ᓇᒼᐸᕒᐢ 22
22
1ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᓭᐯᐧᐱᒋᐊᐧᐠ, ᐁᑯᓯ ᐁ ᑭ ᑲᐯᓯᒋᐠ ᐊᓂᑕ ᒧᐋᑊ ᒪᐢᑯᑌᕽ ᐅᑌ ᐃᑕᑳᒼ ᒑᕒᑕᓂᕽ ᒋᑭ ᒉᕒᐃᑯ.
2ᐯᓬᐋᐠ ᒫᑲ ᐅᑯᓯᓴ ᓯᐹᕒ ᑭ ᐋᐧᐸᐦᑕᒼ ᑲᐦᑭᔭᐤ ᐃᐢᕒᐁᐃᓬ ᑳ ᑭ ᐊᔨᑐᑕᐋᐧᔨᐟ ᐊᓂᐦᐃ ᐋᒪᕒᐊᐃᑕ. 3ᒧᐋᑊ ᒫᑲ ᒥᐢᑕᐦᐃ ᑭ ᑯᐢᑌᐤ ᐊᓂᐦᐃ ᐊᔨᓯᔨᓂᐊᐧ ᒋᑫᒫ ᑭ ᒥᐦᒉᑎᔨᐊᐧ; ᐁᑯᓯ ᒧᐋᑊ ᒥᐢᑕᐦᐃ ᑭ ᒥᑯᐢᑳᑌᔨᑕᒼ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐦᒋ. 4ᒧᐋᑊ ᒫᑲ ᑭ ᐃᑌᐤ ᑳ ᓂᑳᓀᔨᑖᑯᓯᔨᐟ ᒥᑎᔭᐣ, ᐁᑲᐧ ᐅᑭ ᐊᔨᓯᔨᓂᐊᐧᐠ ᑫ ᒧᓴᐢᑲᑕᑭᐠ ᐋᐧᐢᑳ ᑳ ᐊᔮᔨᑭ, ᑖᐱᐢᑯᐨ ᒧᐢᑐᐢ ᑳ ᐃᓯ ᒧᓴᐢᑲᐧᑕᕽ ᒪᐢᑯᓯᔭ ᑳ ᐅᐦᐱᑭᐦᑭ. ᐯᓬᐋᐠ ᒫᑲ ᐅᑯᓯᓴ ᓯᐹᕒ ᑭ ᑭᐦᒋ ᐅᑭᒫᑲᑕᒼ ᒧᐋᑊ ᐁᑯᐢᐱ. 5#ᓇᒼᐸᕒᐢ 31:8; 2 ᐱᑕᕒ 2:15,16; ᒍᐟ 1:11ᑭ ᐃᓯᑎᓴᐦᐊᒪᐁᐧᐤ ᒫᑲ ᐅᑖᒋᒧᐊᐧ ᐊᓂᐦᐃ ᐯᓬᐋᒼ ᐅᑯᓯᓴ ᐱᐋᕒ, ᐊᓂᑕ ᐯᐦᑖᕒ, ᐁᐊᐧᑯ ᑳ ᐊᔮᐠ ᒋᑭ ᓯᐱᕽ, ᐅᐟ ᐊᐢᑭᔨᕽ ᐅᐟ ᐃᔨᓂᒪ ᐅᐟ ᐊᐋᐧᓯᒥᓯᔨᐊᐧ, ᑭᑕ ᓇᑐᒫᐟ, ᐁ ᐃᑌᐧᐟ, ᒫᑎᑲ, ᐊᔨᓯᔨᓂᐊᐧᐠ ᐃᒋᑊᑎᕽ ᐯ ᐅᐦᒋ ᑕᑯᓯᓇᐧᐠ; ᒫᑎᑲ, ᐊᑲᐧᓂᐢᑲᒪᐧᐠ ᒥᓯᐁᐧ ᐊᐢᑭ, ᐁᑯᓯ ᒫᑲ ᓂ ᑭ ᑲᐯᓯᑐᑖᑲᐧᐠ. 6ᐯ ᐃᑐᐦᑌ ᒫᑲ ᑭ ᐸᑯᓭᔨᒥᑎᐣ ᓈᓂᐳᑕᒪᐃᐧᐣ ᐅᑭ ᐊᔨᓯᔨᓂᐊᐧᐠ; ᒋᑫᒫ ᐅᓵᒼ ᓱᑳᑎᓯᐊᐧᐠ ᓂᔭ ᑭᑕ ᑭ ᓵᑯᐊᑭᐠ; ᒫᐢᑯᐨ ᐊᐦᐳ ᓂ ᑲ ᓵᑯᐋᐊᐧᐠ ᑭᑕ ᓂᐸᐊᑭᐠ, ᒥᓇ ᐅᒪ ᐊᐢᑭ ᑭᑕ ᐅᐦᒋ ᓯᐯᐧᑎᓴᐦᐋᐧᐊᐧᐠ; ᒋᑫᒫ ᓂ ᑭᐢᑫᔨᑌᐣ ᐊᐃᐧᔭᐠ ᐁ ᓴᐁᐧᔨᒪᐟ ᓴᐁᐧᔨᑖᑯᓯᐤ, ᒥᓇ ᐊᐃᐧᔭᐠ ᐁ ᓈᓂᐳᒪᐟ ᓈᓂᐳᒋᑳᓱ.
7ᐊᓂᑭ ᒫᑲ ᑳ ᓂᑳᓀᔨᑖᑯᓯᒋᐠ ᒧᐋᑊ ᐅᐦᒋ, ᒥᓇ ᑳ ᓂᑳᓀᔨᑖᑯᓯᒋᐠ ᒥᑎᔭᐣ ᐅᐦᒋ ᑭ ᓯᐯᐧᑌᐊᐧᐠ ᐁ ᑕᐦᑯᓇᑭᐠ ᑎᐸᐦᐊᒫᑐᐃᐧᐣ ᐸᑯᓇᐃᐧ ᐃᑐᑖᑐᐃᐧᐣ ᐅᐦᒋ; ᑭ ᐅᑎᑌᐊᐧᐠ ᒫᑲ ᐯᓬᐋᒼ, ᐁᑯᓯ ᐁ ᑭ ᐃᐧᐦᑕᒪᐋᐧᒋᐠ ᑳ ᑭ ᐃᑌᐧᔨᐟ ᐯᓬᐋᑲ. 8ᑭ ᐃᑌᐤ ᒫᑲ, ᐅᑕ ᑲᐯᓯᐠ ᑫ ᑎᐱᐢᑳᐠ, ᐁᑯᓯ ᑭ ᑲ ᐯᑕᒫᑎᓈᐋᐧᐤ ᐃᑌᐧᐃᐧᐣ, ᑳ ᑎᐯᔨᐦᒋᑫᐟ ᑫ ᐃᓯ ᐃᐧᐦᑕᒪᐃᐧᑫᐧ; ᐊᓂᑭ ᒫᑲ ᒧᐋᑊ ᐅᑭᒫᐊᐧᐠ ᑭ ᐃᐧᒋᐊᔮᒣᐊᐧᐠ ᐯᓬᐋᒪ. 9ᑭᓭᒪᓂᑐ ᒫᑲ ᑭ ᐯ ᓈᑌᐤ ᐯᓬᐋᒪ, ᒥᓇ ᑭ ᐃᑌᐧᐤ, ᑫᑲᐧᐩ ᐊᔨᓯᔨᓂᐊᐧᐠ ᐅᑭ ᑳ ᐃᐧᒋᐊᔮᒥᐢᑭᐠ? 