Un dau Peterus: “Ahaʹ Ananias, moʹ inu hoʹ pedayo Sitan iaʹ tuʹa bali ngkang kimet coʹ, pa hoʹ lemalo Berua Buheʹ? Inu hoʹ mapo palai beli tanaʹ kelimeng ina tupe? Moʹ kena hoʹ ke pebeli ie, anun ncoʹ tengen lete. Lepa ne ikoʹ pebeli ie ʹo, ina beli ie dalem ikoʹ lepe. Moʹ inu hoʹ ban metep kimet ini kedalem penawai hoʹ tupe? Abeʹ seʹ koʹ lemalo neng kelunan, un sepuʹo seʹ koʹ lemalo Allah.”
Dalau Ananias kenahan dau tiraʹ ina, belekaʹ tai ie pengkup, penco berua ha pesau cen ia. Bioʹ laleʹ le takut neng dulu mung diaʹ kenahan dau puyan ina.