓯ ᐁ ᐃᑖᐟ, 17ᐋᔨᒥᐃ ᒥᑎᔭᓇᐃᑕᐠ ᒥᓇ ᓂᐸᐦᐃᐠ; 18ᒋᑫᒫ ᑭᐟ ᐋᔨᒥᐃᑯᐋᐧᐊᐧᐠ ᐅ ᑲᑲᔦᔨᓯᐃᐧᓂᐋᐧᐊᐧ ᐅᐢᒋ, ᑳ ᑭ ᐃᓯ ᑲᔦᓯᐃᑯᔦᑳᐧᐤ ᐅᐟ ᐃᓯᐦᒋᑫᐃᐧᓂᕽ ᐱᐋᕒ, ᒥᓇ ᐅᐟ ᐃᓯᐦᒋᑫᐃᐧᓂᕽ ᑳᐢᐸᐩ, ᐅᑖᓂᓴ ᐅᑭᒫᐤ ᒥᑎᔭᐣ, ᐅᑕᐁᐧᒫᐋᐧᐊᐧ, ᑳ ᑭ ᓂᐸᐃᐦᐟ ᐊᓂᒪ ᐁ ᑭᓯᑳᐠ ᑳ ᑭ ᐊᔮᐠ ᐋᔨᒫᐢᐱᓀᐃᐧᐣ ᐱᐋᕒ ᐅᐦᒋ.
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
This Bible text is a corrected edition of the 1908 Western Cree Bible; it is in the public domain.