10ᐯᓬᐋᒼ ᒫᑲ ᑭ ᐃᑌᐤ ᑭᓭᒪᓂᑐᐊᐧ, ᐯᓬᐋᐠ ᐅᑯᓯᓴ ᓯᐹᕒ, ᒧᐋᑊ ᑭᐦᒋ ᐅᑭᒫᐤ, ᓂ ᑭ ᐃᓯᑎᓴᐦᐊᒫᐠ, ᐁ ᐃᑌᐧᐟ, 11ᒫᑎᑲ ᐃᒋᑊᑎᕽ ᐯ ᐅᐦᒋ ᑕᑯᓯᓇᐧᐠ ᐊᔨᓯᔨᓂᐊᐧᐠ, ᐁᑯᓯ ᐊᑲᐧᓂᐢᑲᒪᐧᐠ ᒥᓯᐁᐧ ᐊᐢᑭ; ᐁᑲᐧ ᒫᑲ, ᐯ ᓇᑕᐃᐧ ᓈᓂᐳᑕᒪᐃᐧᐣ; ᒫᐢᑯᐨ ᐊᐦᐳ ᓂ ᑲ ᑲᐢᑭᑖᐣ ᑭᑕ ᓵᑯᐊᑭᐠ ᒥᓇ ᑭᑕ ᐊᐧᔭᐃᐧᑎᓴᐊᐧᑭᐠ. 12ᑭᓭᒪᓂᑐ ᒫᑲ ᐅᒥᓯ ᑭ ᐃᑌᐤ ᐯᓬᐋᒪ, ᓇᒪᐃᐧᔭ ᑭ ᑲ ᐃᐧᒉᐋᐧᐊᐧᐠ ᓇᒪᐃᐧᔭ ᑭ ᑲ ᓈᓂᐳᒫᐊᐧᐠ; ᒋᑫᒫ ᓴᐁᐧᔨᑖᑯᓯᐊᐧᐠ. 13ᐯᓬᐋᒼ ᒫᑲ ᑭ ᐊᐧᓂᐢᑳᐤ ᐁ ᑫᑭᓭᐸᔮᔨᐠ ᐁᑯᓯ ᑭ ᐃᑌᐤ ᐯᓬᐋᐠ ᐅᐟ ᐅᑭᒫᒥᔨᐊᐧ, ᑭᐟ ᐊᐢᑭᐋᐧᕽ ᐃᑐᐦᑌᐠ; ᒋᑫᒫ ᑳ ᑎᐯᔨᐦᒋᑫᐟ ᓇᒪᐃᐧᔭ ᓂ ᐃᐧ ᐸᑭᑎᓂᐠ ᑭᑖ ᐃᐧᒉᐃᐧᑕᑯᐠ. 14ᐅᐟ ᐅᑭᒫᒪ ᒫᑲ ᒧᐋᑊ ᑭ ᐸᓯᑯᐊᐧᐠ ᐁ ᑭ ᓇᑕᐋᐧᐸᒫᒋᐠ ᐯᓬᐋᑲ, ᐁᑯᓯ ᑭ ᐃᑌᐧᐊᐧᐠ, ᐯᓬᐋᒼ ᓇᒪᐃᐧᔭ ᓂ ᐃᐧ ᐯ ᐃᐧᒉᑯᓈᐣ.
15ᐯᓬᐋᐠ ᒫᑲ ᑭ ᐃᓯᑎᓴᐁᐧᐤ ᒥᓇ ᐅᑭᒫᐊᐧ, ᓇᐊᐧᐨ ᒥᐦᒉᐟ, ᒥᓇ ᐊᐊᐧᓯᒣ ᐁ ᑭᐢᑌᔨᑖᑯᓯᔨᐟ ᐃᔨᑯᕽ ᐊᓂᐦᐃ. 16ᑭ ᐅᑎᑌᐊᐧᐠ ᒫᑲ ᐯᓬᐋᒪ, ᒥᓇ ᐅᒥᓯ ᑭ ᐃᑌᐊᐧᐠ, ᐅᒥᓯ ᐃᑌᐧᐤ ᐯᓬᐋᐠ ᐅᑯᓯᓴ ᓯᐹᕒ, ᑭᔮᒼ ᐁᑳᐃᐧᔭ ᑫᑲᐧᐩ ᑭ ᐸᑯᓭᔨᒥᑎᐣ, ᑭ ᑲ ᑭᐱᒋᐦᐃᑯᐣ ᑭᑕ ᐯ ᓈᓯᔭᐣ; 17ᒋᑫᒫ ᓈᐢᐱᐨ ᑭ ᑲ ᑭᐢᑌᔨᑖᑯᐃᑎᐣ, ᐁᑯᓯ ᐱᑯ ᑫᑲᐧᐩ ᑫ ᐃᓯᐊᐧᓀ ᓂ ᑲ ᐃᑐᑌᐣ; ᐯ ᐃᑐᐦᑌ ᑭ ᐸᑯᓭᔨᒥᑎᐣ, ᓈᓂᐳᑕᒪᐃᐧᐣ ᐅᑭ ᐊᔨᓯᔨᓂᐊᐧᐠ. 18ᐯᓬᐋᒼ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ ᐊᓂᐦᐃ ᐯᓬᐋᐠ ᐅᐟ ᐊᑐᐢᑫᔮᑲᓂᔨᐊᐧ, ᑭᐢᐱᐣ ᐯᓬᐋᐠ ᒥᔨᐟ ᐅ ᐋᐧᐢᑳᐦᐃᑲᐣ ᐁ ᒧᐢᑭᓀᔨᐠ ᐋᐧᐱᐢᑭᓱᓂᔮᐊᐧ ᒥᓇ ᐅᓵᐃᐧᓱᓂᔮᐊᐧ, ᓇᒪᐃᐧᔭ ᓂ ᑲ ᑭ ᐊᔨᐁᐧᐢᑲᒫᐧᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒼ, ᓄᐦᑕᐤ ᑭᑕ ᐃᑐᑕᒫᐣ ᐊᐦᐳ ᐊᐊᐧᓯᒣ. 19ᐁᑲᐧ ᒫᑲ ᑭ ᐸᑯᓭᔨᒥᑎᓈᐋᐧᐤ, ᐊᔮᐠ ᑭᔭᐋᐧᐤ ᒥᓇ ᐅᑕ ᑫ ᑎᐱᐢᑳᐠ, ᑭᑕ ᑭᐢᑫᔨᑕᒫᐣ ᒪᐦᑎ ᒥᓇ ᑫ ᐃᓯᑫᐧ ᑳ ᑎᐯᔨᐦᒋᑫᐟ. 20ᑭᓭᒪᓂᑐ ᒫᑲ ᑭ ᐯ ᓈᑌᐤ ᐯᓬᐋᒼ ᐁ ᑎᐱᐢᑳᔨᐠ, ᐅᒥᓯ ᒫᑲ ᐁ ᑭ ᐃᑖᐟ, ᑭᐢᐱᐣ ᐊᓂᑭ ᐊᔨᓯᔨᓂᐊᐧᐠ ᑭ ᐯ ᓇᑐᒥᑲᐧᐠ, ᑭᔮᒼ ᐸᓯᑯ ᐁᑯᓯ ᐃᐧᒉᐃᐧᐠ; ᒫᑲ ᐁᔨᐁᐧᕽ ᐊᓂᒪ ᐃᑌᐧᐃᐧᐣ ᑫ ᐃᑎᑖᐣ, ᐁᐊᐧᑯ ᐱᑯ ᑫ ᐃᑐᑕᒪᐣ. 21ᐯᓬᐋᒼ ᒫᑲ ᑭ ᐊᐧᓂᐢᑳᐤ ᐁ ᑫᑭᓭᐹᔮᔨᐠ, ᐁᑯᓯ ᑭ ᐊᐢᐸᐱᐃᐧᓂᑲᑕᐁᐧᐤ ᐅ ᓱᓱᐃᐧᒥᐢᑕᑎᒧᒪ, ᒥᓇ ᑭ ᐃᐧᒉᐁᐧᐤ ᒧᐋᑊ ᐅᑭᒫᐊᐧ.
