Tsa'caen oque oraensi ansundesi Na'su Chigaja avujapa asi'ttaemba su: “Ccatsse gi andema tsa'caen egae tsoña'bi a'i egae tsincon'chone. Nane tsaveqque'su tsu a'ija chuitepie tsa'caen egaveyi in'jañe. Toya'caen ccatsse gi poiyi'cco cansian jincho'choma tsa'caen fi'ttiya'bi, ña ja'ño tsonqquia'caen.
Nane ande toya jin'ninda
joña'cho taiya'cho'qque pasaya'bi.
Chan'dia, coe'je'qque pasaya'bi.
Coejefa, sanfan'qque pasaya'bi.
A'ta, cose'qque pasaya'bi.”