RUM 14 Popüler Kutsal Kitap Ayetleri

Paylaş

Moʹ puyan pengaren Allah ke ngaren ilu, abeʹ e puyan uman ngan nisep, di lareʹ puyan peneneng, ngan udip iaʹ tadan, ngan bangen iaʹ cen Berua Buheʹ. Aheʹ iaʹ tudep bayaʹ Keristus neng puyan iaʹ pekina, Allah iaʹ ke badaʹ seʹ e ubaʹ ia, ngan pekina pe dulu ke badaʹ seʹ puyan ne tiga.

Buk le mudip, seʹ le mudip me Tuhan. Buk le matai, seʹ le matai me Tuhan. Inu pe ilu mudip, inu pe ilu matai, Tuhan iaʹ un ilu.

Ina ukoʹ tiga le petuman mita inu inu puyan iaʹ ke ngkin udip iaʹ tadan, ngan puyan iaʹ ke mepo ngepali pengelan le semaheʹ apan.

Moʹ ban pekina, ayen pebetep dau neng ilu selepeʹ laʹa. Di lareʹ tekep kem pebetep tekaʹ kimet cem pekini: abeʹ meʹ ke uyan ca inu iaʹ ukoʹ cenganak meʹ ketai petatek ngan ketai laboʹ neng penyalaʹ.

Moʹ un dau Kitap Tuhan: “Akeʹ iaʹ mudip, kun dau Tuhan, ina ukoʹ kelunan mung ke sutlep kata akeʹ ʹo, ngan kelunan mung ke teto ngahaʹ akeʹ iaʹ atek Allah.” Moʹ ban pekina, singket usa le abeʹ le senteng are ke mipa neng puyan le tengen kata Allah uʹo.

Un kelunan iaʹ mengut pengelan ne, alaʹ a neng ahang ikem. Ayen paseʹ buk ke babak tekaʹ neng kimet te.

Aheʹ koʹ ini, inu sukat coʹ pebetep dau neng ulaʹ dulu tupe? Tuʹa ha neng amin ne iaʹ mencam pekimet buk puyan ne teneng, ngan buk ke salaʹ. Ina ukoʹ o salet tekejeng nge, moʹ Tuhan iaʹ Tuʹa ha un penyukat te pejeng ia.