22ᑭᓭᒪᓂᑐ ᒫᑲ ᑭ ᑭᓯᐋᐧᓯᐤ ᐁ ᓯᐯᐧᑌᔨᐟ; ᑳ ᑎᐯᔨᐦᒋᑫᐟ ᐅᑭᓯᑯᒪ ᒫᑲ ᑭ ᓂᐸᐃᐧᔨᐊᐧ ᒣᐢᑲᓈᕽ ᑭᑕ ᓇᑳᐢᑳᑯᐟ. ᑭ ᑌᐦᑕᐱᐤ ᒫᑲ ᐊᓂᐦᐃ ᐅᑌᒪ, ᐁᑯᓯ ᐁ ᓂᓯᔨᐟ ᐅᐟ ᐊᑐᐢᑫᔮᑲᓇ ᐁ ᐃᐧᒉᐃᐧᑯᐟ. 23ᐊᓇ ᒫᑲ ᓱᓱᐃᐧᒥᐢᑕᑎᒼ ᑭ ᐋᐧᐸᒣᐤ ᑳ ᑎᐯᔨᐦᒋᑫᔨᐟ ᐅ ᑭᓯᑯᒪ ᐁ ᓂᐸᐃᐧᔨᐟ ᒣᐢᑲᓈᕽ ᒥᓇ ᐁ ᒧᐢᑖᐱᑕᑳᐠ ᐃᓴᐁᐧᐢᐠ ᐁ ᓂᒥᓇᒥᔨᐟ; ᐊᓇ ᒫᑲ ᓱᓱᐃᐧᒥᐢᑕᑎᒼ ᑭ ᐸᐢᑫᐤ, ᐁᑯᓯ ᑭᐢᑎᑳᓂᕽ ᑭ ᐃᑐᐦᑌᐤ; ᐯᓬᐋᒼ ᒫᑲ ᑭ ᐸᑲᒪᐁᐧᐤ ᓱᓱᐃᐧᒥᐢᑕᑎᒪᐧ, ᒣᐢᑲᓈᕽ ᐁ ᑲᑫᐧ ᐃᓯ ᒥᓄᐱᑖᐟ. 24ᐁᑲᐧ ᑳ ᑎᐯᔨᐦᒋᑫᐟ ᐅ ᑭᓯᑯᒪ ᑭ ᓂᐸᐃᐧᐤ ᐃᑕ ᐁ ᐋᐧᔭᒑᐠ ᑕᐢᑕᐋᐧᔨᕽ ᓱᒥᓂᑭᐢᑎᑳᓇ, ᒣᓂᑲᐣ ᐅᑎ ᐃᑌᑫ ᐁ ᐊᔮᐠ, ᒥᓇ ᒣᓂᑲᐣ ᓀᑌ ᐃᑌᐦᑫ ᐁ ᐊᔮᐠ. 25ᐊᓇ ᒫᑲ ᓱᓱᐃᐧᒥᐢᑕᑎᒼ ᑭ ᐋᐧᐸᒣᐤ ᐅᑭᓯᑯᒥᔨᐊᐧ ᑳ ᑎᐯᔨᐦᒋᑫᔨᐟ, ᐁᑯᓯ ᒋᑭ ᒣᓂᑲᓂᕽ ᑭ ᐃᐢᐸᔨᐦᐅ, ᐁᑯᓯ ᑭ ᐱᐢᑕᐢᑯᑎᑖᐁᐧᐤ ᐯᓬᐋᒼ ᐅᓯᑎᔨᐤ; ᐁᑯᓯ ᒥᓇ ᑭ ᐸᑲᒪᐁᐧᐤ. 26ᑳ ᑎᐯᔨᐦᒋᑫᐟ ᐅᑭᓯᑯᒪ ᒫᑲ ᑭ ᔭᑯᑌᐤ, ᐁᑯᓯ ᑭ ᓂᐸᐃᐧᐤ ᐃᑕ ᐁ ᓵᑲᐊᐧᑕᒧᔨᐠ, ᐃᑕ ᐁᑳ ᐁ ᐃᐦᑕᑲᐧᕽ ᑭᑕ ᑭ ᑫᐧᐢᑭᕽ ᑭᐦᒋᓂᐢᑭᕽ ᐃᓯ ᐊᐦᐳ ᓇᒪᑎᓂᕽ. 27ᐊᓇ ᒫᑲ ᓱᓱᐃᐧᒥᐢᑕᑎᒼ ᑭ ᐋᐧᐸᒣᐤ ᑳ ᑎᐯᔨᐦᒋᑫᔨᐟ ᐅᑭᓯᑯᒪ, ᐁᑯᓯ ᑭ ᐸᐦᑭᓯᐣ ᐯᓬᐋᒼ ᐁ ᑌᐦᑕᐱᐟ; ᐁᑯᓯ ᐯᓬᐋᒼ ᑭ ᑭᓯᐋᐧᓯᐤ ᒥᓇ ᐅ ᓴᐢᑲᐅᐣ ᐅᐦᒋ ᑭ ᐸᑲᒪᐁᐧᐤ ᓱᓱᐃᐧᒥᐢᑕᑎᒪᐧ. 28ᑳ ᑎᐯᔨᐦᒋᑫᐟ ᒫᑲ ᑭ ᐸᐢᑭᑐᓀᓀᐤ ᐊᓂᐦᐃ ᓱᓱᐃᐧᒥᐢᑕᑎᒪᐧ, ᐅᒥᓯ ᒫᑲ ᑭ ᐃᑌᐤ ᐯᓬᐋᒪ, ᑫᑲᐧᐩ ᑳ ᑐᑖᑖᐣ, ᐁᑲᐧ ᐅᒪ ᓂᐢᑖᐤ ᑳ ᐸᑲᒪᐅᔭᐣ? 29ᐯᓬᐋᒼ ᒫᑲ ᑭ ᐃᑌᐤ ᓱᓱᐃᐧᒥᐢᑕᑎᒪᐧ, ᒋᑫᒫ ᑭ ᑭ ᒫᔦᔨᒥᐣ; ᐱᑕᓀ ᐃᓴᐁᐧᐢᐠ ᑕᐦᑯᓇᒫᐣ ᒋᑫᒫ ᑭ ᑳᐦ ᓂᐸᐃᑎᐣ. 30ᐊᓇ ᒫᑲ ᓱᓱᐃᐧᒥᐢᑕᑎᒼ ᑭ ᐃᑌᐤ ᐯᓬᐋᒪ, ᓇᒪ ᒋ ᓂᔭ ᑭᑌᒼ ᑳ ᑭ ᑌᐦᑕᐱᔭᐣ ᐊᐢᐱᐣ ᑳ ᐅᐦᒋ ᑎᐯᔨᒥᔭᐣ ᐱᔨᐢ ᐊᓄᐦᐨ ᑳ ᑭᓯᑳᐠ? ᐁᑯᓯ ᒋ ᑭ ᑭ ᐯ ᐃᑐᑖᑎᐣ? ᑭ ᐃᑌᐤ ᒫᑲ, ᓇᒪᐃᐧᔭ.
