Roma Nenacaauru Rai 3 Popüler Kutsal Kitap Ayetleri

Paylaş

Satiin osa que nesarucuruhane jaunte, Cana ichoteraneein niha Cana Coaunerane saijieein que jaolequiin neeure. Nete jataain cana belaitohane jaun, Jesocurisito aina cuaain inara ichoterate core colane Cana Coaunera. Coatiha rai caohacha ichaain neeichene jaun, inara ichoteratihei Cana Coaunera.

Nete laen, inae ena nii rauhi colane cana ichoteraterichaaine coitucuerate Cana Coaunera. Niite coitucunaa nainichaache, nii rauhi aina nere beracuru profeta curu laenanohi ereretaain coaraain. Leinjiin Jesocurisito esenetaacachene aina cuaainchate naine, cana osa caje cana ichoteratiha Cana Coaunerane. Nii rijijieein techu, satiin esenetaain nenacaauru netonai ichoteratereein.

Nitohaneein jeriha Cana Coaunerane jaunte ohelu Jesocurisito, rai coichana aina cuaain cana osa aninuaain, cana que suujua acatena nainihane coina. Nechu queecha jaaequiin nihacachene corenihachate, cha ujuaihonelanaala nenaa rijijieein cana teein cana coaraane coitucuerate Cana Coaunera, esinae rauhijiriin luhecotariin cha coaetana inaenihane jaun. Enate esinae rauhijiriin caohacha ichaain, canaacha ichai ujuaihoneein nenaa caje satiin Jesocurisito esenetaeranichaachene ichoteratihane coaarate.

Nii jaun coatiha rauhi tonoraain necaauru nihanatiin, nii rauhi tonoraauruhane coreniha acaauru osa caje ichoteratenajarinaain Cana Coaunera, nii rauhi, esinae rauhijiriin osaaocaachene coitucunaa coinaacha nelatihane jaun.

Nii quete: “Nihei chuni cacha, canu rai caohacha ichaain nei. Nihei caohachanainejeein leinjiinniji. Nihei leinjiinniji Cana Coaunera coacuhin caohacha coitucuhin ichara. Satiinte baaso jeloon suujua cuaain caohacha ichana coacuelanaala baaso ichacure. Nii jaunte nene leinjiinniji caohacha ichara. Nihei caohacha nainejeein leinjiinniji.

Nitohaneeinte, nii rauhi tonoraain nihacachene, cana ichoteraterichaaine coina aitelanaala esenetaacachene coreniha osaaocaachene caje cana ichoteratihane coina aitoha Cana Coaunerane coitucuhacache inae.

Aihei jerihane. Cana Coaunerate, casajenetooruha satiin cachaaurune nihanatiin, itolere bana naitoonjoa rijijieein cha chaain nereein. Nitohanerichaainne quete: “Inae cuu tihane banate, esinae rauhijiriin aitohine rijijieein chachaaine coitucuurureein. Nii banate, ii esenetaauruhi casetecaai nohanelanaalane coitucuurureein. Nitohaneeinte joaenreein ii colurujuera amuritoriquiin”, naain ne laenanohineein Cana Coaunera Quiricha inoaensi cuhane.