RUM 4 Popüler Kutsal Kitap Ayetleri

Paylaş

Abeʹ pengelan Ibrahim tai lekak cen ia, abeʹ un kawaʹ kimet te neng dau tuket Allah. Pengelan ne tai pali kuʹo ke, ngan lemuto pe ia pempau Tuhan Allah. Un pelaʹa Ibrahim teto laleʹ le ia ngelan neng Allah iaʹ ban un penyukat ke pabeʹ inu iaʹ ia ban petuket ina.

Pekina ban sen dau Kitap iaʹ kuma ha: “Akeʹ uyan ikoʹ amai neng kadoʹ naʹan lepoʹ.” Ngan puyan pekina, tai palup ne dau tuket Allah iaʹ ke ngahum mung naʹan lepoʹ, mele aheʹ iaʹ ngelan koʹ baʹan Ibrahim are. Moʹ ia tisen Allah iaʹ pudip diaʹ matai, ngan cuk inu iaʹ abeʹ un kenai un.

Yesus ne iaʹ Allah ban mencai tai matai tuman penyalaʹ le kelunan, ngan pudip ia neng ca udip iaʹ tumpak laʹa, apan ne ke peteneng ilu tai teneng ngan Allah.

Ibrahim iaʹ ngelan ngan nebelum, naʹ pe ia abeʹ un taʹan inu iaʹ ukoʹ o ke nebelum ina. Pekina tai ie nuyan “amai neng kadoʹ naʹan lepoʹ.” Koʹ baʹan dau isiu dalem Kitap Tuhan iaʹ kuma ha: “Pekina kadoʹ mela hoʹ ʹo.”

Ina ukoʹ dau tuket Allah pebesun neng pengelan, apan iaʹ ia petuket ke naʹ me mela Ibrahim, abeʹ un inu iaʹ ke mempeng ia ke mencai ie ngan lebang nge. Abeʹ e diaʹ ngkang Katuk Adet tuaʹ le diaʹ ke mela Ibrahim, di lareʹ mung dulu diaʹ ngelan koʹ baʹan Ibrahim are. Ina ukoʹ Ibrahim ketai nuyan amai le mung.

“Bangen saheʹ ne diaʹ tisen ban Allah sau salaʹ de, moʹ abeʹ de taʹan toʹ penyalaʹ de iaʹ cen kena idai laʹa. Bangen saheʹ ne diaʹ tisen ban Tuhan abeʹ un pubo penyalaʹ de.” Pekina dau Daut.

Un dau dalem Kitap Tuhan pekini dau ue: “Ban Ibrahim ngelan neng Allah, ina ukoʹ kuʹun pengelan ne, Allah naʹ ia teneng.”