31ᐁᑲᐧ ᒫᑲ ᑳ ᑎᐯᔨᐦᒋᑫᐟ ᑭ ᑐᑳᐱᓀᐤ ᐯᓬᐋᒪ, ᐁᑯᓯ ᐋᐧᐸᒣᐤ ᑳ ᑎᐯᔨᐦᒋᑫᔨᐟ ᐅ ᑭᓯᑯᒪ ᐁ ᓂᐸᐃᐧᔨᐟ ᒣᐢᑲᓈᕽ, ᐃᓴᐁᐧᐢᐠ ᐁ ᒧᐢᑖᐱᑕᑳᐠ ᐁ ᓱᐃᐧᓇᒥᔨᐟ; ᑭ ᓇᐊᐧᑭᐢᑫᐧᔨᐤ ᒫᑲ ᒥᓇ ᑭ ᐅᑎᑖᐱᐸᑭᓯᐣ. 32ᐊᓂᐦᐃ ᒫᑲ ᑳ ᑎᐯᔨᐦᒋᑫᔨᐟ ᐅᑭᓯᑯᒪ ᑭ ᐃᑎᐠ, ᑖᓀᐦᑭ ᑳ ᐸᑲᒪᐊᐧᐟ ᑭᑌᒼ ᐁᑲᐧ ᓂᐢᑖᐧᐤ? ᒫᑎᑲ, ᓂ ᑭ ᐯ ᐃᑐᐦᑖᐣ ᑭᑕ ᓇᑳᐢᑲᑖᐣ, ᒋᑫᒫ ᓂ ᓇᔦᑖᐋᐧᐱᓯᒥᑯᐣ ᑭᐟ ᐃᓯᐦᒋᑫᐃᐧᐣ; 33ᐁᑯᓯ ᓱᓱᐃᐧᒥᐢᑕᑎᒼ ᓂ ᑭ ᐋᐧᐸᒥᐠ, ᐁᑯᓯ ᐁ ᑭ ᑕᐸᓯᐦᐃᐟ ᐁᑲᐧ ᓂᐢᑖᐧᐤ; ᑭᐢᐱᐣ ᐁᑳ ᑭ ᑕᐸᓯᐦᐃᐟ, ᑫᒋᓈ ᑭ ᑲ ᑭ ᓂᐸᐦᐃᑎᐣ ᓂ ᑲ ᑭ ᐱᒫᒋᐦᐋ ᒫᑲ ᐃᐧᔭ. 34ᐯᓬᐋᒼ ᒫᑲ ᑭ ᐃᑌᐤ ᑳ ᑎᐯᔨᐦᒋᑫᔨᐟ ᐅᑭᓯᑯᒪ, ᓂ ᑭ ᒪᒋᑐᑌᐣ ᒫᓇ ᒫᑲ; ᒋᑫᒫ ᓇᒪᐃᐧᔭ ᓂ ᑭᐢᑫᔨᑌᐣ ᐁ ᓂᐸᐃᐧᐢᑕᐃᐧᔭᐣ ᒣᐢᑲᓈᕽ, ᐁᑲᐧ ᒫᑲ, ᑭᐢᐱᐣ ᓇᔦᑖᐁᐧᔨᑕᒧᐊᐧᓀ, ᑳᐃᐧ ᓂ ᑲ ᑭᐋᐧᐣ. 35ᐊᓇ ᒫᑲ ᑳ ᑎᐯᔨᐦᒋᑫᐟ ᐅᑭᓯᑯᒪ ᑭ ᐃᑌᐤ ᐯᓬᐋᒪ, ᑭᔮᒼ ᐃᐧᒉᐃᐧᐠ ᐊᓂᑭ ᐊᔨᓯᔨᓂᐊᐧᐠ, ᒫᑲ ᐱᑯ ᐊᓂᒪ ᐃᑌᐧᐃᐧᐣ ᑫ ᐃᑎᑖᐣ, ᐁᐊᐧᑯ ᑫ ᐃᑌᐧᔭᐣ. ᐁᑯᓯ ᒫᑲ ᐯᓬᐋᒼ ᑭ ᐃᐧᒉᐁᐧᐤ ᐅᐟ ᐅᑭᒫᒥᔨᐊᐧ ᐯᓬᐋᐠ.
36ᐃᐢᐱ ᒫᑲ ᐱᔦᐦᑕᕽ ᐯᓬᐋᐠ ᐁ ᐯ ᑕᑯᓯᓂᔨᐟ ᐯᓬᐋᒼ, ᑭ ᓇᑕᐃᐧ ᓇᑭᐢᑲᐁᐧᐤ ᐊᓂᑕ ᒧᐋᑊ ᐅᑌᓈᕽ, ᐁ ᑭᓯᐱᑎᕽ ᐋᕒᓇᐣ ᑳ ᐊᔮᐠ ᒥᑐᓂ ᐁ ᑭᓯᐱᑎᕽ. 37ᐯᓬᐋᐠ ᒫᑲ ᑭ ᐃᑌᐤ ᐯᓬᐋᒪ, ᓇᒪ ᒋ ᐊᔨᐋᐧᐠ ᑭ ᑭ ᓇᑕᐁᐧᔨᒥᑎᐣ ᑳ ᐃᓯᑎᓴᐦᐅᐁᐧᔮᐣ ᐁ ᓇᑐᒥᑖᐣ? ᑖᓀᐦᑭ ᒫᑲ ᐁᑳ ᑳ ᑭ ᐯ ᓇᑕᐋᐧᐸᒥᔭᐣ? ᓇᒪ ᒋ ᓂ ᑲᐢᑭᑖᐣ ᑭᑕ ᑭᐢᑌᔨᑖᑯᐃᑖᐣ? 38ᐯᓬᐋᒼ ᒫᑲ ᑭ ᐃᑌᐤ ᐯᓬᐋᐠ, ᒫᑎᑲ, ᑭ ᐯ ᓇᑕᐋᐧᐸᒥᑎᐣ; ᓈᐣᑕᐤ ᒋ ᓂᐟ ᐃᓯ ᑲᐢᑭᑖᐣ ᑫᑲᐧᐩ ᑭᑕ ᐃᑌᐧᔮᐣ? ᐊᓂᒪ ᐃᑌᐧᐃᐧᐣ ᑭᓭᒪᓂᑐ ᑫ ᐊᐢᑖᐠ ᓂᑐᓂᕽ ᐁᐊᐧᑯ ᑫ ᐃᑌᐧᔮᐣ. 39ᐯᓬᐋᒼ ᒫᑲ ᑭ ᐃᐧᒉᐁᐧᐤ ᐯᓬᐋᐠ, ᐁᑯᓯ ᑭ ᑕᑯᓯᓇᐧᐠ ᐊᓂᑕ ᑭᕒᐃᔮᐦᐟ ᐦᐊᓵᐦᐟ. 40ᐯᓬᐋᐠ ᒫᑲ ᑭ ᐸᑭᑎᓂᑫᐤ ᒧᐢᑐᓴᐧ ᒥᓇ ᒫᔭᑎᐦᑲᐧ, ᐁᑯᓯ ᑭ ᐃᓯᑎᓴᐦᐊᒪᐁᐧᐤ ᐯᓬᐋᒼ ᒥᓇ ᐊᓂᐦᐃ ᐅᑭᒫᐊᐧ ᑳ ᐃᐧᒉᐃᐧᑯᔨᐟ.
41ᑭ ᐊᔨᑭᐣ ᒫᑲ ᐁᑎ ᐋᐧᐸᕽ, ᐯᓬᐋᐠ ᑭ ᐅᑌᓀᐤ ᐯᓬᐋᒪ ᐁᑯᓯ ᐁ ᑭ ᐃᑐᐦᑕᐦᐋᐟ ᐊᓂᑕ ᑳ ᐃᐢᐯᔨᑖᑯᑕᒫᐦᐟ ᐯᐊᓬ, ᐁᑯᓯ ᐁᑯᑕ ᐅᐦᒋ ᑭ ᐋᐧᐸᐦᑕᒼ ᒥᑐᓂ ᑭᓯᐸᓄᕽ ᐃᑕ ᐁ ᐊᔮᔨᐟ ᐊᓂᐦᐃ ᐊᔨᓯᔨᓂᐊᐧ.
Seçili Olanlar:
ᓇᒼᐸᕒᐢ 22: KKMs
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
This Bible text is a corrected edition of the 1908 Western Cree Bible; it is in the public domain.
ᓇᒼᐸᕒᐢ 22
22
1ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᓭᐯᐧᐱᒋᐊᐧᐠ, ᐁᑯᓯ ᐁ ᑭ ᑲᐯᓯᒋᐠ ᐊᓂᑕ ᒧᐋᑊ ᒪᐢᑯᑌᕽ ᐅᑌ ᐃᑕᑳᒼ ᒑᕒᑕᓂᕽ ᒋᑭ ᒉᕒᐃᑯ.
2ᐯᓬᐋᐠ ᒫᑲ ᐅᑯᓯᓴ ᓯᐹᕒ ᑭ ᐋᐧᐸᐦᑕᒼ ᑲᐦᑭᔭᐤ ᐃᐢᕒᐁᐃᓬ ᑳ ᑭ ᐊᔨᑐᑕᐋᐧᔨᐟ ᐊᓂᐦᐃ ᐋᒪᕒᐊᐃᑕ. 3ᒧᐋᑊ ᒫᑲ ᒥᐢᑕᐦᐃ ᑭ ᑯᐢᑌᐤ ᐊᓂᐦᐃ ᐊᔨᓯᔨᓂᐊᐧ ᒋᑫᒫ ᑭ ᒥᐦᒉᑎᔨᐊᐧ; ᐁᑯᓯ ᒧᐋᑊ ᒥᐢᑕᐦᐃ ᑭ ᒥᑯᐢᑳᑌᔨᑕᒼ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐦᒋ. 4ᒧᐋᑊ ᒫᑲ ᑭ ᐃᑌᐤ ᑳ ᓂᑳᓀᔨᑖᑯᓯᔨᐟ ᒥᑎᔭᐣ, ᐁᑲᐧ ᐅᑭ ᐊᔨᓯᔨᓂᐊᐧᐠ ᑫ ᒧᓴᐢᑲᑕᑭᐠ ᐋᐧᐢᑳ ᑳ ᐊᔮᔨᑭ, ᑖᐱᐢᑯᐨ ᒧᐢᑐᐢ ᑳ ᐃᓯ ᒧᓴᐢᑲᐧᑕᕽ ᒪᐢᑯᓯᔭ ᑳ ᐅᐦᐱᑭᐦᑭ. ᐯᓬᐋᐠ ᒫᑲ ᐅᑯᓯᓴ ᓯᐹᕒ ᑭ ᑭᐦᒋ ᐅᑭᒫᑲᑕᒼ ᒧᐋᑊ ᐁᑯᐢᐱ. 5#ᓇᒼᐸᕒᐢ 31:8; 2 ᐱᑕᕒ 2:15,16; ᒍᐟ 1:11ᑭ ᐃᓯᑎᓴᐦᐊᒪᐁᐧᐤ ᒫᑲ ᐅᑖᒋᒧᐊᐧ ᐊᓂᐦᐃ ᐯᓬᐋᒼ ᐅᑯᓯᓴ ᐱᐋᕒ, ᐊᓂᑕ ᐯᐦᑖᕒ, ᐁᐊᐧᑯ ᑳ ᐊᔮᐠ ᒋᑭ ᓯᐱᕽ, ᐅᐟ ᐊᐢᑭᔨᕽ ᐅᐟ ᐃᔨᓂᒪ ᐅᐟ ᐊᐋᐧᓯᒥᓯᔨᐊᐧ, ᑭᑕ ᓇᑐᒫᐟ, ᐁ ᐃᑌᐧᐟ, ᒫᑎᑲ, ᐊᔨᓯᔨᓂᐊᐧᐠ ᐃᒋᑊᑎᕽ ᐯ ᐅᐦᒋ ᑕᑯᓯᓇᐧᐠ; ᒫᑎᑲ, ᐊᑲᐧᓂᐢᑲᒪᐧᐠ ᒥᓯᐁᐧ ᐊᐢᑭ, ᐁᑯᓯ ᒫᑲ ᓂ ᑭ ᑲᐯᓯᑐᑖᑲᐧᐠ. 6ᐯ ᐃᑐᐦᑌ ᒫᑲ ᑭ ᐸᑯᓭᔨᒥᑎᐣ ᓈᓂᐳᑕᒪᐃᐧᐣ ᐅᑭ ᐊᔨᓯᔨᓂᐊᐧᐠ; ᒋᑫᒫ ᐅᓵᒼ ᓱᑳᑎᓯᐊᐧᐠ ᓂᔭ ᑭᑕ ᑭ ᓵᑯᐊᑭᐠ; ᒫᐢᑯᐨ ᐊᐦᐳ ᓂ ᑲ ᓵᑯᐋᐊᐧᐠ ᑭᑕ ᓂᐸᐊᑭᐠ, ᒥᓇ ᐅᒪ ᐊᐢᑭ ᑭᑕ ᐅᐦᒋ ᓯᐯᐧᑎᓴᐦᐋᐧᐊᐧᐠ; ᒋᑫᒫ ᓂ ᑭᐢᑫᔨᑌᐣ ᐊᐃᐧᔭᐠ ᐁ ᓴᐁᐧᔨᒪᐟ ᓴᐁᐧᔨᑖᑯᓯᐤ, ᒥᓇ ᐊᐃᐧᔭᐠ ᐁ ᓈᓂᐳᒪᐟ ᓈᓂᐳᒋᑳᓱ.
7ᐊᓂᑭ ᒫᑲ ᑳ ᓂᑳᓀᔨᑖᑯᓯᒋᐠ ᒧᐋᑊ ᐅᐦᒋ, ᒥᓇ ᑳ ᓂᑳᓀᔨᑖᑯᓯᒋᐠ ᒥᑎᔭᐣ ᐅᐦᒋ ᑭ ᓯᐯᐧᑌᐊᐧᐠ ᐁ ᑕᐦᑯᓇᑭᐠ ᑎᐸᐦᐊᒫᑐᐃᐧᐣ ᐸᑯᓇᐃᐧ ᐃᑐᑖᑐᐃᐧᐣ ᐅᐦᒋ; ᑭ ᐅᑎᑌᐊᐧᐠ ᒫᑲ ᐯᓬᐋᒼ, ᐁᑯᓯ ᐁ ᑭ ᐃᐧᐦᑕᒪᐋᐧᒋᐠ ᑳ ᑭ ᐃᑌᐧᔨᐟ ᐯᓬᐋᑲ. 8ᑭ ᐃᑌᐤ ᒫᑲ, ᐅᑕ ᑲᐯᓯᐠ ᑫ ᑎᐱᐢᑳᐠ, ᐁᑯᓯ ᑭ ᑲ ᐯᑕᒫᑎᓈᐋᐧᐤ ᐃᑌᐧᐃᐧᐣ, ᑳ ᑎᐯᔨᐦᒋᑫᐟ ᑫ ᐃᓯ ᐃᐧᐦᑕᒪᐃᐧᑫᐧ; ᐊᓂᑭ ᒫᑲ ᒧᐋᑊ ᐅᑭᒫᐊᐧᐠ ᑭ ᐃᐧᒋᐊᔮᒣᐊᐧᐠ ᐯᓬᐋᒪ. 9ᑭᓭᒪᓂᑐ ᒫᑲ ᑭ ᐯ ᓈᑌᐤ ᐯᓬᐋᒪ, ᒥᓇ ᑭ ᐃᑌᐧᐤ, ᑫᑲᐧᐩ ᐊᔨᓯᔨᓂᐊᐧᐠ ᐅᑭ ᑳ ᐃᐧᒋᐊᔮᒥᐢᑭᐠ? 10ᐯᓬᐋᒼ ᒫᑲ ᑭ ᐃᑌᐤ ᑭᓭᒪᓂᑐᐊᐧ, ᐯᓬᐋᐠ ᐅᑯᓯᓴ ᓯᐹᕒ, ᒧᐋᑊ ᑭᐦᒋ ᐅᑭᒫᐤ, ᓂ ᑭ ᐃᓯᑎᓴᐦᐊᒫᐠ, ᐁ ᐃᑌᐧᐟ, 11ᒫᑎᑲ ᐃᒋᑊᑎᕽ ᐯ ᐅᐦᒋ ᑕᑯᓯᓇᐧᐠ ᐊᔨᓯᔨᓂᐊᐧᐠ, ᐁᑯᓯ ᐊᑲᐧᓂᐢᑲᒪᐧᐠ ᒥᓯᐁᐧ ᐊᐢᑭ; ᐁᑲᐧ ᒫᑲ, ᐯ ᓇᑕᐃᐧ ᓈᓂᐳᑕᒪᐃᐧᐣ; ᒫᐢᑯᐨ ᐊᐦᐳ ᓂ ᑲ ᑲᐢᑭᑖᐣ ᑭᑕ ᓵᑯᐊᑭᐠ ᒥᓇ ᑭᑕ ᐊᐧᔭᐃᐧᑎᓴᐊᐧᑭᐠ. 12ᑭᓭᒪᓂᑐ ᒫᑲ ᐅᒥᓯ ᑭ ᐃᑌᐤ ᐯᓬᐋᒪ, ᓇᒪᐃᐧᔭ ᑭ ᑲ ᐃᐧᒉᐋᐧᐊᐧᐠ ᓇᒪᐃᐧᔭ ᑭ ᑲ ᓈᓂᐳᒫᐊᐧᐠ; ᒋᑫᒫ ᓴᐁᐧᔨᑖᑯᓯᐊᐧᐠ. 13ᐯᓬᐋᒼ ᒫᑲ ᑭ ᐊᐧᓂᐢᑳᐤ ᐁ ᑫᑭᓭᐸᔮᔨᐠ ᐁᑯᓯ ᑭ ᐃᑌᐤ ᐯᓬᐋᐠ ᐅᐟ ᐅᑭᒫᒥᔨᐊᐧ, ᑭᐟ ᐊᐢᑭᐋᐧᕽ ᐃᑐᐦᑌᐠ; ᒋᑫᒫ ᑳ ᑎᐯᔨᐦᒋᑫᐟ ᓇᒪᐃᐧᔭ ᓂ ᐃᐧ ᐸᑭᑎᓂᐠ ᑭᑖ ᐃᐧᒉᐃᐧᑕᑯᐠ. 14ᐅᐟ ᐅᑭᒫᒪ ᒫᑲ ᒧᐋᑊ ᑭ ᐸᓯᑯᐊᐧᐠ ᐁ ᑭ ᓇᑕᐋᐧᐸᒫᒋᐠ ᐯᓬᐋᑲ, ᐁᑯᓯ ᑭ ᐃᑌᐧᐊᐧᐠ, ᐯᓬᐋᒼ ᓇᒪᐃᐧᔭ ᓂ ᐃᐧ ᐯ ᐃᐧᒉᑯᓈᐣ.
15ᐯᓬᐋᐠ ᒫᑲ ᑭ ᐃᓯᑎᓴᐁᐧᐤ ᒥᓇ ᐅᑭᒫᐊᐧ, ᓇᐊᐧᐨ ᒥᐦᒉᐟ, ᒥᓇ ᐊᐊᐧᓯᒣ ᐁ ᑭᐢᑌᔨᑖᑯᓯᔨᐟ ᐃᔨᑯᕽ ᐊᓂᐦᐃ. 16ᑭ ᐅᑎᑌᐊᐧᐠ ᒫᑲ ᐯᓬᐋᒪ, ᒥᓇ ᐅᒥᓯ ᑭ ᐃᑌᐊᐧᐠ, ᐅᒥᓯ ᐃᑌᐧᐤ ᐯᓬᐋᐠ ᐅᑯᓯᓴ ᓯᐹᕒ, ᑭᔮᒼ ᐁᑳᐃᐧᔭ ᑫᑲᐧᐩ ᑭ ᐸᑯᓭᔨᒥᑎᐣ, ᑭ ᑲ ᑭᐱᒋᐦᐃᑯᐣ ᑭᑕ ᐯ ᓈᓯᔭᐣ; 17ᒋᑫᒫ ᓈᐢᐱᐨ ᑭ ᑲ ᑭᐢᑌᔨᑖᑯᐃᑎᐣ, ᐁᑯᓯ ᐱᑯ ᑫᑲᐧᐩ ᑫ ᐃᓯᐊᐧᓀ ᓂ ᑲ ᐃᑐᑌᐣ; ᐯ ᐃᑐᐦᑌ ᑭ ᐸᑯᓭᔨᒥᑎᐣ, ᓈᓂᐳᑕᒪᐃᐧᐣ ᐅᑭ ᐊᔨᓯᔨᓂᐊᐧᐠ. 18ᐯᓬᐋᒼ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ ᐊᓂᐦᐃ ᐯᓬᐋᐠ ᐅᐟ ᐊᑐᐢᑫᔮᑲᓂᔨᐊᐧ, ᑭᐢᐱᐣ ᐯᓬᐋᐠ ᒥᔨᐟ ᐅ ᐋᐧᐢᑳᐦᐃᑲᐣ ᐁ ᒧᐢᑭᓀᔨᐠ ᐋᐧᐱᐢᑭᓱᓂᔮᐊᐧ ᒥᓇ ᐅᓵᐃᐧᓱᓂᔮᐊᐧ, ᓇᒪᐃᐧᔭ ᓂ ᑲ ᑭ ᐊᔨᐁᐧᐢᑲᒫᐧᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒼ, ᓄᐦᑕᐤ ᑭᑕ ᐃᑐᑕᒫᐣ ᐊᐦᐳ ᐊᐊᐧᓯᒣ. 19ᐁᑲᐧ ᒫᑲ ᑭ ᐸᑯᓭᔨᒥᑎᓈᐋᐧᐤ, ᐊᔮᐠ ᑭᔭᐋᐧᐤ ᒥᓇ ᐅᑕ ᑫ ᑎᐱᐢᑳᐠ, ᑭᑕ ᑭᐢᑫᔨᑕᒫᐣ ᒪᐦᑎ ᒥᓇ ᑫ ᐃᓯᑫᐧ ᑳ ᑎᐯᔨᐦᒋᑫᐟ. 20ᑭᓭᒪᓂᑐ ᒫᑲ ᑭ ᐯ ᓈᑌᐤ ᐯᓬᐋᒼ ᐁ ᑎᐱᐢᑳᔨᐠ, ᐅᒥᓯ ᒫᑲ ᐁ ᑭ ᐃᑖᐟ, ᑭᐢᐱᐣ ᐊᓂᑭ ᐊᔨᓯᔨᓂᐊᐧᐠ ᑭ ᐯ ᓇᑐᒥᑲᐧᐠ, ᑭᔮᒼ ᐸᓯᑯ ᐁᑯᓯ ᐃᐧᒉᐃᐧᐠ; ᒫᑲ ᐁᔨᐁᐧᕽ ᐊᓂᒪ ᐃᑌᐧᐃᐧᐣ ᑫ ᐃᑎᑖᐣ, ᐁᐊᐧᑯ ᐱᑯ ᑫ ᐃᑐᑕᒪᐣ. 21ᐯᓬᐋᒼ ᒫᑲ ᑭ ᐊᐧᓂᐢᑳᐤ ᐁ ᑫᑭᓭᐹᔮᔨᐠ, ᐁᑯᓯ ᑭ ᐊᐢᐸᐱᐃᐧᓂᑲᑕᐁᐧᐤ ᐅ ᓱᓱᐃᐧᒥᐢᑕᑎᒧᒪ, ᒥᓇ ᑭ ᐃᐧᒉᐁᐧᐤ ᒧᐋᑊ ᐅᑭᒫᐊᐧ.
22ᑭᓭᒪᓂᑐ ᒫᑲ ᑭ ᑭᓯᐋᐧᓯᐤ ᐁ ᓯᐯᐧᑌᔨᐟ; ᑳ ᑎᐯᔨᐦᒋᑫᐟ ᐅᑭᓯᑯᒪ ᒫᑲ ᑭ ᓂᐸᐃᐧᔨᐊᐧ ᒣᐢᑲᓈᕽ ᑭᑕ ᓇᑳᐢᑳᑯᐟ. ᑭ ᑌᐦᑕᐱᐤ ᒫᑲ ᐊᓂᐦᐃ ᐅᑌᒪ, ᐁᑯᓯ ᐁ ᓂᓯᔨᐟ ᐅᐟ ᐊᑐᐢᑫᔮᑲᓇ ᐁ ᐃᐧᒉᐃᐧᑯᐟ. 23ᐊᓇ ᒫᑲ ᓱᓱᐃᐧᒥᐢᑕᑎᒼ ᑭ ᐋᐧᐸᒣᐤ ᑳ ᑎᐯᔨᐦᒋᑫᔨᐟ ᐅ ᑭᓯᑯᒪ ᐁ ᓂᐸᐃᐧᔨᐟ ᒣᐢᑲᓈᕽ ᒥᓇ ᐁ ᒧᐢᑖᐱᑕᑳᐠ ᐃᓴᐁᐧᐢᐠ ᐁ ᓂᒥᓇᒥᔨᐟ; ᐊᓇ ᒫᑲ ᓱᓱᐃᐧᒥᐢᑕᑎᒼ ᑭ ᐸᐢᑫᐤ, ᐁᑯᓯ ᑭᐢᑎᑳᓂᕽ ᑭ ᐃᑐᐦᑌᐤ; ᐯᓬᐋᒼ ᒫᑲ ᑭ ᐸᑲᒪᐁᐧᐤ ᓱᓱᐃᐧᒥᐢᑕᑎᒪᐧ, ᒣᐢᑲᓈᕽ ᐁ ᑲᑫᐧ ᐃᓯ ᒥᓄᐱᑖᐟ. 24ᐁᑲᐧ ᑳ ᑎᐯᔨᐦᒋᑫᐟ ᐅ ᑭᓯᑯᒪ ᑭ ᓂᐸᐃᐧᐤ ᐃᑕ ᐁ ᐋᐧᔭᒑᐠ ᑕᐢᑕᐋᐧᔨᕽ ᓱᒥᓂᑭᐢᑎᑳᓇ, ᒣᓂᑲᐣ ᐅᑎ ᐃᑌᑫ ᐁ ᐊᔮᐠ, ᒥᓇ ᒣᓂᑲᐣ ᓀᑌ ᐃᑌᐦᑫ ᐁ ᐊᔮᐠ. 25ᐊᓇ ᒫᑲ ᓱᓱᐃᐧᒥᐢᑕᑎᒼ ᑭ ᐋᐧᐸᒣᐤ ᐅᑭᓯᑯᒥᔨᐊᐧ ᑳ ᑎᐯᔨᐦᒋᑫᔨᐟ, ᐁᑯᓯ ᒋᑭ ᒣᓂᑲᓂᕽ ᑭ ᐃᐢᐸᔨᐦᐅ, ᐁᑯᓯ ᑭ ᐱᐢᑕᐢᑯᑎᑖᐁᐧᐤ ᐯᓬᐋᒼ ᐅᓯᑎᔨᐤ; ᐁᑯᓯ ᒥᓇ ᑭ ᐸᑲᒪᐁᐧᐤ. 26ᑳ ᑎᐯᔨᐦᒋᑫᐟ ᐅᑭᓯᑯᒪ ᒫᑲ ᑭ ᔭᑯᑌᐤ, ᐁᑯᓯ ᑭ ᓂᐸᐃᐧᐤ ᐃᑕ ᐁ ᓵᑲᐊᐧᑕᒧᔨᐠ, ᐃᑕ ᐁᑳ ᐁ ᐃᐦᑕᑲᐧᕽ ᑭᑕ ᑭ ᑫᐧᐢᑭᕽ ᑭᐦᒋᓂᐢᑭᕽ ᐃᓯ ᐊᐦᐳ ᓇᒪᑎᓂᕽ. 27ᐊᓇ ᒫᑲ ᓱᓱᐃᐧᒥᐢᑕᑎᒼ ᑭ ᐋᐧᐸᒣᐤ ᑳ ᑎᐯᔨᐦᒋᑫᔨᐟ ᐅᑭᓯᑯᒪ, ᐁᑯᓯ ᑭ ᐸᐦᑭᓯᐣ ᐯᓬᐋᒼ ᐁ ᑌᐦᑕᐱᐟ; ᐁᑯᓯ ᐯᓬᐋᒼ ᑭ ᑭᓯᐋᐧᓯᐤ ᒥᓇ ᐅ ᓴᐢᑲᐅᐣ ᐅᐦᒋ ᑭ ᐸᑲᒪᐁᐧᐤ ᓱᓱᐃᐧᒥᐢᑕᑎᒪᐧ. 28ᑳ ᑎᐯᔨᐦᒋᑫᐟ ᒫᑲ ᑭ ᐸᐢᑭᑐᓀᓀᐤ ᐊᓂᐦᐃ ᓱᓱᐃᐧᒥᐢᑕᑎᒪᐧ, ᐅᒥᓯ ᒫᑲ ᑭ ᐃᑌᐤ ᐯᓬᐋᒪ, ᑫᑲᐧᐩ ᑳ ᑐᑖᑖᐣ, ᐁᑲᐧ ᐅᒪ ᓂᐢᑖᐤ ᑳ ᐸᑲᒪᐅᔭᐣ? 29ᐯᓬᐋᒼ ᒫᑲ ᑭ ᐃᑌᐤ ᓱᓱᐃᐧᒥᐢᑕᑎᒪᐧ, ᒋᑫᒫ ᑭ ᑭ ᒫᔦᔨᒥᐣ; ᐱᑕᓀ ᐃᓴᐁᐧᐢᐠ ᑕᐦᑯᓇᒫᐣ ᒋᑫᒫ ᑭ ᑳᐦ ᓂᐸᐃᑎᐣ. 30ᐊᓇ ᒫᑲ ᓱᓱᐃᐧᒥᐢᑕᑎᒼ ᑭ ᐃᑌᐤ ᐯᓬᐋᒪ, ᓇᒪ ᒋ ᓂᔭ ᑭᑌᒼ ᑳ ᑭ ᑌᐦᑕᐱᔭᐣ ᐊᐢᐱᐣ ᑳ ᐅᐦᒋ ᑎᐯᔨᒥᔭᐣ ᐱᔨᐢ ᐊᓄᐦᐨ ᑳ ᑭᓯᑳᐠ? ᐁᑯᓯ ᒋ ᑭ ᑭ ᐯ ᐃᑐᑖᑎᐣ? ᑭ ᐃᑌᐤ ᒫᑲ, ᓇᒪᐃᐧᔭ.
31ᐁᑲᐧ ᒫᑲ ᑳ ᑎᐯᔨᐦᒋᑫᐟ ᑭ ᑐᑳᐱᓀᐤ ᐯᓬᐋᒪ, ᐁᑯᓯ ᐋᐧᐸᒣᐤ ᑳ ᑎᐯᔨᐦᒋᑫᔨᐟ ᐅ ᑭᓯᑯᒪ ᐁ ᓂᐸᐃᐧᔨᐟ ᒣᐢᑲᓈᕽ, ᐃᓴᐁᐧᐢᐠ ᐁ ᒧᐢᑖᐱᑕᑳᐠ ᐁ ᓱᐃᐧᓇᒥᔨᐟ; ᑭ ᓇᐊᐧᑭᐢᑫᐧᔨᐤ ᒫᑲ ᒥᓇ ᑭ ᐅᑎᑖᐱᐸᑭᓯᐣ. 32ᐊᓂᐦᐃ ᒫᑲ ᑳ ᑎᐯᔨᐦᒋᑫᔨᐟ ᐅᑭᓯᑯᒪ ᑭ ᐃᑎᐠ, ᑖᓀᐦᑭ ᑳ ᐸᑲᒪᐊᐧᐟ ᑭᑌᒼ ᐁᑲᐧ ᓂᐢᑖᐧᐤ? ᒫᑎᑲ, ᓂ ᑭ ᐯ ᐃᑐᐦᑖᐣ ᑭᑕ ᓇᑳᐢᑲᑖᐣ, ᒋᑫᒫ ᓂ ᓇᔦᑖᐋᐧᐱᓯᒥᑯᐣ ᑭᐟ ᐃᓯᐦᒋᑫᐃᐧᐣ; 33ᐁᑯᓯ ᓱᓱᐃᐧᒥᐢᑕᑎᒼ ᓂ ᑭ ᐋᐧᐸᒥᐠ, ᐁᑯᓯ ᐁ ᑭ ᑕᐸᓯᐦᐃᐟ ᐁᑲᐧ ᓂᐢᑖᐧᐤ; ᑭᐢᐱᐣ ᐁᑳ ᑭ ᑕᐸᓯᐦᐃᐟ, ᑫᒋᓈ ᑭ ᑲ ᑭ ᓂᐸᐦᐃᑎᐣ ᓂ ᑲ ᑭ ᐱᒫᒋᐦᐋ ᒫᑲ ᐃᐧᔭ. 34ᐯᓬᐋᒼ ᒫᑲ ᑭ ᐃᑌᐤ ᑳ ᑎᐯᔨᐦᒋᑫᔨᐟ ᐅᑭᓯᑯᒪ, ᓂ ᑭ ᒪᒋᑐᑌᐣ ᒫᓇ ᒫᑲ; ᒋᑫᒫ ᓇᒪᐃᐧᔭ ᓂ ᑭᐢᑫᔨᑌᐣ ᐁ ᓂᐸᐃᐧᐢᑕᐃᐧᔭᐣ ᒣᐢᑲᓈᕽ, ᐁᑲᐧ ᒫᑲ, ᑭᐢᐱᐣ ᓇᔦᑖᐁᐧᔨᑕᒧᐊᐧᓀ, ᑳᐃᐧ ᓂ ᑲ ᑭᐋᐧᐣ. 35ᐊᓇ ᒫᑲ ᑳ ᑎᐯᔨᐦᒋᑫᐟ ᐅᑭᓯᑯᒪ ᑭ ᐃᑌᐤ ᐯᓬᐋᒪ, ᑭᔮᒼ ᐃᐧᒉᐃᐧᐠ ᐊᓂᑭ ᐊᔨᓯᔨᓂᐊᐧᐠ, ᒫᑲ ᐱᑯ ᐊᓂᒪ ᐃᑌᐧᐃᐧᐣ ᑫ ᐃᑎᑖᐣ, ᐁᐊᐧᑯ ᑫ ᐃᑌᐧᔭᐣ. ᐁᑯᓯ ᒫᑲ ᐯᓬᐋᒼ ᑭ ᐃᐧᒉᐁᐧᐤ ᐅᐟ ᐅᑭᒫᒥᔨᐊᐧ ᐯᓬᐋᐠ.
36ᐃᐢᐱ ᒫᑲ ᐱᔦᐦᑕᕽ ᐯᓬᐋᐠ ᐁ ᐯ ᑕᑯᓯᓂᔨᐟ ᐯᓬᐋᒼ, ᑭ ᓇᑕᐃᐧ ᓇᑭᐢᑲᐁᐧᐤ ᐊᓂᑕ ᒧᐋᑊ ᐅᑌᓈᕽ, ᐁ ᑭᓯᐱᑎᕽ ᐋᕒᓇᐣ ᑳ ᐊᔮᐠ ᒥᑐᓂ ᐁ ᑭᓯᐱᑎᕽ. 37ᐯᓬᐋᐠ ᒫᑲ ᑭ ᐃᑌᐤ ᐯᓬᐋᒪ, ᓇᒪ ᒋ ᐊᔨᐋᐧᐠ ᑭ ᑭ ᓇᑕᐁᐧᔨᒥᑎᐣ ᑳ ᐃᓯᑎᓴᐦᐅᐁᐧᔮᐣ ᐁ ᓇᑐᒥᑖᐣ? ᑖᓀᐦᑭ ᒫᑲ ᐁᑳ ᑳ ᑭ ᐯ ᓇᑕᐋᐧᐸᒥᔭᐣ? ᓇᒪ ᒋ ᓂ ᑲᐢᑭᑖᐣ ᑭᑕ ᑭᐢᑌᔨᑖᑯᐃᑖᐣ? 38ᐯᓬᐋᒼ ᒫᑲ ᑭ ᐃᑌᐤ ᐯᓬᐋᐠ, ᒫᑎᑲ, ᑭ ᐯ ᓇᑕᐋᐧᐸᒥᑎᐣ; ᓈᐣᑕᐤ ᒋ ᓂᐟ ᐃᓯ ᑲᐢᑭᑖᐣ ᑫᑲᐧᐩ ᑭᑕ ᐃᑌᐧᔮᐣ? ᐊᓂᒪ ᐃᑌᐧᐃᐧᐣ ᑭᓭᒪᓂᑐ ᑫ ᐊᐢᑖᐠ ᓂᑐᓂᕽ ᐁᐊᐧᑯ ᑫ ᐃᑌᐧᔮᐣ. 39ᐯᓬᐋᒼ ᒫᑲ ᑭ ᐃᐧᒉᐁᐧᐤ ᐯᓬᐋᐠ, ᐁᑯᓯ ᑭ ᑕᑯᓯᓇᐧᐠ ᐊᓂᑕ ᑭᕒᐃᔮᐦᐟ ᐦᐊᓵᐦᐟ. 40ᐯᓬᐋᐠ ᒫᑲ ᑭ ᐸᑭᑎᓂᑫᐤ ᒧᐢᑐᓴᐧ ᒥᓇ ᒫᔭᑎᐦᑲᐧ, ᐁᑯᓯ ᑭ ᐃᓯᑎᓴᐦᐊᒪᐁᐧᐤ ᐯᓬᐋᒼ ᒥᓇ ᐊᓂᐦᐃ ᐅᑭᒫᐊᐧ ᑳ ᐃᐧᒉᐃᐧᑯᔨᐟ.
41ᑭ ᐊᔨᑭᐣ ᒫᑲ ᐁᑎ ᐋᐧᐸᕽ, ᐯᓬᐋᐠ ᑭ ᐅᑌᓀᐤ ᐯᓬᐋᒪ ᐁᑯᓯ ᐁ ᑭ ᐃᑐᐦᑕᐦᐋᐟ ᐊᓂᑕ ᑳ ᐃᐢᐯᔨᑖᑯᑕᒫᐦᐟ ᐯᐊᓬ, ᐁᑯᓯ ᐁᑯᑕ ᐅᐦᒋ ᑭ ᐋᐧᐸᐦᑕᒼ ᒥᑐᓂ ᑭᓯᐸᓄᕽ ᐃᑕ ᐁ ᐊᔮᔨᐟ ᐊᓂᐦᐃ ᐊᔨᓯᔨᓂᐊᐧ.
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
This Bible text is a corrected edition of the 1908 Western Cree Bible; it is in the public domain.